ក្រសួងមហាផ្ទៃ បង្កើតក្រុមការងារអន្តរក្រសួង ចុះស្រាវជ្រាវករណីកាប់រានទន្ទ្រានដីព្រៃខុសច្បាប់ ក្នុងតំបន់ការពារធម្មជាតិនៅខេត្តមណ្ឌលគិរី

, , Leave a comment

​រាជធានី​ភ្នំពេញ ៖ បន្ទាប់ពីទទួលបានការឯកភាពពី សម្ដេចតេជោនាយករដ្ឋមន្ត្រី ក្រសួងមហាផ្ទៃបានបង្កើតក្រុមការងារអន្តរក្រសួង ដើម្បីចុះសិក្សាស្រាវជ្រាវលើករណីការកាប់ រានទន្ទ្រានកាន់កាប់ដីព្រៃខុសច្បាប់ ក្នុងតំបន់ការពារធម្មជាតិនៅក្នុងខេត្តមណ្ឌលគិរី។

យោងតាមសេចក្ដីសម្រេច របស់សម្ដេចក្រឡាហោម ស ខេង រដ្ឋមន្ត្រីក្រសួងមហាផ្ទៃចុះថ្ងៃទី២២ខែកក្កដា ឆ្នាំ២០២០ ក្រុមការងារអន្តរក្រសួង នេះមានចំនួន១៣រូបដោយមាន លោក អង មង្គល រដ្ឋលេខាធិការក្រសួងមហាផ្ទៃ ជាប្រធាននិងលោក នេត្រ ភក្ត្រា រដ្ឋលេខាធិការក្រសួងបរិស្ថាន ជាអនុប្រធាន។

ការសម្រេចបង្កើត គណៈកម្មការអន្តរក្រសួងនេះឡើង គឺយោងតាមរបាយការណ៍របស់ទីស្ដីការគណៈរដ្ឋមន្ត្រី ចុះថ្ងៃទី១២ ខែមិថុនា ឆ្នាំ២០២០កន្លងទៅនេះ ដោយមានចំណារឯកភាពពីប្រមុខរាជរដ្ឋាភិបាលផងដែរ។

បើតាម​ប្រភពពី​មន្ត្រី​ក្រសួងមហាផ្ទៃ បាន​បង្ហើប​ឲ្យ​ដឹងថា យ៉ាងហោចណាស់​មានមន្ត្រី​ពាក់ព័ន្ធ​ជាង ២០ នាក់ រួមទាំង អភិបាលខេត្ត មណ្ឌល​គី​រី អភិបាល ស្រុក​កោះ​ញែក ស្រុក អូររាំង សមាជិក​ព្រឹទ្ធសភា ឧត្ដមសេនីយ៍ ។ ល ។ ត្រូវបាន​ឯកឧត្ដម ប៊ិន ឈិន ឧបនាយករដ្ឋមន្ត្រី រដ្ឋមន្ត្រី ទីស្ដីការគណៈរដ្ឋមន្ត្រី គោរព​ស្នើសុំ​គោលការណ៍​ពី សម្ដេច​តេ​ជោ ហ៊ុន សែន ដើម្បី កែសម្រួល​ភារកិច្ច និង ដកហូត​មុខតំណែង ព្រោះ ពាក់ព័ន្ធ​នឹង​ការ​គប់គិត​គ្នា​ទន្ទ្រាន​យក​ដី​រដ្ឋ​ធ្វើ​កម្មសិទ្ធិ ។

ចំណែក​លោក សេង សុវណ្ណារ៉ា អនុរដ្ឋលេខាធិការ ក្រសួងយុត្តិធម៌ ត្រូវបាន​ដកហូត​មុខតំណែង និង​ចាប់ខ្លួន​បញ្ជូនទៅ​ពន្ធនាគារ​ឃុំខ្លួន​បណ្ដោះអាសន្ន ពាក់ព័ន្ធ​នឹង​ការទន្ទ្រាន​យក​ដី​រដ្ឋ​នៅ​ខេត្តមណ្ឌលគិរី​ច្រើនជាង ១០០០ ហិកតា ។មហាជន​មានការ​សាទរ​យ៉ាងខ្លាំង​ចំពោះ​ចំណាត់ការ​របស់​រាជរ​ដ្ឋា​ភិ​បាល​លើ​មន្ត្រី​ទន្ទ្រាន​យក​ដី​រដ្ឋ​ទាំងនោះ ៕
 
  

 

Leave a Reply

(*) Required, Your email will not be published