ឈ្មោះ នួន វៃ មេប៉ូលីសចរាចរណ៍ផ្លូវគោកខេត្តកណ្តាល ល្មោមកាម ដឹកដៃស្ត្រីកូនចៅ ឡើងផ្ទះសំណាក់ ប្ដីគេតាមទាន់ ល្បីកក្រើក…

, , Leave a comment

ខេត្តកណ្តាល ៖ មានរឿង​អាស្រូវ​ហួស​ថ្លែង ​បែក​ពាង​ប្រហុក​ស្អុយ​ រងំ​ពេញអង្គ​ភាព​នគរ​បាន​ចរាចរ​ខេត្តកណ្ដាល ខណៈ​នាយរង​ការិយាល័យ​ចរាចរ​ខេត្ត​នេះ​ម្នាក់​បាន​លបលួចបង្កាត់ភ្លើង​ស្នេ​ហ៏​ខុស​ក្បួនតម្រា​ស្នេហា​ឆក់កណ្តៀត ជាមួយ ​នាង​ជាម​ន្ដ្រី​ចរាចរណ៍​ក្រោម​ឱវាទ​របស់ខ្លួន​មិនដឹង​តាំងពី​ពេលណា​មក​នោះទេ ទើបតែ​នៅពេលនេះ ប្ដី​របស់​នាង​ ដែលមាន​តួនាទី​ ជា​មន្ដ្រីនគរបាល​ផ្នែក​អន្ដរាគមន៍ ​នៅ​ខេត្ដ​ជាមួយគ្នា​ផង​នោះ បាន​ស៊ើបអង្កេត​ តាម​ទាន់​ពួកគេ មេ​ និង​កូនចៅ ​សម្ងំ​ឡើងឋានសួគ៌​ យ៉ាង​មាន​សេចក្ដីសុខ​ នៅក្នុង​បន្ទប់​ផ្ទះសំណាក់ ​មួយកន្លែង បង្ក​ឲ្យ​មានការ​ភ្ញាក់ផ្អើល​ ដល់​ស​ម​ត្ថ​កិច្ច​និង​បាន​ចុះទៅពិនិត្យ​ដល់ទី​តាំង​កើតហេតុ​នៅ​ថ្ងៃទី​១៤ ខែកុម្ភៈ ឆ្នាំ​២០២០ ផ្ទះសំណាក់​យីហោ​”​ឈី​វ​សេង​”​បន្ទប់​លេខ​១០២ ស្ថិតក្នុង​ភូមិ​ថ្មី សង្កាត់​-​ក្រុង​តាខ្មៅ ខេត្តកណ្តាល​។​

ករណីនេះ​ បាន​លេចឮ​ ល្អាស​ល្អូ​ម បែក​ពាង​ប្រហុក នឹងធ្វើ​អោយកក្រើក ​ដល់​នគរបាល​ចរាចរ​ណ៌​ខេត្តកណ្តាល មិន​នឹកស្មាន​ដល់​ថា នារី​ជា​នគរបាល​ចរាចរ​ វ័យក្មេង​ មានកូន​១​ ក្លាយជា​សហាយស្មន់ ជាមួយ​មេ​រង​របស់ខ្លួន ​ដែលជា​នគរ បាល​ចរាច​រណ៍​ដូចគ្នា ​បង្ក​ភាពអាម៉ាស់ ​ក្នុងសង្គម​ងើបមុខ​មិន​រួច ។​

​សូមបញ្ជាក់ថា ករណី​នគរបាល​ចរាចរណ៍​មាន​ប្រពន្ធ ថែមទាំង​កូន​ហើយ បាន​លួចលាក់​មាន​ស្នេហា​ជាមួយ​នារី​ ជា​មន្ត្រី​ចរាចរណ៍​កូនចៅ​ខ្លួនឯង ហើយ ដែលមាន​ប្តីថែមទាំង​កូន​១​នោះ​ត្រូវ​ប្ដី​តាម​ទាន់​នៅផ្ទះ​សំណាក់ បាន​កើតឡើង​កាល ពី​វេលា​ម៉ោង៦​ល្ងាច​ថ្ងៃទី១​៤ខែកុម្ភៈឆ្នាំ​២០២០ នៅ​ចំណុច​ផ្ទះសំណាក់ ​«​យីហោ​» ឈី​វ​សេង បន្ទប់​លេខ​១០២ ស្ថិតក្នុង​ភូមិ​ថ្មី សង្កាត់​-​ក្រុង​តាខ្មៅ ខេត្តកណ្តាល​។​

បុរស​ជា​ប្តី​ដែល​ត្រូវ​ប្រពន្ធ​ផិតក្បត់​នោះ មានឈ្មោះ ចេ​វ សុភាព អាយុ​២៩​ឆ្នាំ មុខរបរ ជា​នគរបាល​អត្ត​រាគ​មន៍​ខេត្តកណ្តាល​។ ចំណែក​ប្រពន្ធរ​ផិត​គាត់​នោះ មានឈ្មោះ វ៉ន សុជាតា អាយុ​២៨​ឆ្នាំ​,​មុខរបរ ជា​នគរបាល​ចរាចរ​ណ៍​ផ្លូវគោក​ខេត្តកណ្តាល​។ដោយឡែក​សា​ហាយ​ស្មន់​របស់​នាង​នោះ មានឈ្មោះ នួន វៃ អាយុ ​៤៥​ឆ្នាំ​មុខរបរ​ជា​នាយរង​ការិយាល័យ​ចរាចរ​ផ្លូវគោក​ខេត្តកណ្តាល មាន រហស្សនាម​ទិព្យ​៩ ពួកគេ សុទ្ធតែជា​នគរបាល​ទាំងអស់គ្នា​។​

ក្នុង​របាយការណ៍​សម​ត្ថ​កិច្ច​បានអោយដឹងថា​៖មុនពេល​កើតហេតុ​ជនរងគ្រោះ​ ជា​ប្ដី​បាន​និយាយថា​ ខ្លួន​បាន​រៀបការ​ជាមួយគ្នា​ អស់​រយៈពេល​៥​ឆ្នាំ​ មកហើយ ដោយ​ប្តី​ជា​នគរបាល​អត្ត​រាគ​មន៍រីឯ​ប្រពន្ធ​ជា​មន្ត្រីនគរបាល​ចរាច​រ​ខេត្កណ្តាល និង​បង្កើតបាន​កូនស្រី​១​នាក់ តែ​មិនបាន​ចុះ​សំបុត្រអាពាហ៍ពិពាហ៍​ឡើយ​ទេ ។ លុះ​ក្រោយមក​ប្រហែល​២០​ថ្ងៃ មុនពេល​កើតហេតុ ជនរងគ្រោះ​និង​ប្រពន្ធ​បាន​ឈ្លោះប្រកែក​គ្នាបន្តិចបន្តួចប៉ុណ្ណោះ​ហើយ​ប្រពន្ធ​គាត់​ក៏បាន​ចុះចោល​ផ្ទះ​បាត់ ទៅ​មិនដឹង​ទៅណា​ទេ ។​

ប្រភព​បន្ដថា រហូតមកដល់​ ថ្ងៃកើតហេតុ ជនរងគ្រោះ ​ក៏បាន​តាមរក​ឃើញ​ប្រពន្ធ​ របស់ខ្លួន​ កំពុង​នៅក្នុង​បន្ទប់​លេខ​១០២ ​ក្នុងផ្ទះ​សំណាក់​​«​ឈាវ ​សេង​»  ជាមួយ​ ឈ្មោះ ​នួន វៃ ពេល​ឃើញ​ពួកគេ ​ក្នុងស្ថានភាព​បែបនេះ​ គាត់​មិនបាន​ប្រើ​ហិង្សា​ទៅលើ​ប្រពន្ធ​ ឬ​ប្រុស​សា​ហាយ​នោះទេ តែ​គាត់​បានរ​ត់ទៅ​ច្បាប​ និង​បាន​ប្តឹង​សមត្ថកិច្ច​ប៉ុស្តិ​តាខ្មៅ​អោយ​ចុះ​អត្ត​រាគ​មន៍ ដល់​កន្លែងកើតហេតុ តែ​ពេល​សមត្ថកិច្ច​មកដល់​ប្រពន្ធ​គាត់ ​បាន​រត់​គេចខ្លួនបាត់​ទៅហើយ ។​

ទាក់ទិន​នឹង​រឿងអាស្រូវ​ផ្លូវភេទ​ រវាង​ក្រុមគ្រួសារ​នគរបាល ​ដ៏​សាំ​ញាំ​នេះ នៅ​មិនអាច​សុំ​ការបកស្រាយ​បំភ្លឺ​ពី​ភាគី​ពាក់ព័ន្ធ​នោះទេ ដោយ​គ្មាន​លេខ​ទូរស័ព្ទ​តែ​អង្គភាព​យើងខ្ញុំ​រងចាំ​ទទួល​នូវ​ការបកស្រាយ​ជានិច្ច​៕

 

Leave a Reply

(*) Required, Your email will not be published