ក្របួចបិសាចតណ្ហា៣នាក់​បានហើយ​…​ករណី​​ចាប់ស្ត្រីបារាំង រំលោភ​បូក​ក្នុង​ឡាន​

, , Leave a comment

ខេត្តកំពត ៖ សេចក្តីរាយការណ៍ឱ្យដឹងថា ជនសង្ស័យ៣នាក់ បានប្រព្រឹត្ត​ចាប់រំលោភ​បូក​លើ​ស្ត្រី​ជនជាតិបារាំងម្នាក់​ ​នៅក្នុង​រថយន្ក កាលពី​វេលាទៀបភ្លឺ​ថ្ងៃទី​១១ តុលា​ កន្លងមក ត្រូវ​​សមត្ថកិច្ចឃាត់ខ្លួនបាន​​​បានហើយ។

សមត្ថកិច្ចបានអោយដឹងថា ជនសង្ស័យខាងលើ​ ១-ឈ្មោះ​ សេង ស៊្រុន អាយុ​៣៧ ឆ្នាំ មុខរបរ​ជាអ្នក​រត់​តាក់ស៊ីត្រូវកម្លាំង​ឃាត់​ខ្លួន​​មុនគេ មាន​ទីលំនៅក្នុងភូមិ បឹងវែង ឃុំ​វាលរិញ ស្រុកព្រៃ នប់ ខេត្តព្រះសីហនុ ។២-​ឈ្មោះ ពុំ លី​វី ហៅ​ហ្វ៊ី ​អាយុ១៩​ឆ្នាំ ជាកម្មករត​ទឹក​នៅ​លើ​ភ្នំ​បូកគោ​ រស់នៅភូមិសាង​គង់​ ឃុំនិទាន​ ស្រុក​បរ​សេ​ដខេត្តកំពង់ស្ពឺ​ និង៣-​ឈ្មោះ​ ង៉ែត​ នភា អាយុ ២៣​ឆ្នាំ ​ជាកម្មករត​ទឹក​នៅ​លើ​ភ្នំ​បូកគោនៅ​ភូមិត្រពាំង​លើកឃុំក្រាំង​ស្បូវ ស្រុក​ឈូក​ ខេត្តកំពត ។ប្រភពបន្តថា ជនសង្ស័យ​ទាំង​ពីរ​នាក់ ​ឆ្លើយសារភាព ​ខ្លួនពិតជា​បាន​រំលោភ លើស្រី្ត​បរទេសម្នាក់​ នោះមែន នៅ​ក្នុង​រថយន្តជាមួយ ឈ្មោះ សេង ស្រ៊ុ​ន (ជនសង្ស័យ ចាប់បានមុនគេ) ​ប្រាកដ​មែន ​។

គួរបញ្ជាក់ថា កាលពីវេលាម៉ោង៣ជិត​ភ្លឺ ព្រឹកថ្ងៃទី១១ ខែតុលា ឆ្នាំ២០១៩ មានករណីស្ត្រីជ​ន​ជាតិបា​រាំង​ម្នាក់ត្រូ​វបា​នជនទំនើងមួយក្រុមមានគ្នាបីនាក់​ ​បាន ចាប់បង្ខំរុ​ញ​ចូល​រថយ​ន្ត យកទៅចាប់រំលោភបូក ​នៅតា​មផ្លូវ​ចាក់​បេតុងរួច ចូលទៅក្នុងព្រៃស្ងាត់ មួយក​ន្លែ​ង នាមូលដ្ឋានក្រុងកំពត​ បានសម្រេច ទាំងអស់​គ្នា​។ ​បន្ទាប់មកនៅរសៀល​ថ្ងៃ​ដ​ដែល ស្ត្រីរងគ្រោះជនជាតិបារាំងរូ​ប​នោះ​ ក៏បានទៅដាក់ពាក្យបណ្តឹងប្តឹងដល់ក​ម្លាំ​ងសម​ត្ថកិ​ច្ចស្នង​ការដ្ឋាន​ខេត្តកំពត ដើម្បីឲ្យជួយធ្វើអន្តរាគមន៍ ​ស្រា​វជ្រាវរ​កមុខល្មើស យកមក ផ្តន្ទាទោសតាមច្បា​ប់​។ស្ត្រីរងគ្រោះ បាននិយាយប្រាប់សមត្ថ​កិ​ច្ចថា នៅក្នុងអំឡុងពេល រូបនាង ត្រូវ ជន​ល្មើ​សចំ​នួន៣នាក់ ចាប់រំលោភនៅក្នុងរថយន្ត​​ ក៏​ត្រូវជ​នល្មើសថតជាវីដេអូ រួមភេទនោះ តាម​ទូ​រស័​ព្ទដៃ ថែ​មទៀតផ​ង៕

   

 

Leave a Reply

(*) Required, Your email will not be published