លោក អូត ស៊ីវុត្ថា ស្នងការរងទទួលផែនចរាចរណ៍ ពង្រាយមន្ត្រីចររាចរណ៍ នៅតាមគោលដៅ ត្រួតពិនិត្យចរាចរណ៍ផ្លូវគោក និងកុងត្រូលត្រួតពិនិត្យបទល្មើសព្រៃឈើសត្វព្រៃ យកលុយពីឡានដឹកទំនិញ តាមរបៀបពុករលួយ

, , Leave a comment

ខេត្តស្ទឹងត្រែង ៖ ប្រភពពី​មន្ត្រី​អង្គការក្រៅរដ្ឋាភិបាល​និង​សកម្មជន​ព្រៃឈើ​ក្នុង​ខេត្តស្ទឹងត្រែង បាន​កត់សម្គាល់ថា ការដែល​អភិបាលខេត្ត​ស្ទឹងត្រែង លោក ម៉ុម សារឿន ដាក់ចេញ​បទបញ្ជា​ឲ្យ​សមត្ថកិច្ច​ចម្រុះ​អនុវត្តន៍​ច្បាប់​ទប់ស្កាត់​បទល្មើស​តាម​គោលដៅ​ចំនួន​៤​ចំណុច ​ក្នុង​ខេត្តស្ទឹងត្រែង កំពុង​ក្លាយទៅជា​រឿង​ឥតន័យ​។ដោយហេតុថា​បច្ចុប្បន្ន​មាន​ឈ្មួញ​ខ្មែរ​និង​ឈ្មួញ​យួន​ច្រើន ​នាក់​បន្តសកម្មភាព​ដឹកជញ្ជូន​ឈើ​ពី​ខេត្តស្ទឹងត្រែងចូល​ខេត្តក្រចេះ​ហើយ​មិន ឃើញ​សមត្ថកិច្ច​ចម្រុះចាត់វិធានការ​បង្ក្រាប​បទល្មើស​ឡើយ​។

ផ្ទុយទៅវិញ​សមត្ថកិច្ច​ចម្រុះ​ប្រចាំ​គោលដៅ​៤​កន្លែង​ក្នុង​ទឹកដី​ខេត្តស្ទឹងត្រែង បែរជា​រឹតបន្តឹង​ក្នុងការ​ត្រួតពិនិត្យ​ទៅលើ​រថយន្ត​តាក់ស៊ី​ដឹកជញ្ជូន​អ្នកដំណើរ​ទៅវិញ​។ជាពិសេស មន្ត្រីប៉ូលីសចររាចរណ៍ ក្រោមបង្គាប់លោក អូត ស៊ីវុត្ថា ស្នងការរងទទួលផែនចរាចរណ៍ ខេត្តស្ទឹងត្រែង បានចេញកាក់រថយន្តតាក់ស៊ី ដឹកជញ្ជូនអ្នកដំណើរ ដែលដឹកគ្រឿងសង្ហារឹម បន្តិចបន្តួច យកលុយ​តាមតែអំពើចិត្ត។ ប្រការនេះ​គឺជា​រឿង​ដែល​លោក ម៉ុម សារឿន អភិបាលខេត្ត​ស្ទឹងត្រែង ត្រូវ​ពិនិត្យឡើងវិញ​ ជាបន្ទាន់ ​ដើម្បី​កុំ​ឲ្យ​បទបញ្ជា​របស់ខ្លួន ​ក្លាយទៅជា​រឿង​ឥតន័យ​ឥតប្រយោជន៍​។

អ្នករកស៊ីដឹកជញ្ជូនទំនិញមួយចំនួន បានឲ្យដឹងថា សមត្ថកិច្ច​ចម្រុះ​ អនុវត្តន៍​ច្បាប់​ទប់ស្កាត់​បទល្មើស​តាម​គោលដៅ​ចំនួន​៤ចំណុច​ក្នុង​ខេត្តស្ទឹងត្រែងដែល មានភាពអនាធិបតេយ្យខ្លាំងជាងគេគឺចំណុចនៅតាមបណ្ដោយផ្លូវជាតិលេខ 7A ​ក្នុងភូមិអូឬស្សីកណ្តាល(អូរច្រឡង់)ឃុំអូរឬស្សីកណ្តាលស្រុកសៀមបូក។ដែល មានមន្ត្រីប៉ូលីសចររាចរណ៍ ក្រោមបង្គាប់លោក អូត ស៊ីវុត្ថា ស្នងការរងទទួល ផែនចរាចរណ៍ ខេត្តស្ទឹងត្រែង ឈរជើងនៅចំណុចនោះមានសិទ្ធិ អំណាច កាក់ ឡានដឹកទំនិញ និងបង្កព្យុះភ្លៀង តាមតែអំពើចិត្ត មិនដែលក្រែងញញើតអ្វីឡើយ។ទោះបីដឹងថា តួនាទីចររាចរណ៍ ធ្វើការត្រួតពិនិត្យ ច្បាប់ចររាចរណ៍ បច្ចេកទេសយានយន្តធ្វើការណែនាំឬធ្វើការពិន័យ តាមផ្លូវច្បាប់ឡើយ ក្រៅពី លាបាតដៃប្រមូលលុយ ថ្លៃក្បាល ឡានដឹកទំនិញគ្រប់ប្រភេទ តាមបែបពុករលួយ យកទៅចែកគ្នាធ្វើមាន ធ្វើបាន មួយថ្ងៃៗ មិនដឹង ជាយកទៅណាអស់ទេ ហើយក៏មិនដែលមាននរណាហ៊ានសួរនាំពីបញ្ហានេះក៏ព្រោះតែ ប្រាក់ចំណូល មួយភាគធំបែងចែកថ្នាក់លើ។

មន្ត្រីរដ្ឋបាលព្រៃឈើ បានអោយដឹងថា មន្ត្រីប៉ូលីសចររាចរណ៍ កូនចៅ លោក អូត ស៊ីវុត្ថា ស្នងការរងទទួលផែនចរាចរណ៍ ខេត្តស្ទឹងត្រែង ដែលឈរជើងនៅចំណុច(អូរច្រឡង់)ឃុំអូរឬស្សីកណ្តាលស្រុកសៀមបូកមានជំនាញកាក់ឡានដឹក ឈើ និងឡានដឹកទំនិញ ខុសលក្ខណះបច្ចេកទេស ឲ្យចូលបង់លុយ ដោយមិនធ្វើការពិន័យឡើយ បែរជាថ្នូរយកលុយធ្វើឲ្យគ្រប់ៗគ្នាញាក់សាច់ ៕ដោយ អាស្រូវ

ករណីខាងលើមិនអាចទទួលការបញ្ជាក់ពីលោក អូត ស៊ីវុត្ថា ស្នងការរងទទួល ផែនចរាចរណ៍ ខេត្តស្ទឹងត្រែង បាននៅឡើយទេ៕

 

 

 

 

Leave a Reply

(*) Required, Your email will not be published