អំណាច​បុណ្យស័ក្តិ​ឪពុក​ជា​ឧ​ត្ត​ម​សេនីយ៍​ទោ អាច​ផ្លាស់ប្តូរ​ទោស​ទោសទណ្ឌ​កូន​ជា​ក្រុម​ឧក្រិដ្ឋ​ជួញដូរ​គ្រឿងញៀន​ឆ្លងខេត្ត​

, , Leave a comment

​ខេត្តបន្ទាយមានជ័យ​ ៖ ងារ​ជាម​ន្ត្រី​ពាក់​ស័ក្តិ​លើ​ស្មា​ពលរដ្ឋ​មិន​នឹកស្មានថា «​ជា​មនុស្ស​បាត​សង្គម​អ៊ីចឹង​ឡើយ​» ដោយ​ធ្វើ​សកម្មភាព​ជួញដូរ​គ្រឿងញៀន​កក្រើក ៣​ខេត្ត សៀមរាប បាត់ដំបង និង​បន្ទាយមានជ័យ ត្រូវ​ក្រុម​សមត្ថកិច្ច​តាម​ប្រមាញ់​ចាប់បាន​នៅ​ថ្ងៃទី​១៧ ខែកញ្ញា ឆ្នាំ​២០១៨ ដែល​លោក​មន្ត្រី​ត្រូវគេ​លើកឡើងថា «​បាន​បំពេញមុខ​ម៉ែឪ​បានល្អ​ណាស់ សមជា​កូនលោក​នាយទាហាន​មែន​»​។​
​ក្រុម​ឧក្រិដ្ឋ​ជួញដូរ​គ្រឿងញៀន​ឆ្លងខេត្ត យ៉ាងសកម្ម​៥​នាក់ ត្រូវ​សមត្ថកិច្ច​នគរបាល និង​អាវុធហត្ថ​ខេត្តបន្ទាយមានជ័យ បង្ក្រាបបាន រួម​នឹង​គ្រឿង ញៀន​ជាង​២​គីឡូ​គី​ក្រាម និង​អាវុធ​ខ្លឺ​៤​ដើម ដែល​ក្នុងនោះ មេខ្លោង​ធំ​ក្រុម​ឧក្រិដ្ឋ​ជួញដូរ​គ្រឿងញៀន​ឆ្លងខេត្ត​មានឈ្មោះ ឃឹម ចំរើន​កូ​រ៉ា ជា​នាយ​ទា​ហ៊ាន​ជន់​ខ្ពស់​នៅ​អង្គភាព​កងពល​តូ​ចលេ​ខ​៤១ មាន​ឋានៈ​ជា​វរសេនីយ៍ទោគឺជា​កូន ប្រុស​របស់លោក​ឧ​ត្ត​ម​សេនីយ៍​ទោ នាង ឃីម មេបញ្ជាការ​កងពលតូច​លេខ​៤១ ប្រចាំខេត្ត​ឧ​ត្ត​រ​មានជ័យ​។​

​មេ​គ្រឿងញៀន​ជា​មន្ត្រី​យោធា​ម្នាក់នេះ ត្រូវបាន​សមត្ថកិច្ច​នគ​របាល និង​កងរាជអាវុធហត្ថ​ខេត្តបន្ទាយមានជ័យ សហការ​បង្ក្រាប​ចាប់ខ្លួន កាលពី​ថ្ងៃទី​១៧ ខែកញ្ញា ឆ្នាំ​២០១៨ ជាមួយនឹង​កាំភ្លើងខ្លី និង​ថ្នាំញៀន​ប្រមាណ​២​គីឡូក្រាម​។ មេ​ថ្នាំញៀន​ម្នាក់នេះ មាន​សមត្ថភាព​អាច​ជួញដូរ​ថ្នាំញៀន​បាន​៣​ខេត្ត គឺ​ខេត្តសៀមរាប បាត់ដំបង និង​បន្ទាយមានជ័យ ទីបញ្ចប់​ត្រូវ​ល្បីឈ្មោះ​ទាំង​ឪពុក​ទៀតផង​។​

​បើតាម​របាយការណ៍រ​បស់​មន្ទីរ​ប្រឆាំង​គ្រឿងញៀន បាន​ឲ្យ​ដឹងថា កាល​ថ្ងៃទី​១៥ ខែសីហា ឆ្នាំ​២០១៨ វេលា​ម៉ោង​២១​និង​៣០​នាទី​បង្ក្រាប​ការជួញដូរ​គ្រឿងញៀន នៅ​ចំណុច​សាលា​គំរូ ស្ថិតនៅ​ភូមិ​៣ សង្កាត់​ព្រះ​ពន្លា​ក្រុង​សិរីសោភ័ណ ខេត្តបន្ទាយមានជ័យ​។ ចាប់យក​វត្ថុតាង​ថ្នាំញៀន​ប្រភេទ​មេ​តំ​ហ្វេ​តា​មិន ទឹកកក​ចំនួន​៦៣៧,១៣​ក្រាម (​ជនសង្ស័យ​គេចខ្លួន​)​។ លុះ​ថ្ងៃទី​២១ ខែសីហា ឆ្នាំ​២០១៨ វេលា ២២​និ​ហ​០៣​នាទី កម្លាំង​ជំនាញ​ចុះ​ឆែកឆេរ​បន្ទប់​លេខ​១០ សណ្ឋាគារ​ប៉ោយប៉ែត របស់​ឈ្មោះ សំ ពិសី ភេទ​ប្រុស (​បក្ខពួក​របស់​ជួប​ដា​វិ​ន​) ជា​អ្នក​ជួល​ស្នាក់​នៅបាន​រកឃើញ​។​

 

​តាម​របាយការណ៍​រប​ស់​សមត្ថកិច្ច បាន​បញ្ជាក់ថា នៅ​ថ្ងៃទី​៧ ខែ​ក​ញ្ញ ឆ្នាំ​២០១៨ ឃាត់ខ្លួន ឈ្មោះ អោម បូរ៉ា​និ​ត ភេទ​ស្រី អាយុ​២៧ ឆ្នាំ (​ម្ចាស់​ថ្នាំញៀន​) នៅ​ចំណុច​ផ្លូវជាតិ លេខ​៥​ភូមិ​គោ​រដ្ឋា​ន សង្កាត់​អូរ​អំបិល ក្រុង​សិរីសោភ័ណ​។ បន្ទាប់មក​ថ្ងៃទី​៩ ខែកញ្ញា ឆ្នាំ​២០១៨ ឈ្មោះ សំ ពិសី ត្រូវបាន​ចាប់ខ្លួន រួមជាមួយ​ឈ្មោះ ហេង សៀ ភេទ​ប្រុស នៅ​ចំណុច​ភូមិ​យាង​ថ្មី ឃុំ​កូប ស្រុក​អូរជ្រៅ ខេត្តបន្ទាយមានជ័យ ចាប់យក​វត្ថុតាង ថ្នាំញៀន​ប្រភេទ​មេ​តំ​ហ្វេ​តា​មិន​ចំនួន​៣​ថង់​ស្មើ ២១,៤៤​ក្រាម (​ថ្នាំ​របស់​ហេង​សៀ​)​។ រហូតមកដល់​ថ្ងៃទី​១៧ ខែកញ្ញា ឆ្នាំ​២០១៨ វេលា​ម៉ោង ១៥៣០​នាទី សមត្ថកិច្ច​បាន​បន្ត​ការស៊ើបអង្កេត​ករណីនេះ នៅ​ចំណុច​ភូមិ​តារាង​បាល់ សង្កាត់​កំពង់ស្វាយ ក្រុង​សិរីសោភ័ណ ខេត្តបន្ទាយមានជ័យ ជា​លទ្ធផល​ឃាត់​ជនសង្ស័យ ចំនួន ២​នាក់ (​ស្រី​១​នាក់​) ចាប់យក​វត្ថុតាង កាំភ្លើងខ្លី​ធុន Glock ២​ដើម គ្រាប់​មួយចំនួន ។ បន្ត​សហការ​ជាមួយ​កម្លាំង​ស្នងការដ្ឋាន​ខេត្តសៀមរាប ឆែកឆេរ​លំនៅដ្ឋាន​រប​ស់ ឃឹម ចំរើន​កូ​រ៉ា នៅ​ភូមិ​សាលា​កំរើក សង្កាត់​ស្វាយដង្គំ ក្រុង​សៀមរាប ជា​លទ្ធផល​ចាប់​វត្ថុតាង​: សារធាតុ​ញៀន​ប្រភេទ មេ​តំ​ហ្វេ​តា​មិន​ទឹកកក ចំនួន​១​ដុំ​ធំ និង​៧ ថង់​តូច​ស្មើ ១៣១៩,២៣​ក្រាម មេ​តំ​ហ្វេ​តា​មិន​គ្រាប់​wy ចំនួន​៤០​ថង់​តូច ស្មើនឹង​៨៧៦៤​គ្រាប់​ទម្ងន់ ៧៨៨,៧៦​ក្រាម អាវុធខ្លី ១​ដើម ជញ្ជឹង​ថ្លឹង​ថ្នាំ​២​។ សរុប​លទ្ធផល​នៃប្រតិបត្តិ​ការបង្ក្រាប​មេខ្លោង​គ្រឿងញៀន​នេះ ឃាត់ខ្លួន​ជនសង្ស័យ ៥​នាក់ (​ស្រី​២​នាក់​) ថ្នាំញៀន​ប្រភេទ​មេ​តំ​ហ្វេ​តា​មិន​ទឹកកក​១៩៩៥,០១​ក្រាម ថ្នាំ​មេ​តំ​ហ្វេ​តា​មិន​គ្រាប់​(wy)៧៩៩,៩៤​ក្រាម ម្សៅ​កេ​តា​មិន​ទម្ងន់​៨​ក្រាម ថ្នាំ​គ្រាប់​(​អ៊ិ​ច​ស្តា​ស៊ី​)​ទម្ងន់​២,៩៦​ក្រាម ជញ្ជីង​សម្រាប់​ថ្លឹង​ថ្នាំញៀន​ចំនួន​៤​គ្រឿង​។ អាវុធខ្លី​ចំនួន​៤​ដើម ក្នុងនោះ​១​ដើម បាញ់​ហ្គាស បង់​៤ គ្រាប់​១៤៦​គ្រាប់ រថយន្ត​៣​គ្រឿង លុយ​ខែ្មរ​៥​លាន លុយ​ដុល្លារ​១៩៦៤​ដុល្លារ​។ សរុប​វត្ថុតាង​ថ្នាំញៀន​ទាំងអស់​ទម្ងន់​២៨០៦,៤២​ក្រាម ហើយ​ជនសង្ស័យ​និង​វត្ថុតាង ត្រូវ​សមត្ថកិច្ច​ជំនាញ បញ្ជូន​ខ្លួន​ទៅ​តុលាការ​។​

 

​បន្ទាប់ពី​បង្ក្រាប​ឈ្មួញ​ថ្នាំញៀន​ឆ្លងខេត្ត​ដ៏​មាន​ឥទ្ធិពល​រូបនេះ ត្រូវបាន​គេ​បង្ហើប​ថា មាន​អ្នកមានអំណាច កំពុងតែ​រត់ការ​ណ៍ ករណី​ឈ្មួញ​គ្រឿងញៀន​មាន​ឥទ្ធិពល​ឈ្មោះ ចំរើន​កូ​រ៉ា ឲ្យ​រួច​ផុតពី​សំណាញ់​ច្បាប់ និង​ការចោទប្រកាន់​។ តែ​ការ​រត់ការ​នោះ​មិនដឹងថា​មាន​ប្រសិទ្ធភាព​នៅពេលណា ឬ​អត់​នោះទេ បើ​វត្ថុតាង​ច្រើន​យ៉ាងនេះ ហើយ​មានឈ្មោះ​ជា​ស្ដេច​គ្រឿងញៀន​ធំជាងគេ​រហូត​ទៅដល់​ឆ្លងខេត្ត​ឯណោះ​៕

 

 

 

 

 

 

 

 

 

 

 

Leave a Reply

(*) Required, Your email will not be published