លោកឡង គីសឹង ចៅហ្វាយស្រុកសណ្តាន់ រងការរិះគន់ គ្មានសីលធម៌ជាអ្នកដឹកនាំ ខណៈអំពើពុករលួយត្រូវបានលាតត្រដាង

, , Leave a comment

ខេត្ត​កំពង់ធំ ៖ តាម​ប្រភព​ប្រជាពលរដ្ឋ​ក៏ដូចជា​ពី​មន្ត្រី​ក្នុង​មូលដ្ឋាន​បានឱ្យដឹង​ថា​លោក ​ឡង គី​សឹង ចៅហ្វាយស្រុក​សណ្តាន់ ខេត្ត​កំពង់ធំ កំពុង​ត្រូវប៉ាន់​ទទួល​ផលប្រយោជន៍​ ពី​បទល្មើស​ដែល​កំពុង​កើតមាន ​ពេញបន្ទុក​ ក្នុង​ភូមិ សាស្ត្រ​ស្រុក​សណ្តាន់​ដោយ​ក្នុងនោះ​មាន​ឈ្មោះ ហ៊​ ជា​ជំនិត​ លោក​អភិបាលស្រុក​ដែល​កំពុង​រវល់​ ឥត​ស្រាកស្រាន្ត​ដើរ​ប្រមូល​ លុយ​ពី​បទល្មើស​គ្រប់​ប្រភេទ​ក្នុង​ស្រុក​សណ្តាន់ ​និង​មានបំណង​ចង់​កំចាត់​ អ្នកកាសែត​ណា ​ដែល​មិន​ជួយ​បិទបាំង​អំពើពុករលួយ​របស់​ខ្លួន​។​

​ប្រភព​ដដែល ​បាន​បង្ហើប​ឱ្យដឹងទៀតថា មន្ត្រីក្រោមឱវាទ​ នៅក្នុង​ស្រុក​សណ្តាន់ មិនសូវ​ពេញចិត្ត​ ចរិត​ច្រ​ង៉េង​ច្រ​ង៉ាង និង​ពាក្យ​សម្តី​គ្មាន​សីលធម៌ ។ ពិសេស​ពេល​ផឹកស៊ី​ម្តងៗ ​តែង​ប្រើ​អំពើហិង្សា រួម​នឹង​ប្រើ​សិទ្ធិ​ ជា​ចៅហ្វាយ​រំលោភ​ពេលវេលា​ឯកជន​ របស់​កូនចៅ​ក្រោម​ឱវាទ​ ទៀតផង​។​

​ជាក់ស្តែង​កាលពី​ថ្ងៃ​ទី​១០ ខែ​សីហា ឆ្នាំ​២០១៨ លោក អាំង ប៊ុន​ហូ​វ ភ្នាក់ងារ​ឆ្លើយឆ្លង​ព័ត៌មាន ស៊ី​ភី​អិន ធី​វី (CPN-TV) ប្រចាំ​ខេត្ត​កំពង់ធំ ត្រូវបាន​លោក ឡ​ង គី​សឹង អភិបាល​ស្រុក​សណ្តាន់ ធ្វើ​ការយាយី និង​រំខាន​ដល់​ការងារ​ឯកជន​គ្រប់ពេល​ក្នុង​ការបំពេញ​ភារកិច្ច​ក្នុងនាម​ជា​ អ្នកសារព័ត៌មាន ​ស្របច្បាប់​ក្នុង​ព្រះរាជាណាចក្រ​កម្ពុជា​។​

​ជាមួយគ្នានេះ លោក ឡ​ង គី​សឹង បាន​ទៅ​ថត​ឡាន​លោក អាំង ប៊ុន​ហូ​វ ដោយ​មិន​ដឹង​មាន​បំណង​អ្វី​ពិតប្រាកដ​នោះ​ទេ​។ តែ​តាម​ការ ​ឱ្យ​ដឹង​ពី លោក អាំង ប៊ុន​ហូ​វ បាន​បញ្ជាក់​ប្រាប់ថា កន្លងមក​លោក​អភិបាល​ស្រុក​សណ្តាន់ ​រូប​នេះ​ខឹង​នឹង​ខ្លួន ដោយសារតែ​លោក​បាន​ធ្វើ​ព័ត៌មាន​អាស្រូវ​ជាច្រើន​នៅក្នុង​ទឹកដី​ស្រុក​ សណ្តាន់​។ ពិសេស សកម្មភាព​នានា​ ដែល​មាន​ការពាក់ព័ន្ធ​នឹង​អំពើពុករលួយ​របស់​លោក ឡ​ន គី​សឹង ដោយ​ហេតុ​ដូច្នេះ​ទើប​លោក អាំង ប៊ុន​ហូ​វ ជា​ឆ្អឹង​ទទឹង​ក​របស់​លោក​អភិបាល​ស្រុក​សណ្តាន់​។

​គេមិនដឹងច្បាស់ទេថា​តើទង្វើរលោក ឡ​ង គី​សឹង ​ចង់​កំចាត់​អ្នកសារព័ត៌មាន​ចេញពី​ដែនដី​របស់​ខ្លួន​គ្រប់គ្រង​ឬ ទើបបានជា ​ចង់​ធ្វើ​អ្វី​ តាមតែ​អំពើ​ចិត្ត​យ៉ាង​ដូច្នេះ​។

ករណីខាងលើមិនអាចទទួលការបញ្ជាក់ពីលោក ឡ​ង គី​សឹង អភិបាល​ស្រុក​សណ្តាន់ បាននៅឡើយទេ៕

 

 

Leave a Reply

(*) Required, Your email will not be published