សមត្ថកិច្ចចាប់បាន ឃាតករដុតផ្ទះ សម្លាប់មួយគ្រួសារ នៅខេត្តក្រចេះ បាន៤នាក់ហើយ

, , Leave a comment

ខេត្តក្រចេះ ៖ សេចក្តីរាយការណ៍​ឲ្យ​ដឹង​ថា ​កាលពីថ្ងៃទី១២ សីហា ២០១៨ ក្រោយ កើតមានអំពើឃាតកម្មដុតផ្ទះសម្លាប់មួយគ្រួសារនៅស្រុកចិត្របុរីខេត្តក្រចេះ ជនពាក់ព័ន្ធ​ករណី​នេះ កម្លាំងជំនាញនគរបាលព្រហ្មទណ្ឌ សហការជាមួយកម្លាំងនគរបាលស្រុកចិត្របុរី និងមានការសម្របសម្រួល ពីលោក ធុច បញ្ចសន្តិភាព ព្រះអាជ្ញារង អមសាលាដំបូង ខេត្តក្រចេះ បានធ្វើការឃាត់ខ្លួនជនសង្ស័យចំនួន៤នាក់ ត្រូវបានសមត្ថកិច្ចនាំទៅសាកសួរនៅស្នងការនគរបាលខេត្ត ដើម្បីបំពេញនីតិវិធីពាក់ពន្ធ័នឹងករណីឃាតកម្មនោះ។

មន្ត្រីប៉ូលីសប្រាប់ថា ជនសង្ស័យ​ចំនួន​៤​នាក់ ពាក់​ព​ន្ធ័​លើ​ករណី​ខាងលើ រួម​មាន ១-​ឈ្មោះ ចឹក ណូ ភេទ​ប្រុស អាយុ​៥០​ឆ្នាំ រស់នៅ​ភូមិ​ប្អៀ​រ ឃុំ​ថ្មី ស្រុក​ចិត្រ​បុរី ខេត្តក្រចេះ ២-​ឈ្មោះ ម៉ៅ ញ៉ា​ញ់ ភេទ​ប្រុស អាយុ​១៧​ឆ្នាំ រស់នៅ​រាជធានី​ភ្នំពេញ ជា​សន្តិសុខ​ក្រុមហ៊ុន​ហនុមាន​មាន​រឹទ្ធ​។ ៣-​ឈ្មោះ ចឹក ម៉ៅ ភេទ​ប្រុស អាយុ​៤៦​ឆ្នាំ រស់នៅ​ភូមិ​ប្អៀ​រ ឃុំ​ថ្មី ស្រុក​ចិត្រ​បុរី ខេត្តក្រចេះ និង​៤-​ឈ្មោះ ចឹក លឹ​ម​ស្រេង ភេទ​ប្រុស អាយុ​២០​ឆ្នាំ រស់នៅ​ភូមិ​ប្អៀ​រ ឃុំ​ថ្មី ស្រុក​ចិត្រ​បុរី ខេត្តក្រចេះ​។

សូម​បញ្ជាក់​ថា ចន្លោះ​ម៉ោង​១១​យប់ទៅ​ម៉ោង​២​​យប់ នៅ​ចំណុច កោះ​ប្រឹ​ម ភូមិ​ប្អៀ​រ ឃុំ​ថ្មី ស្រុក​ចិត្រ​បុរី ខេត្តក្រចេះ មានករណីឃាតកម្ម សំលាប់មួយ​គ្រួសារ​៤​នាក់​ រួមឪ​ពុ​កម្តាយ និង​កូន​ស្លាប់ រួចដុតផ្ទះ​ស្លាប់យ៉ាងអាណោចអាធ័ម។ហើយ​សាកសព​មនុស្ស​ទាំង​៤​នាក់​បាន​ត្រូវ​ភ្លើង​ឆេះ​ខ្លោច​ក្នុង​គំនរ​ផេះ​ផង់​មើលទៅ​គួ​ឲ្យ​សោកសង្រេង​ជាទី​បំផុត​៕

 

Leave a Reply

(*) Required, Your email will not be published