ជិះម៉ូតូដួល ចូលក្រោមរថយន្តសណ្តោង កិនស្លាប់ក្នុងថ្លុកឈាម

, , Leave a comment

ខេត្តកំពង់ស្ពឺ ៖ កាលពីវេលាម៉ោង៦យប់ថ្ងៃទី៥ កក្កដា ឆ្នាំ២០១៨ ស្ថិតនៅលើផ្លូវជាតិលេខ៤ ចន្លោះគីឡូម៉ែត្រលេខ៥២-៥៣ ត្រង់ចំណុចភូមិបុស្សតានៃ ឃុំកាហែង ស្រុកសំរោងទង ខេត្តកំពង់ស្ពឺ។យុវជន​២​នាក់​ត្រូវ​បាន​រថយន្ត​កិន​ស្លាប់​មួយ​រំពេច បន្ទាប់​ពី​អ្នក​ទាំង​២​បាន​ជិះ​ម៉ូតូ​មួយ​គ្រឿង​យ៉ាង​លឿន​ហើយ​រអិល​ដួល​ចូល​ក្រោម​រថយន្ត ។

ប្រភពព័ត៌មានពីសមត្ថកិច្ចបានអោយដឹងថា មុនពេលកើតហេតុ គេឃើញ ជនរងគ្រោះឈ្មោះន សុខុម ភេទប្រុស អាយុ២២ឆ្នាំ ជាអ្នកបើកបរ និងឈ្មោះ អ៊ុន សីហា ភេទប្រុស អាយុ២៤ឆ្នាំ ជាអ្នករួមដំណើរ ជិះម៉ូតូមួយគ្រឿង ម៉ាកEXCITER ពណ៍ខ្មៅ គ្មានស្លកលេខ បើកចេញពីរោងចក្រមួយកន្លែងដែលនៅខាងត្បូងផ្លូវសំដៅឡើង ទៅផ្លូវជាតិលេខ៤ ក្នុងទិសដៅពីត្បូងទៅជើងពេលនោះមានរថយន្តមួយគ្រឿងម៉ាកFUSO មានសណ្តោងរ៉ឺម៉ក បើកបរ មកពីទិសខាងលិច (អែបស្តាំដៃ) ហើយអ្នកបើកម៉ូតូនោះក៏បានជាន់ហ្វ្រាំងរួចហើយក៏រអិលដួលចូលក្រោមរថយន្ដ ត្រូវរថយន្តកិនស្លាប់ទាំង២នាក់ តែម្តង ចំណែកអ្នកបើកបររថយន្តបានរត់គេចខ្លួនបាត់ ។

ក្រោយ​កើតហេតុ ​សមត្ថកិច្ច​ដើម្បី​ចុះ​ទៅ​ធ្វើ​កំណត់ហេតុ​វាស់វែង និង​បាន​នាំ​យក​រថយន្ត និង​ម៉ូតូ​មក​រក្សា​នៅ​ការិយាល័យ​នគរបាល​ចរាចរណ៍ ដើម្បី​ចាត់ការ​តាម​នីតិវិធី ។

 

Leave a Reply

(*) Required, Your email will not be published