លោក ភេ សុ​មុនី ប្រធាន​សាខាគយ​រាជធានី​ភ្នំពេញ ល្បី​ពេញ​ក្រុងភ្នំពេញ​ថា ពូកែ​រកលុយ​ច្រក​ហោប៉ៅ ដោយ​អាង​អំណាច​លោក គុណ ញឹម

, , Leave a comment

​រាជធានី​ភ្នំពេញ ៖ ប្រភពប្រាប់ថា ចាប់តាំងពី លោក ភេ សុ​មុនី ចូលកាន់​តំណែង​ជា ប្រធាន​សាខាគយ និង​រដ្ឋាករ រាជធានី​ភ្នំពេញ ជំនួស​លោក អ៊ុយ កុសល (​ចូលនិវត្តន៍​)ឈ្មួញ​អ្នករកស៊ី​នាំ​ទំនិញ​ ពី​ប្រទេសជិតខាង​ដែលមាន​ឃ្លាំង​ស្តុក​នៅ ក្នុង​រាជធានីភ្នំពេញ​ បាន​និយាយ​ពី​មាត់​មួយ​ទៅ​មាត់​មួយ​ថា លោក​មេ​គយ ភេ សុ​មុនី បាន​ចាត់តាំង​មន្ត្រី​ការិយាល័យ​គយ ខណ្ឌ​ទាំង​១២​នៅក្នុង​រាជធានី​ភ្នំពេញ​ឲ្យ​ចុះ​ការ​កោសរូស ប្រមូល​លុយ​ជាប្រចាំ​ពី​ឃ្លាំង​ស្តុក​ទំនិញ​រាប់រយ​កន្លែង ទោះជា​ស្របច្បាប់ ឬ​មិន​ស្របច្បាប់​សុទ្ធតែជា​ប្រភព​ប្រមូល​លុយ​ទាំងអស់​។ បើ​មិន​ដូច្នោះ​ទេ​ នឹងត្រូវ​ត្រួតពិនិត្យ​ឯកសារឆែកឆេរឃ្លាំងទំនិញ ដែល​នាំ​ឲ្យ​ម្ចាស់​ឃ្លាំង​ឈឺក្បាល​ ខាតបង់​ពេលវេលា​ និងជួបផលលំបាកជាក់ជាមិនខាន។ លោក ភេ សុ​មុនី ត្រូវបាន​មន្ត្រី​តូចតាច​លាន់មាត់​ថាមាន​ក្បាច់​ប្រ​ព្រឹ​ត​ពុករលួយ​ខ្លាំង​ជាង​លោកអ៊ុយកុសលមេចាស់​រាប់រយដង។​

​ឈ្មួញ និង​អាជីវករ​មួយ​ចំ​នួ បាន​លើកឡើងនូវ​រឿងអាស្រូវ ពុករលួយ របស់លោកភេ សុ​មុនី ប្រធាន​សាខាគយ​និង​រដ្ឋាកររាជធានី​ភ្នំពេញ​ក្រៅតែពី​ប្រមូល ​លុយ​តាម​ឃ្លាំងទំនិញ នៅមាន​ការឃុបឃិត​ជាមួយ​ឈ្មួញ​ធំៗ​ជាច្រើន​ទៀត​ដែល​នាំចូល​ទំនិញគេចពន្ធ និង​បង់ពន្ធ​មិន​គ្រប់​ដឹក​តាម​រថយន្ត​ធំៗ​ចូល​រាជធានី​ភ្នំពេញ​ ពេលយប់ៗ​ មកពី​ផ្លូវជាតិ​លេខ​១,​ផ្លូវជាតិ​លេខ​២,​ផ្លូវជាតិ​លេខ​៣,​ផ្លូវជាតិ​លេខ​៤,​ផ្លូវជាតិ​លេខ​៥,​ផ្លូវជាតិ​លេខ​៦ សុទ្ធតែ​សុំ​ភ្លើង​ខៀវ​ពី​លោក ភេ សុ​មុនី ជាមុន បើ​មិន​ដូច្នេះ​ទេ​នឹងរង​ការចាប់​យម​មក​ពិន័យ​គ្មាន​ការយោគយល់ និង​លើកលែង​ឡើយ​បច្ចុប្បន្ននេះ​លោក ភេ សុ​មុនី ព្យាយាម​រកលុយ ច្រក​ហោប៉ៅ ច្រើនជាង​បង់​ចូល​រដ្ឋ​។ ករណីនេះ​គួរតែ​លោក អូន ព័ន្ធមុនីរ័ត្ន ដែលជា​រដ្ឋមន្ត្រី ក្រសួង​សេដ្ឋកិច្ច និង​ហិរញ្ញវត្ថុ ពិនិត្យមើល​បញ្ហា​នេះ​ផង​។​

 

អំពើពុករលួយ​របស់​លោក ភេ សុ​មុនី និង​បក្ខពួក កំពុង​ធ្វើ​ឲ្យ​ប៉ះពាល់​យ៉ាងខ្លាំង ដល់​ឈ្មួញ និង​អា​ជីករ ដែល​រកស៊ី នាំចូល​ទំនិញ ពី​ប្រទេសជិតខាង មក​លក់​ចែកចាយ ក្នុង​រាជធានី​ភ្នំពេញ​។មានការ​ត្អូញត្អែ​ថា លោក ភេ សុ​មុនី មិន ​បង្ក្រាប​ឈ្មួញ ដែល​នាំចូល ទំនិញគេចពន្ធ និង​ទំនិញ​ខុសច្បាប់​នោះទេ បែរជា​គាបសង្កត់ ឈ្មួញ​ និងអាជីវករ ដែល​រកស៊ី​គោរព​ច្បាប់ ត្រឹមត្រូវ​ទៅវិញ​។ ឈ្មួញ និង​ក្រុម​អាជីវ ករ​មួយចំនួន​បាន​ឲ្យ​ដឹងថា សព្វថ្ងៃនេះ​ពួកគេ ត្រូវ​បង់លុយ​ឲ្យ កូនចៅ លោក ភេ សុ​មុនី ផង​ និងសម្រាប់ មន្ត្រី​គយ​ដែលមាន​ភារកិច្ច​មក​ប្រមូល​លុយ​ផង ដែលជា​ហេតុ ធ្វើ​ឲ្យ​ពួកគេ ត្រូវ​ប្រឈម​នឹង ការលំបាក​យ៉ាងខ្លាំង ក្នុង​របរ​រកស៊ី​សព្វថ្ងៃ​។

មានការ​លើកឡើងថា កាលដែល​លោក ភេ សុ​មុនី មានអំណាច​ពេញដៃ​ ហ៊ាន​ធ្វើ​អ្វីៗ​តាម​អំពើ​ចិត្តគឺមាន​ការ​បើកដៃពី​លោក គុណ ញឹម ដែលជា​អគ្គនាយក នៃ​អគ្គ​នាក​ដ្ឋា​ន គយ​និង​រដ្ឋាករ ផងដែរ ហើយ​ទំនងជា​មានការ​បែងចែក​ផលប្រយោជន៍​គ្នា​ទៀតផង​។ ប្រការ​នេះហើយ ទើប​លោក ភេ សុ​មុនី មានអំណាច​បើកភ្លើង​ខៀវ​ស្វាគមន៍​ឈ្មួញ​ត្រូវការ​ខ្នងបង្អែកហើយ​អាចបង្កើត​បក្ខ ពួករបស់ខ្លួន​ជាច្រើន​ក្រុមឲ្យ​ដើ​ប្រមូល​លុយ តាម​ឃ្លាំង​ស្តុក​ទំនិញ ទោះបី​ទំនិញ​ទាំងនោះ នាំចូល​បង់ពន្ធ​ស្របច្បាប់ ក៏​ចៀស​មិន​ផុត ពី​ការ​បង់លុយ​ដែរ​។ ឈ្មួញ​និង​ក្រុម​អា​ជីករ ដែល​មិន​ចង់ ខាត​ពេលវេលា​រកស៊ី ក៏​បង្ខំចិត្ត​បង់លុយ ឲ្យ​លោក ភេ សុ​មុនី និង​បក្ខពួកទាំង​ក្តៅក្រហាយ ហើយ​ក៏បាន ​ទម្លាយ​រឿងអាស្រូវ​ ជា​បន្តបន្ទាប់ ដើម្បី​ឲ្យ​លោក អូន ព័ន្ធមុនីរ័ត្ន រដ្ឋមន្ត្រីក្រសួង​សេដ្ឋកិច្ច និង​ហិញ្ញ​វត្ថុ​បាន​ដឹងឮ​រឿងអាស្រូវ​ពុករលួយ របស់​ប្រធាន សាខាគយ​រាជធានី​ភ្នំពេញ​៕

 

Leave a Reply

(*) Required, Your email will not be published