រន្ធត់ណាស់! រថយន្តហ៊ីយ៉ាន់ដាយបើកលឿនដូចហោះ បុករថយន្ត Vigo បណ្តាលអោយមនុស្សមួយគ្រួសារស្លាប់៣នាក់ និងរបួសធ្ងន់ ៣នាក់ នៅក្រុងតាខ្មៅ

, , Leave a comment

ខេត្តកណ្តាល ៖​ កាលពីវេលាម៉ោង៤រសៀល ថ្ងៃទី២៥ ខែឧសភា ឆ្នាំ២០១៨នេះ ដែលស្ថិតនៅតាមបណ្តោយផ្លូវ៦០ម៉ែត្រ ព្រំប្រទល់ខណ្ឌដង្កោ រាជធានីភ្នំពេញ និងភូមិដំណាក់សង្កែ សង្កាត់ព្រែកហូលរ ក្រុងតាខ្មៅ ខេត្តកណ្តាល មានករណីគ្រោះថ្នាក់ចរាចរណ៍ដ៏រន្ធត់មួយ បានកើតឡើង​បង្ក ដោយរថយន្ត​​ហ៊ីយ៉ាន់ដាយ​ បើកលឿនដូចហោះបានបើកបុករថយន្ត Vigo យ៉ាងពេញទំហឹង ឲ្យអូសជាង​​៥ម៉ែត្រ បណ្ដាលឲ្យជនរងគ្រោះ​ប្រុសស្រីក្មេងចាស់​​៣នាក់រងរបួស និង៣នាក់ទៀតស្លាប់ភ្លាមៗនៅកន្លែងកើតហេតុ។

ប្រភពនៅកន្លែងកើតហេតុ បានប្រាប់ ថា​ មុនពេលកើតហេតុ​ គេបានឃើញរថយន្ត​មួយគ្រឿង​ ម៉ាក​​ហ៊ីយ៉ាន់ដា​ ពណ៌ស​ ពាក់ស្លាកលេខ​​ព្រះសីហនុ​​3A-0830​ ជាប្រភេទរថយន្តដឹកទំនិញ​ បានបើកបរ ក្នុងទិសដៅពីលិចមកកើត​ ខណៈពេលជិះមកដល់ចំណុចត្រង់ផ្លូវបំបែកជាបួន​ ស្រាប់តែរថយន្តបង្ក បានបើក បុកជាមួយរថយន្ត​ មួយគ្រឿង​​​ ម៉ាក Vigo​ ពណ៌ទឹកមាស​ ពាក់ស្លាកលេខ​ភ្នំពេញ​2N-4733 យ៉ាងពេញទំហឹងបណ្តាលឲ្យអូស​ជាង​៥ម៉ែត្រ​ ហើយ​គៀបជាប់មនុស្សក្នុងរថយន្ត​ជនរងគ្រោះប្រុសស្រីក្មេងចាស់៣នាក់ស្លាប់និងជនរងគ្រោះ ៣នាក់ទៀតរងរបួសធ្ងន់  ។​ ចំណែក​​អ្នកបើករថយន្តបង្ក បានរត់គេចខ្លួនបាត់​ ដោយបន្សល់តែរថយន្តនៅនឹងកន្លែងងកើតហេតុ។​

ក្រោយកើតហេតុ​​ប្រជាពលរដ្ឋដែលនៅជិតនោះ​ បាននាំគ្នាជួយសង្គ្រោះ​ រួចបានហៅសមត្ថកិច្ចមូលដ្ឋាន ចុះមកដល់កន្លែងកើតហេតុ និងហៅរថយន្តសង្គ្រោះបន្ទាន់មកដឹកជនរងគ្រោះយកទៅមន្ទីរពេទ្យដើម្បីជួយសង្គ្រោះ។ខណៈ ពេលដែលដឹកជនរងគ្រោះ ទៅមន្ទីរពេទ្យ​នោះ​ ជាអកុសល​ បានស្លាប់​ចំនួន​៣នាក់​ និង​​៣នាក់ទៀត កំពុងស្ថិតនៅក្នុងការជួយសង្គ្រោះ៕

 

Leave a Reply

(*) Required, Your email will not be published