រថយន្តសេរីទំនើប ម៉ាកអូឌី បោះពួយយ៉ាងលឿន រេចង្កូត បុកសួនពុះចែកទ្រូងផ្លូវ ផ្ទុះឆេះស្លាប់ម្នាក់រងរបួសធ្ងន់២នាក់

, , Leave a comment

រាជធានីភ្នំពេញ ៖ នៅវេលា​ម៉ោង៣កន្លះ​ទៀបភ្លឺ​ថ្ងៃទី១៦ ខែឧសភា ឆ្នាំ២០១៨ ស្ថិត​តាម​បណ្ដោយ​ផ្លូវជាតិ​លេខ​៦A ចំណុច​រង្វង់​មូល​ ជ្រោយចង្វារ​ខាងកើត ក្នុង​សង្កាត់​ជ្រោយចង្វារ ខណ្ឌ​ជ្រោយចង្វារ រាជធានី​ភ្នំពេញ។រថយន្ត​ស៊េរី​ទំនើប​ម៉ាក​អូ​ឌី​ បើកបរ​ក្នុង​ល្បឿន​ដូច​ហោះ​បុក​ស្លាក​ប៉ាណូ​បាក់​ដល់​ដី​រួច​ ក្រឡាប់​ផ្ងារ​ជើងទ្រ​មេឃ​ បណ្តាលអោយស្លាប់​ម្នាក់​ ​ និង​ ២នាក់​ទៀត​រង​របួសធ្ងន់។

យោង​តាម​ប្រភព​ពី​កន្លែង ​កើតហេតុ​បាន​ឲ្យ​ដឹង​ថា​ នៅ​មុន​ពេល​ កើតហេតុ​ គេ​ឃើញ​បុរស​ម្នាក់​រួម​ដំណើរ​ និង​មិត្ត​ភ​កិ្ត​ពីរ​នាក់​បើក​ រថយន្ត​ស៊េរី​ទំនើប​ម៉ាក​អូ​ឌី​ ពណ៌​ស​ ពាក់​ស្លាក​លេខ​ ភ្នំពេញ​ 2AF-9229​ បាន​ធ្វើ​ដំណើរ​តាម​បណ្ដោយ ​ផ្លូវជាតិ​លេខ ​6A​ ក្នុង​ទិស​ដៅ​ពី​កើត​ទៅ​ លិច​ក្នុង​ល្បឿន​ដូច​ហោះ​ ខណៈ​មក​ដល់​ចំណុច​កើតហេតុ​ខាង​ លើ​បាន​រេ​ចង្កូត​ទៅ​បុក​សួន​ ចែកផ្លូវ​ហើយ​ហោះ​ទៅ​បុក​ស្លាក​ប៉ាណូ​បាក់​ដល់​ដី​រួច​ ក្រឡាប់​ផ្ងារ​ជើងទ្រ​មេឃ​ ហើយ​ឆេះ​ផ្សែងហុយ​ ទ្រលោម​ ។​ ចំណែក​អ្នក​ជិះ​ក្នុង​រថយន្ត ​ត្រូវ​បាន​បងប្អូន​ប្រជា​ព​រដ្ឋ​ ជួយ​វាយ​កញ្ចក់​បំបែក​ យក​អ្នកបើកបរឈ្មោះ​ សយ​ សាន​ ភេទ​ប្រុស​ អាយុ​២៩​ឆ្នាំ​ មានស្រុក​កំណើត​នៅ​ភូមិ​ល្អក់​ឃុំ​កំពង់ថ្ម​ ស្រុក​ស​ន្ទុ​ក​ ខេត្តកំពង់ធំ​ ​ទៅ​សង្គ្រោះ​ នៅ​ មន្ទីរពេទ្យ​កាល់​ម៉ែ​ត​ តែ​អកុសល់​ត្រូវ​ស្លាប់​ម្នាក់​ ពេល​បញ្ជូន​ទៅ​ដល់​មន្ទីរពេទ្យ​ និង​ ពីរ​នាក់​ទៀត​រង​របួសធ្ងន់ ​កំពុង​សង្គ្រោះ​បន្ទាន់​ ។​

ក្រោយ​កើតហេតុ​សមត្ថកិច្ច​មូលដ្ឋាន ​បាន​មក​ដល់​កន្លែង​កើតហេតុ ​ទាក់ទង​ជំនាញ​មក​វាស់វែង​ យក​រថយន្ត​បង្ក​ទៅ​ការិយាល័យ​ចរាចរណ៍​ជើង​គោក​ស្នងការ រាជធានី​ភ្នំពេញ​រង់ចាំ ​ដោះស្រាយ​តាម​ផ្លូវច្បាប់ ​។

 

Leave a Reply

(*) Required, Your email will not be published