បែកធ្លាយ !អំពើពុករលួយ​របស់​លោក រឿន ផៃ​រិ​ទ្ធ ប្រធាន​មន្ទីរ​សេដ្ឋកិច្ច​និង​ហិរញ្ញវត្ថុ ខេត្តមណ្ឌលគិរី

, , Leave a comment

ខេត្តមណ្ឌលគីរី ៖ សេចក្តីរាយការណ័ប្រាប់ថា លោក រឿន ផៃ​រិ​ទ្ធ ប្រធាន​មន្ទីរ​សេដ្ឋកិច្ច​និង​ហិរញ្ញវត្ថុ​ខេត្តមណ្ឌលគិរី កំពុង​ត្រូវបាន​មន្ត្រី​គណនេយ្យ​តាម​មន្ទីរ​នានា​ក្នុង​ខេត្តមណ្ឌលគិរីបើក​កកាយ​ជា​បន្តបន្ទាប់ដើម្បី​ឲ្យ​ថ្នាក់ដឹកនាំ​ក្រសួង​សេដ្ឋកិច្ច​និង​ហិរញ្ញវត្ថុ បាន​ជ្រួតជ្រាប​ហើយ​ចាត់វិធានការ​ទប់ស្កាត់​ ទាន់ពេលវេលា​។ ទន្ទឹមនឹងនេះ​ក៏មាន​សេចក្ដីអំពាវនាវ​ឲ្យ​លោក ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ បើក​ការស៊ើបអង្កេត​ ទៅលើ​រឿងអាស្រូវ​ពុករលួយ​របស់លោក រឿន ផៃ​រិ​ទ្ធ ជាបន្ទាន់​ផងដែរ​ព្រោះ​លោក រឿន ផៃ​រិ​ទ្ធ និង​បក្ខពួក​មួយចំនួន​តូច​ឃុបឃិត​គ្នា​ប្រព្រឹត្ត​អំពើពុករលួយ​ច្រើន​ឆ្នាំ​មកហើយ​។

 

តាម​ការ​បង្ហើប​ពី​មន្ត្រី​គណនេយ្យ ​នៅក្នុង​មន្ទីរ​មួយចំនួន ​ដែល​មក​បើក​លុយ​ចេញពី​មន្ទីរ​ហិរញ្ញវត្ថុ​ខេត្តមណ្ឌលគិរី បាន​ឲ្យ​ដឹងថា ពួកគេ​ត្រូវ​កាត់​៥​ភាគរយ​ឬ​រហូតដល់​១៥​ភាគរយ​ សម្រាប់​បង់​ឲ្យ​លោក រឿន ផៃ​រិ​ទ្ធ ទើប​អាច​បើក​លុយ​បាន​ឆាប់រហ័ស​យកទៅ​ប្រើប្រាស់​តាម​គម្រោង​នានា​។ ក្នុងនោះ​សម្រាប់​លោក រឿន ផៃ​រិ​ទ្ធ ដែលជា​ប្រធាន​មន្ទីរ​ ទទួលបាន​លុយ​ប្រមាណ​៥​ភាគរយ​យកទៅ​ធ្វើ​មាន​ធ្វើបាន​ផ្ទាល់ខ្លួន​ ដោយ​គ្មាន​ញញើត​អ្វី​ទាំងអស់ ហើយ​បើ​មន្ទីរ​ណា​ មិន​បង់លុយ​ភាគរយ​ទេនោះ គឺ​មិន​ងាយ​បើក​លុយ​បាន​ យកទៅ​ប្រើប្រាស់​ឡើយ​។

 

ដូច្នេះ​លោក អូន ព័ន្ធមុនីរ័ត្ន ដែលជា​រដ្ឋមន្ត្រីក្រសួង​សេដ្ឋកិច្ច​និង​ហិរញ្ញវត្ថុ ក៏ដូចជា​លោក ឱម យ៉ិនទៀង មិនគួរ​មើលរំលង ​រឿងអាស្រូវ ​ពុករលួយ​របស់លោករឿនផៃ​រិ​ទ្ធ ប្រធាន​មន្ទីរ​សេដ្ឋកិច្ច​និង​ហិរញ្ញវត្ថុ​ខេត្តមណ្ឌលគិរីដែល​កំពុង​ធ្វើ​អ្វីៗ​តាម​អំពើ​ចិត្ត​នោះទេ​។ជាច្រើន​ឆ្នាំ​មកហើយដែល​លោក រឿន ផៃ​រិ​ទ្ធ បង្ក​ការលំបាក​ ដល់​មន្ទីរ​ជុំវិញ​សាលាខេត្ត​មណ្ឌលគិរី ដែល​មក​បើក​លុយ ​យកទៅ​អនុវត្តន៍​គម្រោង​នានា ព្រោះ​លោក រឿន ផៃ​រិ​ទ្ធ មាន​ជំនាញ​ខាង​កាត់​ភាគរយ​យកទៅ​ធ្វើ​មាន​ធ្វើបាន​ផ្ទាល់ខ្លួន​យ៉ាង​ក្រអឺតក្រទម​៕

 

 

Leave a Reply

(*) Required, Your email will not be published