អ្នកគ្រប់គ្រង​ការផលិត ថោ​ន ចេញ​សារ​មួយ​នេះ ធ្វើឱ្យមាន​អ្នក​គិតថា ទ័ព​ថោ​ន អាច​នឹងខ្វះ​ស្បៀង​

, , Leave a comment

​រាជធានី​ភ្នំពេញ ៖ មួយរយៈ​នេះ​មាន​ព័ត៌មាន​ធ្លាយ​ចេញ​តិចៗ​ថា សកម្មភាព​ផ្ទៃក្នុង​របស់​ផលិតកម្ម ថោ​ន ដំណើរ​ការខុស​ប្រក្រតី ពោល​គឺមាន​អ្នកខ្លះ​ត្អូញត្អែរ​ពី​ប្រាក់ខែ​ក៏មានដែរ​។ ខណៈដែល​ដំណឹង​មិនសូវ​ល្អ​កំពុង​ក្លាយជា​ផ្ទាំង​កុន​ធ្វើឱ្យ​មហាជន​ចង់ដឹង​នេះ​រឿង​ដែរ ស្រាប់តែ​លោក អ៊ិន រិទ្ធី​ចិត្រ អ្នកគ្រប់គ្រង​ការផលិត​នៅ ថោ​ន បានចេញ​សារ​មួយ​ធ្វើឱ្យ​ចង្កោម​អ្នកសិល្បៈ ជាពិសេស​តារាចម្រៀង​ដែល​ត្រូវការ​បទ​ចម្រៀង​ចេញ​ជា​និរន្ត​នោះ​ព្រឺរ​សម្បុរ​គ្រប់គ្នា​ជាមិនខាន​។​

​នេះ​គឺជា​សារ​របស់លោក អ៊ិន រិទ្ធី​ចិត្រ “​មេ​ទ​ព័​ខ្លាំង​យុទ្ធសាស្ត្រ​យ៉ាងណា ក៏​នៅតែ​ចាញ់​សង្គ្រាម​ដែរ​បើ​គេ ផ្តាច់​ស្បៀង កូន​ទ​ព័​នឹង​រត់ ឬ ក្បត់ ដើម្បី​រក​ស្បៀង​ដោយ​ខ្លួនឯង​ជៀស​មិន​ផុត​” សារ​នេះ​ហាក់​បង្ហាញ​ពី​អារម្មណ៍​ពិត​របស់លោក​យ៉ាងច្បាស់​ថា លោក​មាន​ចេតនា​ចង់ឱ្យ​បុគ្គល​ណា​ម្នាក់​ដឹង​ពី​ទុក​លំបាក​របស់​មេទ័ព ដែលមាន​ន័យ​មិន​ខុសពី​អ្នកគ្រប់គ្រង​ការងារ​អ្វីមួយ​ប្រសិនបើ​គ្មាន​លុយ ដើម្បី​ចាយ​គ្នុង​គម្រោង​នោះទេ ទោះជា​ការរៀបចំ​យុ​តិ្ត​សាស្ត្រ​បែបណា ក៏​មិន​ជោគជ័យ ដូច​ទ័ព​រត់ចោលជួរ​មិន​ខុសគ្នា​ទេ​។​

​សារ​ខាងលើនេះ​ប្រសិនជា​សំដៅ​លើក​ការងារ​របស់លោក​ផ្ទាល់​នោះ គឺជា​រឿង​ពិបាក​ណាស់​ហើយ ទើប​លោក​ចេញ​សារ​បែបនេះ ហើយ​តារាចម្រៀង​គ្រប់រូប​ក៏​នឹង​អាច​ព្រួយបារម្ភ​ចំពោះ​បទ​ចម្រៀង​របស់ខ្លួន​ផងដែរ​។ តែ​ទោះយ៉ាងណា​ការដែល​លោក អ៊ិន រិទ្ធី​ចិត្រ ចេញ​សារ​ខាងលើ​មាន​អ្នកខ្លះ​គិតថា មិន​ពាក់ព័ន្ធ​ការងារ​របស់លោក​នៅក្នុង​ផលិតកម្ម ថោ​ន ទេ ព្រោះ​ក្នុង​ពេលនេះ​ផលិតកម្ម​ល្បី​មួយ​នេះ​នៅតែ​ចេញ​បទ​ចម្រៀង​ធម្មតា និង​ថែមទាំង​មាន​បទ​ល្បីៗ​ថែម​ទៀតផង​៕

 

 

Leave a Reply

(*) Required, Your email will not be published