ដាច់​គន្លឹះ​ទោង​វិល​នៅ​កោះ​ពេជ្រ ធ្លាក់​ក្មេង​របួសធ្ងន់ និង​ស្រាល​៤​នាក់​

, , Leave a comment

​រាជធានី​ភ្នំពេញ ៖ ក្មេងប្រុស​ស្រី ជា​បងប្អូន​៤​នាក់ បាននាំគ្នា​ឡើង​ជិះ​ទោង​យោល នៅក្នុង​មជ្ឈមណ្ឌល​កោះ​ពេជ្រ ស្រាប់តែ​ដាច់​គន្លឹះ​ធ្លាក់ រងរបួស​ធ្ងន់​ម្នាក់ និង​ស្រាល​៣​នាក់ បង្ក​ឲ្យ​មានការ​ភ្ញាក់ផ្អើល កាលពី​វេលា​ម៉ោង​៧​និង​៣០​នាទី​យប់ ថ្ងៃទី​២៧ ខែ​កុ​ម្ភះ ឆ្នាំ​២០១៨ តាម​បណ្តោយ​ផ្លូវ​បេតុង​គ្មាន​លេខ ក្នុង​ម​ជ្ឃ​មណ្ឌល​កោះ​ពេជ្រ ស្ថិតនៅ​ចំណុច​កន្លែង​ក្មេង​លេង ក្នុង​សង្កាត់​ទន្លេបាសាក់ ខណ្ឌចំការមន​។​

 

​សាក្សី​ដែល​ឃើញ​ហេតុការណ៍ បាន​ឲ្យ​ដឹងថា មុនពេល​កើតហេតុ​មាន​ក្មេងប្រុស​ស្រី​ចំនួន​៤​នាក់ ត្រូវជា​បងប្អូន​និង​គ្នា​បាននាំគ្នា​ទៅលេង​នៅ​កន្លែង​ក្មេង​លេង ក្នុង​ម​ជ្ឃ​មណ្ឌល​កោះ​ពេជ្រ​ដោយបាន​ជិះ​ទោង​យោល ដោយ​ប្រើ​ម៉ាស៊ីន​យោល​ទៅវិញទៅមក ខណៈពេល​ពួកគេ កំពុងតែ​ជិះ​យ៉ាង​សប្បាយ ក៏​ស្រាបតែ​ដាច់​គន្លឹះ បណ្តាល​ឲ្យ​ធ្លាក់​ក្មេង​ទាំង​៤​នាក់​នោះ រងរបួស​ក្មេងស្រី​ម្នាក់ របួសធ្ងន់​ចំ​ដៃ ត្រូវបាន​ដឹក​បញ្ចូនទៅ​កាន់​មន្ទីរពេទ្យ នៅក្បែរ​កន្លែងកើតហេតុ ចំណែក​៣​នាក់​ទៀត រងរបួស​ស្រាល​។​

 

​ប្រជាពលរដ្ឋ​បាន​លើកឡើងថា ទោង​យោល​នេះ ជិះ​ក្នុង​ម្នាក់​៤០០០​រៀល ហើយ​ម្ចាស់​ដែល​ដាក់​នេះ មិនបាន​ពិនិត្យ​ឲ្យ​បានច្បាស់លាស់​ទេ ទើប​កំពុងតែ​ជិះ ដាច់​គន្លឹះ​ធ្លាក់​ក្មេង​ដែល​កំពុងតែ​ជិះ​បណ្តាល​ឲ្យ រងរបួស​បែបនេះ សំណាងល្អ​ហើយ​ដែល​មនុស្ស​ជិះ​តិច ចុះបើ​មាន​មនុស្ស​ជិះ​ច្រើន​នាក់​វិញ មិនដឹង​ជាមាន​អ្នករងរបួស ប៉ុន្មាន​នាក់​ទេ​។​

 

​ក្រោយពេល​កើតហេតុ ម្ចាស់​ទោង​យោល​នេះ បាន​សន្យាថា នឹង​ធានា​ចេញថ្លៃ​ថ្នាំពេទ្យ ឲ្យ​ក្មេង​ដែល​រងរបួស​ទាំងអស់​៕

 

 


 

Leave a Reply

(*) Required, Your email will not be published