ព្រោះតែ​កូន និង​ប្តី​ជា​គុក ស្ត្រី​ម្នាក់​ប្រើ​តណ្ហា ប្រហា​ជីវិត​មនុស្ស ដើម្បី​ប្រមូល​លុយ​ដោះបំណុល​ ​

, , Leave a comment

ខេត្តកណ្តាល : ករណី​ឃាតកម្ម​ដែល​ស្ដ្រី​ម្នាក់​បាន​យក​កូនកាំបិត​ចាក់​សម្លាប់​បុរស​ម្នាក់​ក្នុងផ្ទះ​សំណាក់​យីហោ សំណាង​ណាស់ បន្ទប់​លេខ​១១ បណ្ដាល​ឲ្យ​ស្លាប់​កើតហេតុ​កាល​ថ្ងៃទី​២១ ខែមករា ឆ្នាំ​២០១៨ វេលា​ម៉ោង​១៣​និង​១០​នាទី ស្ថិតនៅ​ភូមិ​ត្រពាំង​សុ​ក្រំ ឃុំ​បែក​ចាន ស្រុក​អង្គស្នួល ឥឡូវ​ត្រូវបាន​សមត្ថកិច្ច​នគរ​បាល​ការិយាល័យ​ព្រហ្មទណ្ឌ​កម្រិតធ្ងន់​នៃ​ស្នងការដ្ឋាន​នគរបាល​ខេត្ដ​កណ្ដាល សហការ​ជាមួយ​កម្លាំង​នគរបាល​ស្រុក​អង្គស្នួល ចុះ​ស្រាវជ្រាវ​បំបែកសំណុំរឿង​ចាប់ខ្លួន​ស្ដ្រី​ជា​ឃាត​កបាន​កាលពី​រសៀល ថ្ងៃទី​២៤ ខែមករា ឆ្នាំ​២០១៨ ត្រង់ចំណុច​ភោជនីយដ្ឋាន​វាលស្រែ​១០០ ស្ថិតនៅ​ភូមិ​ព្រៃ​បឹង សង្កាត់​កន្ទោក ខណ្ឌ​ពោធិ៍​សែន​ជ័យ រាជធានី​ភ្នំពេញ​។​

​មន្ត្រី​នគរ​បាន​ព្រហ្មទណ្ឌ​ស្រុក​អង្គស្នួល បាន​ឲ្យ​ដឹងថា ជនសង្ស័យ​មានឈ្មោះ ផេង ណាន ភេទ​ស្រី អាយុ​៣៣​ឆ្នាំ ស្នាក់នៅ​ផ្ទះជួល​ក្នុងភូមិ​ព្រៃ​បឹង សង្កាត់​កន្ទោក ខណ្ឌ​ពោធិ៍​សែន​ជ័យ រាជធានី​ភ្នំពេញ​។ ចំណែកឯ​ជនរងគ្រោះ​មានឈ្មោះ នួន សុភាព អាយុ​៥៨​ឆ្នាំ ជនជាតិខ្មែរ មុខរបរ​បើកហាង​កោស​ជប់ និង​ម៉ាស្សា ជា​អ្នកសារព័ត៌មាន​សម្លេង​ប្រជាជន និង​ក៏​ជា​មន្ត្រី​យោធា​នៅ​អង្គភាព​ទ័ព ពិសេស​ឆ័​ត្រ​យោង​លេខ​៩១១​ផងដែរ មាន​ទីលំនៅ​ក្នុងភូមិ​ស្រែអំពិល សង្កាត់​ស្នោរ ខណ្ឌ​ពោធិ៍​សែន​ជ័យ​។​

 

ជនរងគ្រោះ ត្រូវបាន​សង្ស័យ​ដែល​ត្រូវជា​ស្រី​ស្នេហ៍ ចាក់​សម្លាប់​ចំនួន​១៧​កាំបិត ត្រូវស្លាប់ ទាំង​អាក្រាតកាយ និង​ត្រូវបាន​គេ​ប្រទះឃើញ​ដេកស្លាប់ កាលពី​វេលា​ម៉ោង​៦ និង​២០​នាទី​យប់​ថ្ងៃទី​២១ ខែមករា ស្ថិតក្នុង​បន្ទប់​លេខ​១១ ផ្ទះសំណាក់​យីហោ «​សំណាង​ណាស់​» ស្ថិត​ក្នុងភូមិ​ត្រពាំង​សុ​ក្រំ ឃុំ​បែក​ចាន ស្រុក​អង្គស្នួល ខេត្តកណ្តាល និង បង្ក​ឲ្យ​មានការ​ភ្ញាក់ផ្អើល​យ៉ាងខ្លាំង​។

 

យោងតាម​របាយការណ៍​របស់​នគរបាល​ស្រុក បាន​ឲ្យ​ដឹងថា ក្រោយ​សម្លាប់​ជនរងគ្រោះ ជនសង្ស័យ​បាន​លួច​យក​របស់​មានតម្លៃ​មួយចំនួន រួមមាន ខ្សែក​ប្លា​ទីន​១​ខ្សែ ទម្ងន់​២​តម្លឹង ចិញ្ចៀន​ត្រា​មាស​១​វង់ ទម្ងន់​១​ម្លឹ​ង លុយ​ចំនួន​១,២០០​ដុល្លារ និង​ម៉ូតូ​១​គ្រឿង​ម៉ាក​ហុងដា​ឌ្រី​ម​សេ​១២៥ ស៊េរី​ឆ្នាំ​២០១៨ ពណ៌​ខ្មៅ ដែល​សរុប​ក្នុងការ​បាត់បង់​នេះ គឺមាន​ចំនួន​ប្រហែល​ជាង​៧០០០​ដុល្លារ​អាមេរិក​។​

 

ក្រោយពី​សាកសួរ​យ៉ាង​យក​ចិ​ត្ដ​ទុក នៅ​ចំពោះ​សមត្ថកិច្ច ស្ដ្រី​សង្ស័យ​ជា​ឃាត​កបាន​ឆ្លើយ​សារភាពថា មុនពេល​កើតហេតុ ជនរងគ្រោះ​បាន​ទូរស័ព្ទ​ទៅ​រួប​នាង (​ជនសង្ស័យ​) ដោយ​បបួល​មក​រួមភេទ ខណៈនោះ​ស្ដ្រី​សង្ស័យ​គិតថា ដោយសារ​ខ្លួន​មានការ​ខ្វះខាត​លុយ​ចំនួន​២,៥០០​ដុល្លារ​សហរដ្ឋ​មេ​រិ​ក ហើយ​ដឹងថា ជនរងគ្រោះ​មាន​គ្រឿង អលង្ការ​ជាប់​ខ្លួន​ច្រើន​ផង​នោះ ក៏មាន​គម្រោង​សម្លាប់​ជនរងគ្រោះ​ដើម្បី​ប្លន់​យក​ទ្រព្យសម្បត្តិ​នោះ​។ ភ្លាមនោះ​ស្ដ្រី​សង្ស័យ​បាន​ទារ​តម្លៃ​ខ្លួន ក្នុងការ​រួមភេទ​ចំនួន​១០​ម៉ឺន​រៀល តែ​ជនរងគ្រោះ​ឲ្យ​តែ​២០​ដុល្លារ​អាមេរិក​ទេ ខណៈនោះ​ស្ដ្រី​សង្ស័យ​ក៏​យល់ព្រម​ចេញ​ក្រៅ រួច​ស្ដ្រី​សង្ស័យ​បាន​យក​កូនកាំបិត​ចុង​ស្រួច លាក់ទុក​ក្នុង​កាបូប​រួចជាស្រេច​។​

 

លុះដល់​ថ្ងៃទី​២១ ខែមករា ឆ្នាំ​២០១៨ ជា​ថ្ងៃកើតហេតុ វេលា​ម៉ោង​ប្រហែល​ប្រមាណ​១១ ជនសង្ស័យ​បាន​ទូរស័ព្ទ​ទៅ​ជនរងគ្រោះ​ម្ដងទៀត ដើម្បី​ណាត់ជួប​គ្នា​រក​កន្លែង​រួមភេទ​។ ប្រហែល​ម៉ោង​១២​ថ្ងៃត្រង់ ជនរងគ្រោះ​បាន​ជិះ​ម៉ូតូ​មក​ទទួល​ស្ដ្រី​សង្ស័យ​នៅ​ចំណុច​មុខ​ច្រកចូល​ភូមិ​បូរី​កម្មករ ឃុំ​បែក​ចាន ដើម្បី​ទៅ​ចូលដេក​ផ្ទះសំណាក់​យីហោ​សំណាង​ណាស់ ដែលមាន​ចម្ងាយ​ប្រហែល​៥០០​ម៉ែត្រ​។ ខណៈ​ចូលដល់​ក្នុង​បន្ទប់​ផ្ទះសំណាក់ ជនរងគ្រោះ​បាន​ផ្លាស់​កន្សែង រួច​ចូល​ងូតទឹក​ក្នុង​បន្ទប់ទឹក ឆ្លៀត​ក្នុងឱកាស​នោះ​ផងដែរ ជនសង្ស័យ​បាន​យក​កូនកាំបិត​ពី​ក្នុង​កាបូប​លាក់ទុក​ក្រោម​ខ្នើយ​ដេក​។ ជនរងគ្រោះ និង​ជនសង្ស័យ​បាន​រួមភេទ​ជាមួយគ្នា ដោយ​ជនរងគ្រោះ​ដេក​ផ្ងារ​ឡើងលើ រីឯ​ស្ដ្រី​សង្ស័យ​អង្គុយ​ពីលើ ខណៈដែល​កំពុង​រួមភេទ ស្ដ្រី​សង្ស័យ​ឃើញ​ជនរងគ្រោះ​កំពុងមាន​អារម្មណ៍​ស្រើបស្រាល​ភ្លេចខ្លួន ក៏​យក​កូនកាំបិត​ពីក្រោម​ដែល​ខ្លួន​លាក់ទុក​នោះ មកចាក់​ជនរងគ្រោះ​ជា​ច្រើ​កាំបិត ក៏មាន​ការប្រតាយប្រតប់​គ្នា​ធ្លាក់​ពីលើ​គ្រែ ក្នុង​គ្រា​ជាមួយគ្នា​នោះ​ជនរងគ្រោះ​ខំប្រឹង​ស្រែក តែ​ត្រូវបាន​ជនសង្ស័យ​យក​ខ្នើយ​សង្កត់​ខ្ទប់មាត់ និង​ចាក់​បន្ថែម​រហូតដល់​ស្លា​ប់​។​

 

ក្រោយមក​ស្ដ្រី​សង្ស័យ​បាន​ងូតទឹក​សម្អាតខ្លួន​រួច បាន​ប្រមូលយក​គ្រឿងអលង្ការ លុយ ទូរស័ព្ទ និង​ម៉ូតូ​របស់​ជនរងគ្រោះ​យកទៅលក់​ដើម្បី​យកលុយ​ចិញ្ចឹម​កូន និង ប្តី​ដែល​ជាប់គុក នៅក្នុង​ពន្ធនាគារ​៕

 

Leave a Reply

(*) Required, Your email will not be published