ការបាញ់ប្រហារ​នៅ​ភាគ​ខាងជើង រដ្ឋ​កាលីហ្វ័រ​នីញ៉ារបស់​ខ្មាំង​កាំភ្លើង បណ្តាលឲ្យ​មនុស្ស​៤​នាក់​ស្លាប់

, , Leave a comment

សហរដ្ឋអាមេរិក : យ៉ាងហោចណាស់​មនុស្ស​៤​នាក់​បាន​ស្លាប់​បន្ទាប់ពី​ខ្មាន់កាំភ្លើង​ម្នាក់ បាន​បើក​ការបាញ់ប្រហារ​នៅ​ភាគ​ខាងជើង រដ្ឋ​កាលីហ្វ័រ​នីញ៉ា នៅ​ទីតាំង​ជាច្រើន​រួមទាំង​នៅក្នុង​សាលា​បឋម​ទៀតផង​។ ការបាញ់ប្រហារ​នេះ​បានចាប់ផ្តើម​នៅផ្ទះ​មួយ​នៅក្នុង​សហគមន៍​ជនបទ Rancho Tehama ដែលមាន​ចំងាយ​ប្រមាណ​ជា​១២០​គីឡូម៉ែត្រ​ពី Sacramento កាលពី​ព្រឹក​ថ្ងៃ​អង្គារ ទី​១៤​។ នេះ​បើ​យោងតាម​ការចុះផ្សាយ​រប​ស់​គេហទំព័រ​ទី​ភ្នា​ក់ថា BBC​។​

 

​គេហទំព័រ​ដដែល​នោះបាន​បញ្ជាក់ថា ខ្មាន់កាំភ្លើង​ត្រូវបាន​ប៉ូលីស​បាញ់សម្លាប់​ភ្លាមៗ​បន្ទាប់ពី​មនុស្ស​៤​នាក់ ត្រូវបាន​សម្លាប់​និង​១០​នាក់​ផ្សេងទៀត​រងរបួស​នៅក្នុង​ការបាញ់ប្រហារ​នេះ​ហើយក៏​មិនទាន់​បានកំណត់​ពី​អត្ត​ស​ញ្ញណ​របស់​ជនសង្ស័យ​ទេ​។ មន្ត្រី​ប៉ូលីស​ជឿជាក់ថា​ការបាញ់ប្រហារ​នេះ​បានចាប់ផ្តើម​ដោយ “​ជនបង្ករ​មាន​ទើបតែ​ហិង្សា​ក្នុង​គ្រួសារ​ដែល​អាចអោយ​ជនសង្ស័យ​មាន​ស្មារតី​មិនល្អ​ហើយ​អាច​និង​ពាក់ព័ន្ធ​នឹង​ការប្រើប្រាស់​គ្រឿងញៀន​” ។​

 

​លោក Phil Johnston ដែលជា​ជំនួយការ​របស់​សាលា​បាន​ប្រាប់​មក​ទីភ្នាក់ងារ​ព័ត៌មាន Associated Press ថា​ខ្មាន់កាំភ្លើង​បាន​ព្យាយាម​ចូល​សាលាបឋមសិក្សា Rancho Tehama ដោយមាន​ចេតនា​បាញ់​ទៅលើ​កូនសិស្ស​ជាច្រើន​ប៉ុន្តែ​ត្រូវ​បញ្ឈប់​នៅពេលដែល​បុគ្គលិក​ចាប់ផ្តើម​ចាក់សោ​និង​បិទទ្វារ​សាលា​។​

 

​លោក Johnston បាន​និយាយថា​នៅពេល​ការបាញ់ប្រហារ​ត្រូវបាន​គេ​បញ្ឈប់​ភ្លាមៗ​នោះ លោក​បានសំរេច​ចិត្ត​បើក​ការជួយ​សង្គ្រោះ​ជីវិត​របស់​កុមារ​អោយចេញ​ផុតពី​កន្លែងកើតហេតុ​ហើយក៏​មិនទាន់​បានទទួល​ព័​ត៍​មាន​ច្បាស់ការ​ពី​ការបាញ់ប្រហារ​នេះ​ទេ​៕

 

Leave a Reply

(*) Required, Your email will not be published