សម្តេច​តេ​ជោ ហ៊ុន សែន អញ្ជើញ​ចូលរួម​ក្នុង​វេទិកា​ជាតិ​លើក​ទី​២ ស្តីពី «​ការការពារ និង​អភិរក្ស​ធនធានធម្មជាតិ​»

, , Leave a comment

​រាជធានី​ភ្នំពេញ : ក្នុង​វេទិកា​ថ្នាក់ជាតិ លើក​ទី​២ ស្តីពី “​ការការពារ និង​អភិរក្ស​ធនធានធម្មជាតិ​” នឹង​ប្រព្រឹត្តទៅ នា​ម៉ោង ៨ ព្រឹក ថ្ងៃទី​២២ ខែសីហា ឆ្នាំ​២០១៧ នៅ​វិមាន​សន្តិភាព ក្នុង​រាជធានី​ភ្នំពេញ សម្តេចនាយក​រដ្ឋមន្ត្រី ហ៊ុនសែន បាន ប្រកាស​អនុញ្ញាត​ឲ្យ​ក្រសួងបរិស្ថាន សហការ​ជាមួយ​អង្គការ WWF ដើម្បី​នាំចូល​ពូជ​សត្វ​ខ្លាដំបង សម្រាប់​បង្កាត់​ពូជ នៅក្នុង​ប្រទេស​កម្ពុជា​យើង​។​

 

​ការសម្រេច​របស់​ប្រមុខ​រាជរដ្ឋាភិបាល​កម្ពុជា​ដូច្នេះ បានធ្វើ​ឡើង​ស្របតាម​ការលើកឡើងរ​ប​ស់លោក លោក សេង ទៀក ជា​នាយក​អង្គការ មូលនិធិ​សាកល សម្រាប់​អភិរក្ស​ធម្មជាតិ ហៅ​កាត់​ថា WWF ប្រចាំ​កម្ពុជា ដែល​បាន​ឡើង​ថ្លែង​នូវ​សំណូមពរ ដើម្បី​អភិរក្ស​សត្វ​ខ្លាធំ ឬ​ខ្លាដំបង នៅ​កម្ពុជា​។​

 

​សូម​រម្លឹកថា វេទិកា​ថ្នាក់ជាតិ​លើក​ទី​២ ស្តីពី “​ការការពារ និង​អភិរក្ស​ធនធានធម្មជាតិ​” នេះ មានការ​អញ្ជើញ​ចូលរួម​ពី​តំណាង​មកពី​ព្រឹទ្ធសភា រដ្ឋសភា ក្រសួង ស្ថាប័នរដ្ឋ អង្គទូត វិស័យ​ឯកជន គ្រឹះស្ថាន​អប់រំ​សិក្សា ប្រព័ន្ធ​ផ្សព្វផ្សាយ​សិល្បករ​សិល្បការិនី ដៃគូ​អភិវឌ្ឍន៍ អង្គការ​មិនមែន​រដ្ឋាភិបាល​ជាតិ និង​អន្តរជាតិ រដ្ឋបាល​ថ្នាក់ក្រោម​ជាតិ សហគមន៍ និង​សមាគម ដែល​ធ្វើ​ការងារ​ពាក់ព័ន្ធ​នឹង​វិស័យ​បរិស្ថាន និង​ធនធានធម្មជាតិ ប្រមាណ​៨០០​នាក់​។​

 

​សូម​រម្លឹកថា វេទិកា​ថ្នាក់ជាតិ​លើក​ទី​១ ស្តីពី “​ការការពារ និង​អភិរក្ស​ធនធានធម្មជាតិ​” បាន​ប្រារព្ធ​ឡើង កាលពី​ព្រឹក​ថ្ងៃទី​២២ ខែសីហា ឆ្នាំ​២០១៦ ក្រោម​ការសម្របសម្រួល​របស់​សម្តេចនាយករ​ដ្ឋ​មន្ត្រី ហ៊ុនសែន​។ ក្នុង​វេទិកា​កាលពី​ឆ្នាំមុន ក៏មាន​ការចូលរួម​យ៉ាង​ទូលាយ​ពី​គ្រប់ភាគី​ពាក់ព័ន្ធ ក្នុង​កិច្ចការពារបរិស្ថាន និង​ធនធានធម្មជាតិ​។

 

​សម្តេច​ហ៊ុនសែន ក៏បាន​ប្រកាស​ឲ្យ​ក្រសួងបរិស្ថាន ក៏ដូចជា​ស្ថាប័ន​ពាក់ព័ន្ធ​របស់​រាជរដ្ឋាភិបាល សហការ ធ្វើ​កិច្ចការពារបរិស្ថាន និង​ធនធានធម្មជាតិ ជាមួយនឹង​សហគមន៍ និង​អង្គការ​សង្គម​ស៊ីវិល​។​

 

​ដោយឡែក បើតាម​ការបញ្ជា​ក់រប​ស់ លោក សាយ សំ​អាល់ រដ្ឋមន្ត្រី​ក្រសួងបរិស្ថាន នៅលើ​ទំព័រ Facebook ក្រសួងបរិស្ថាន បានឱ្យដឹងថា វេទិកា​ដ៏​មាន​សារៈសំខាន់​នេះ នឹង​ផ្តល់ឱកាស​ឱ្យ​តំណាង​ភាគី​ពាក់ព័ន្ធ​ទាំងអស់ បានមក​ជួបជុំគ្នា​នៅ​វិមាន​សន្តិ​ភាពជា​លើក​ទី​២ និង​ទទួលបាន ឱកាស​ស្វែងយល់ អំពី​បំណង​ជា​យុទ្ធសាស្ត្រ ចក្ខុវិស័យ និង​បេសកកម្ម​របស់​រាជរដ្ឋាភិបាល ក្នុង​កិច្ច​គាំពារ​បរិស្ថាន ការការពារ​ធនធាន​ធម្មជាតិ ការអភិរក្ស​ជីវៈចម្រុះ និង​ការរស់នៅ​ដោយ​ចីរភាព​ផងដែរ​៕

 

Leave a Reply

(*) Required, Your email will not be published