ប្រពន្ធ​មិន​ស្មោះត្រង់​នឹង​ប្តី ហៅ​សា​ហាយ​ក្មេងខ្ចី មក​រួមរ័ក​ទល់​ភ្លឺ​

, , Leave a comment

​រាជធានី​ភ្នំពេញ : ស្ត្រី​ជា​កម្មការិនី​កាត់ដេរ​ម្នាក់ បាន​ហៅ​ប្រុស​ស្នេហ៍​មក​ដេក​រួមមេត្រី​ដល់​បន្ទប់​ជួល​របស់ខ្លួន ហើយ​ត្រូវបាន​ប្តី​ខ្ទប់​ចាក់សោ​ទ្វារ​ពី​ខាងក្រៅ​ជាប់ រួច​ទៅប្តឹង​ប៉ូលិស​ចាប់​ឃាត់​ហៅ​នាំទៅ​សាកសួរ​នៅ​ប៉ុស្តិ៍​ចោមចៅ កាលពី​វេលា​ម៉ោង​៤​ទៀបភ្លឺ ថ្ងៃទី​៤ ខែមិថុនា ឆ្នាំ​២០១៧ ស្ថិតនៅ​បន្ទប់​ជួល ភូមិ​ព្រៃទា សង្កាត់​ចោមចៅ ខណ្ឌ​ពោធិ៍​សែន​ជ័យ​។​

 

​ប្រភពពី​សមត្ថកិច្ច​បា​ន​បញ្ជាក់ថា ភាគី​ខាង​ស្រី​មានឈ្មោះ​ហោ គន់​ធឿន អាយុ​៣០​ឆ្នាំ មុខរបរ​កម្មការិនី​រោងចក្រ ស្នាក់នៅ​បន្ទប់​ជួល​ភូមិ​ព្រៃទា​សង្កាត់​ចោមចៅ ខណ្ឌ​ពោធិ៍​សែន​ជ័យ មាន​ស្រុកកំណើត​ភូមិ​ព្រៃ​ឥដ្ឋ ឃុំ​ពោធិ៍​អង្ក្រង ស្រុក​បរសេដ្ឋ​ខេត្តកំពង់ស្ពឺ​។ ភាគី​ខាង​ប្តី​ដើម​មានឈ្មោះ អែ​ត ដូ​យ អាយុ​៤០​ឆ្នាំ មុខរបរ​កសិករ រស់នៅ​ភូមិ​ប្រហារ ឃុំ​តា​លោ ស្រុក​បាកាន ខេត្តពោធិ៍សាត់​។ ចំណែកឯ​ភាគី​ខាង​សហាយ មានឈ្មោះ មា​ច ប៊ុនធឿន អាយុ​៣៤​ឆ្នាំ មុខរបរ​កម្មករសំណង់ ស្នាក់នៅ​មិន​ពិតប្រាកដ មាន​ស្រុកកំណើត ភូមិ​ពាម ឃុំ​រកា​កោង​ទី​១ មុខកំពូល កណ្តាល​។​

 

​តាម​ប្រភពពី​ភាគី​ខាង​ប្តី​ដើម​បាន​ឲ្យ​ដឹងថា សព្វថ្ងៃ​រូបគាត់ និង​ប្រពន្ធ​បានរស់នៅ​បែក​គ្នា ដោយ​គាត់​រស់​នៅឯ​ស្រុក ចំណែក​ប្រពន្ធ ជា​កម្មករ​រោងចក្រ​ស្នាក់នៅ​បន្ទប់​ជួល​កន្លែងកើតហេតុ​ភូមិ​ព្រៃទា​សង្កាត់ ចោមចៅ ខណ្ឌ​ពោធិ៍​សែន​ជ័យ មិនដែល​មាន​ពេល​រួមមេត្រី​នឹង​គ្នា​ឲ្យ​ល្អូក​ល្អឺ​ន​ឡើយ ដោយសារ ការរស់នៅ​បែក​គ្នា អស់​រយៈពេល​២​ឆ្នាំ​មកហើយ​។ លុះ​នៅ​យប់​ថ្ងៃកើតហេតុ មាន​បងប្អូន​ទូរស័ព្ទ​ប្រាប់ថា ប្រពន្ធ​ខ្លួន​នាំ​ប្រុស​ស្នេហ៍ មក​ដេក​រួមមេត្រី ដល់​ក្នុង​បន្ទប់ ទើប​គាត់​ជួល​តាក់ស៊ី​ជិះ​មក​ទាំងយប់ នៅពេល​មកដល់ ពុទ្ធោ ឃើញ​ផ្ទាល់​នឹង​ភ្នែក ភរិយា​ខ្លួន ត្រូវបាន​ប្រុស​ផ្សេង មក​ដេក​រួមភេទ​ជាមួយគ្នា​យ៉ាង​ត្រេកត្រអាល​ទៅវិញ ធ្វើ​ឲ្យ​គាត់​ហួសចិត្ត​ទើប​ប្តឹង​ប៉ូលិស​ឲ្យ​ឃាត់ខ្លួន​។​

 

​ប្រភព​បន្តថា នៅពេល​ឃើញ​ប្រពន្ធ​ផិតក្បត់​លួច​រួមមេត្រី​ជាមួយ​ប្រុស​សហាយ នៅ​នឹង​មុខ​បែបនេះ​ទ្រាំលែងបាន តែ​មិន​វាយដំ​នោះទេ តាំងចិត្ត​ថា​ឈប់​យក​ធ្វើជា​ប្រពន្ធ​ទៀតហើយ ក្នុង​លក្ខខណ្ឌ​មួយ សូម​តែ​ប្រគល់​លុយ​ទាំង​ប៉ុន្មាន​ដែល​ប្រពន្ធ​យកមក​នោះ ប្រគល់​ឲ្យ​គាត់​ជា​ប្តី​ដើម​វិញ ជាការ​បញ្ចប់រឿង តែដោយសារ​នាង​គ្មាន​លុយ មានតែ​គ្រឿងអលង្ការ ដោះ​អស់ពី​ខ្លួន គិត​ជា​ទឹកប្រាក់​បាន​ជាង​២០០​ដុល្លារ ប៉ុណ្ណោះ​ប្រគល់​ឲ្យ​គាត់​។ តែ​គាត់​មិន​ទទួលយក ដោយសារ តិចពេក ទើប​រឿង​ដោះស្រាយ​មិន​ចេញ​នៅ​ប៉ុស្តិ៍​រដ្ឋបាល​ចោមចៅ ម្យ៉ាង​មន្ត្រី​គរ​បាល ជាប់​បំពេញភារកិច្ច​ចុះ យាម​ការពារ​គោលដៅ​ការិយាល័យ​បោះឆ្នោត​ផង ទើប​សម្រេច នាំខ្លួន អ្នក​ទាំង​៣ ទៅ​ប្រគល់ជូន​ផ្នែក​ជំនាញ ខណ្ឌ​ដើម្បី​ដោះស្រាយ​បន្តទៀត​៕

05-6-2017 05-6-2017 (1) 05-6-2017 (2)

deb4bc99-1898-4116-8a8a-ac8d9571b75f 65436557-0e29-44c8-a7b7-3f4d3989dab4

 

Leave a Reply

(*) Required, Your email will not be published