ស្រុក​ស្ទឹងត្រង់ ខេត្តកំពង់ចាម និង​ភ្ជាប់​និស្ស័យ ជាមួយ​ស្រុក​ក្រូចឆ្មារ ខេត្ត​ត្បូងឃ្មុំ​ដោយ​ចំណងដៃ​៥៧​លាន​ដុល្លារ

, , Leave a comment

​ខេត្តកំពង់ចាម -​ខេត្ត​ត្បូងឃ្មុំ : ស្ពាន​មិត្តភាព​កម្ពុជា​-​ចិន ឆ្លងកាត់​ទន្លេមេគង្គ​ដែល​ត​ភ្ជាប់​ពី​ស្រុក​ស្ទឹងត្រង់ ខេត្តកំពង់ចាម និង​ឆ្ពោះទៅកាន់​ស្រុក​ក្រូចឆ្មារ ខេត្ត​ត្បូងឃ្មុំ បានចាប់ផ្តើម​សាងសង់​ហើយ ដោយ ចំណងដៃ​របស់​ចិន​ថ្មី​មួយ​ទៀតហើយ​។​

 

​លោក នូ វឌ្ឍនៈ អគ្គនាយក​បច្ចេកទេស​នៃ​ក្រសួង​សាធារណការ និង​ដឹកជញ្ជូន បាន​ថ្លែង​ឲ្យ​ដឹងថា​ព្រឹក​ថ្ងៃទី​១៩ ឧសភា ថា ការសាងសង់​ស្ពាន​នេះ​បាននិងកំពុង​តែ​ចាប់ផ្តើម​បណ្តើរៗ​ហើយ ប៉ុន្តែ​ពុំទាន់​បានប្រកាសថា​នឹង​បើក​ការដ្ឋាន​ជា​ផ្លូវការ​ពេលណា​ទេ​។​

 

​លោក​បន្ថែមទៀតថា នេះ​ជា​ស្ពាន​ដែលមាន​ទទឹង​១៣,៥០​ម៉ែត្រ បណ្តោយ​១.១៣១​ម៉ែត្រ និង​មាន​ផ្លូវ​ត​ភ្ជាប់​តួ​ស្ពាន​សរុប​ប្រវែង​៣.៨៦៩​ម៉ែត្រ ដោយ​នឹង​គ្រោង​ចំណាយលុយ​សាងសង់​អស់​ប្រហែល ៥៧​លាន​ដុល្លារ​អាមេរិក​។​

 

​ស្ពាន​នេះ​ផងដែរ​បាន​ដើរតួនាទី​សំខាន់​ណាស់​ក្នុង​ការតភ្ជាប់​រវាង ខេត្តកំពង់ចាម និង​ខេត្ត​ត្បូងឃ្មុំ ដែលជា​ខេត្ត​មាន​សក្តានុពល​លើ​វិស័យសេដ្ឋកិច្ច​ខ្លាំង ជាពិសេស នឹង​ជួយ​សម្រួល​ដល់​ការដឹកជញ្ជូន​កសិផល និង​ការធ្វើ​ចរាចរ​។​

 

​ម្យ៉ាងទៀត​ស្ពាន​នេះ​ក៏​រួមចំណែក​អភិវឌ្ឍន៍​សេដ្ឋកិច្ច និង​សង្គម​ផងដែរ ព្រោះ​នៅពេល​មាន​ផ្លូវ ស្ពាន​ខ្វាត់ខ្វែង វា​នឹង​ជួយ​សម្រួលការ​ដឹកជញ្ជូន និង​ធ្វើដំណើរ ព្រមទាំង​កាត់បន្ថយ​ការចំណាយ​របស់​ប្រជាពលរដ្ឋ​។​

 

​បច្ចុប្បន្ន ការធ្វើដំណើរ​ឆ្លងកាត់​ទន្លេ​នៅ​តំបន់​នេះ គឺ​ប្រើប្រាស់​សាឡាង ដែល​បាន​យក​ចេញពី​តំបន់​អ្នក​លឿង ខេត្តព្រៃវែង​៕

24-5-2017 24-5-2017 (1)

 

Leave a Reply

(*) Required, Your email will not be published