កង្វះ​អាហារ​រូប​ត្ថ​ម​លើ​កុមារ នៅតែ​ជា​បញ្ហា​ដ៏​សំខាន់ ក្នុងការ​អភិវឌ្ឍ​ន៏​ធនធានមនុស្ស​នៅ​កម្ពុជា​

, , Leave a comment

​សុខភាព : ជាការ​ពិត​បញ្ហា​កង្វះ​អាហារូបត្ថម្ភ​លើ​កុមារ នៅតែ​ជា​បញ្ហា​ដ៏​សំខាន់​នៅក្នុង​ប្រទេស​កំពុងអភិវឌ្ឍន៍ ក៏ដូចជា​ប្រទេស​កម្ពុជា​យើង​។ ធនធានមនុស្ស​សំខាន់​ណាស់​សម្រាប់​ក្រុមគ្រួសារ​នីមួយៗ ក៏ដូចជា​ប្រទេសជាតិ​ទាំងមូល​។ ធនធានមនុស្ស​ល្អ សំខាន់​ត្រូវ​ផ្តើមចេញពី​ការថែរក្សា​កុមារ​ឲ្យ​ល្អ​ទាំង​ផ្នែក​រូបរាងកាយ​ខាងក្រៅ សុខភាព និង អារម្មណ៍​ផ្លូវចិត្ត​ខាងក្នុង។​

 

​ហេតុដូចនេះ ហើយ​ទើប​រាជរដ្ឋាភិបាល ក៏ដូចជា​អង្គការ​ជាច្រើន​កំពុង​យកចិត្តទុកដាក់ និង​អនុវត្តន៍​យ៉ាងសកម្ម​លើ​ការងារ​នេះ ក្នុង​គោលដៅ​លើកកម្ពស់​សុខមាលភាព​កុមារ ដែលជា​ទំពាំង​ស្នង​ឫស្សី​របស់​ប្រទេសជាតិ​។ អាស្រ័យ​ហេតុ​ដូចនេះហើយ បានជា​សារព័ត៌​មានកំណើត​ថ្មី បាន​ខិតខំ​ប្រមែរ​ប្រមូល​ឯកសារ ដើម្បី​ធ្វើការ​ចងក្រង​ឡើង​ដែលជា​ចំណះ​ដឹង​មួយផ្នែក​ទាក់ទង​នឹង​បញ្ហា​កង្វះ​អាហា​រូប​ត្ថ​ម​នេះ​។​

 

+​តើ​កង្វះ​អាហារ​រូប​ត្ថ​ម​ជា​អ្វី​?
​កង្វះ​អាហារូបត្ថម្ភ គឺ​សម្ដៅលើ​កុមារ​ដែល​មិន​ទទួលបាន​សារធាតុចិញ្ចឹម​គ្រប់គ្រាន់ ទៅ​ផ្គត់ផ្គង់​លើ​រាងកាយ​របស់​កុមារ​នីមួយៗ ហើយ​ជាទូទៅ​កុមារ​មាន​កម្រិត​គ្រោះថ្នាក់​ធ្ងន់ធ្ងរ ជាង​មនុស្ស​ចាស់​។ កង្វះ​សារធាតុចិញ្ចឹម​ចម្បងៗ នៃ​អាហារ​រូប​ត្ថ​ម​មានដូចជា កង្វះ​ជាតិ​ដែក កង្វះ​វីតាមីន​អា​(A) កង្វះ​វីតាមីន​B1 ឬ​ជាតិ (Thiamine) កង្វះ​វីតាមីន​B3 (niacin) កង្វះ​វីតាមីន​B9 (folate) កង្វះ​វីតាមីន​ដេ​(D) និង​កង្វះ​ជាតិ​កាល់ស្យូម (Calcium)​។​

 

+​រោគសញ្ញា​នៃ​កង្វះ​អាហារ​រូប​ត្ថ​ម​
​លក្ខណៈ​ខាងក្រៅ​នៃ​កុមារ​ខ្វះ​អាហារ​រូប​ប​ត្ថ​ម ដែល​យើង​ងាយ​មើល​ឃើញនឹងភ្នែក​មានដូចជា ទម្ងន់​មិន​គ្រប់​ធៀប​នឹង​អាយុ​(​មើល​តាម​សៀវភៅ​តាមដាន​សុខភាព​ពណ៍​លឿង​របស់​ក្រសួងសុខាភិបាល​) ឬ រាងកាយ​កុមារ​ក្រិន​។ និង​មាន​រោគសញ្ញា​ជាច្រើន​ទៀត​ដូចជា ស្បែក​ស្លេកស្លាំង  អស់កម្លាំង ទន់ខ្សោយ មិន​រហ័សរហួន ពិបាក​ក្នុងការ​ដកដង្ហើម ការ​ឃ្លាន​អាហារ​មិនធម្មតា ការ​ជ្រុះ​សក់ មមើមមាយ ការ​ទល់លាមក ងងុយគេង​ច្រើន​ឧស្សាហ៍​ញ័រ​ទ្រូង សន្លប់ ឬ​ដួលសន្លប់ មាន​ជំងឺ​ធ្លាក់​ទឹកចិត្ត ពើត​និង​ស្ពឹក​នៃ​សន្លាក់ ការ​រំញោច​នៃ​ខួរក្បាល​ស្ពឹក និង​ពុំមាន​អារម្មណ៍​នឹងនរ​។​

 

+​ហានិភ័យ​នៃ​កង្វះ​អាហារ​រូប​ត្ថ​ម​របស់​កុមា​រ
​កុមារ​ដែល​ខ្វះ​អាហារ​រូប​ត្ថ​ម ប្រឈមមុខ​នឹង​ហានិភ័យ​នៅ​ថ្ងៃ​ខាងមុខ នូវ​បញ្ហា​ជាច្រើន​មានដូចជា ការ​ធាត់​លើស​ទម្ងន់ ជំងឺ​បេះដូង ជំងឺ​ធ្លាក់​ទឹកចិត្ត សម្ពាធ​ឈាម​ខ្ពស់ ជំងឺ​ទឹកនោមផ្អែម ការពុក​ធ្មេញ ភាពស្លេកស្លាំង សម្ថ​ភាព​នៃ​ការគិត​ថយចុះ និង​ជំងឺ​ពុក​ឆ្អឹង​។​

 

+​វិធីសាស្ត្រ​ការពារ និង​ទប់ស្កាត់​
១-​ការផ្តល់​ចំណីអាហារ​គ្រប់គ្រាន់ និង​គ្រប់​ជីវជាតិ ជាពិសេស​កុមារ​អាយុ​ចាប់ពី​៦​ខែ ត្រូវ​ផ្តល់​បបរ​ខាប់​គ្រប់គ្រឿង​បន្ថែម​លើទឹក​ដោះ​ម្តាយ​
២-​ការប្រើប្រាស់​អំបិលអ៊ីយ៉ូត​
៣-​ការចាក់​ថ្នាំ​បង្ការ​រោគ និង​ប្រឆាំងនឹង​ជំងឺ​(​វ៉ាក់សាំង​)
៤-​ការផ្តល់​វីតាមីន ថ្នាំ​ទម្លាក់​ព្រូន និង​ថ្នាំ​ជាតិ​ដែក​
៥-​ការរស់នៅ​មាន​ទំលាប់​អនាម័យ​ល្អ​៕

25-4-2017

 

Leave a Reply

(*) Required, Your email will not be published