ក្រសួងសុខាភិបាល មិន​ទទួលស្គាល់​ថ្នាំបន្សាប​សារជាតិ​ញៀន​របស់​ប្ដី​ក្មេង​តារា​សម្តែង ស្វែង សុជាតា​

, , Leave a comment

10-4-2017 (1)

​រាជធានី​ភ្នំពេញ : ក្រសួងសុខាភិបាល បានប្រកាស​ច្រានចោល​សាជាថ្មី ចំពោះ​បណ្ដាញ​ទំនាក់ទំនង​សង្គម​នឹង​សារព័ត៌មាន​ក្នុងស្រុក​មួយចំនួន​ដែល​បាន​ចុះផ្សាយ បន្ទាប់ពី​តារា​សម្ដែង ស្វែង សុជាតា បាន​អះអាងថា ថ្នាំបន្សាប​សារជាតិ​ញៀន​របស់​ប្ដី​ក្មេង​នាង ត្រូវបាន​ក្រសួង​ទទួលស្គាល់ និង​ថា ក្រសួង​បាន​ចុះ​ពិនិត្យ​រួចរាល់​ហើយ​។​

 

​យោងតាម​សេចក្ដីបំភ្លឺ ចុះ​ថ្ងៃទី​៧ ខែមេសា ក្រសួងសុខាភិបាល បាន​ហៅ ការចុះផ្សាយ​ព័ត៌មាន​នេះ ជាការ​បំ​ភ្លើ​ស​បោកប្រាស់​មហាជន សរសេរ​គ្មាន​ការពិត ដោយ​ក្រសួង​សុំ​បដិសេធ​ទាំងស្រុង​។ កន្លងមក ក្រសួង​បាន​ឲ្យ​ក្រុមការងារ​ចុះទៅ​ស្រាវជ្រាវ​ផ្ទាល់ និង​ជួប​ជាមួយ​គ្រូ​ក្មេង ដែលជា​ស្វាមី​អ្នកនាង ស្វែង សុជាតា ហើយ​ពួកគេ​បាន​យល់ព្រម​បញ្ឈប់ និង​ដក​រាល់​ការផ្សព្វផ្សាយ​ព្រមទាំង​បាន​ចុះកិច្ចសន្យា​ជាមួយ​ក្រសួង​ផងដែរ​។ ជាមួយគ្នានេះ​ក្រសួងសុខាភិបាល ក៏បាន​ព្រមាន​ចាត់វិធានការ​ទៅតាម​ច្បាប់​ជា​ធរមាន រាល់​ឱសថ​ណា​ដែល​មិនមាន​មូលដ្ឋាន​បច្ចេកទេស​ត្រឹមត្រូវ​ក្នុង​ការផលិត​។ ក្នុងនោះ​ក្រសួង​បាន​អំពាវនាវ ឲ្យ​ប្រជាជន​ទាំងអស់​ស្វែងរក​ការព្យាបាល ជាមួយ​គ្រូពេទ្យ​ដែលមាន​ជំនាញ និង​មានការ​បណ្ដុះបណ្ដាល​ត្រឹមត្រូវ តាម​មូលដ្ឋាន​សុខាភិបាល​។​

 

​សូមបញ្ជាក់ថា កន្លងមក​ក្រសួងសុខាភិបាល ធ្លាប់បាន​ធ្វើការ​បដិសេធ និង​ធ្វើ​សេចក្ដី​ជូន​ព័ត៌មាន​ម្ដង​រួចមកហើយ បន្ទាប់ពី​មាន​ព័ត៌មាន​ចុះផ្សាយ​ថា «​ស្វែង សុជាតា លក់​ថ្នាំ​ផ្ដាច់​គ្រឿងញៀន ផ្សំ​ដោយ​ប្ដី​ក្មេង​ជា​គ្រូ​ឱសថ​» ផ្សំ​ឡើង​ដោយ​រុក្ខជាតិ​ដុះ​នៅតាម​ព្រៃភ្នំ​នោះ​៕

10-4-2017

 

Leave a Reply

(*) Required, Your email will not be published