តុលាការ​បើកសវនាកា​រ សំណុំរឿង​ឃាតកម្ម​បាញ់សម្លាប់​លោក​កែម ឡី នៅ​ថ្ងៃទី​១ ខែមីនា​

, , Leave a comment

​រាជធានី​ភ្នំពេញ : សាលាដំបូង​រាជធានី​ភ្នំពេញ នឹង​បើកសវនាការ​ជំនុំជម្រះ សំណុំរឿង​ឃាតកម្ម បាញ់សម្លាប់​លោក កែម ឡី អ្នកវិភាគ​នយោបាយ និង​សង្គម​ដ៏​ល្បីល្បាញ នៅ​ថ្ងៃទី​១ ខែមីនា ឆ្នាំ​២០១៧ ខាងមុខនេះ​។​

 

​លោក កែម ឡី ត្រូវបាន​ឃាតករ​បាញ់សម្លាប់ នៅក្នុង​ស្តារ​ម៉ា​ត ស្ថានីយ៍​ប្រេងឥន្ធនៈ កាល់​តិច ស្តុ​ប​បូកគោ កាលពី​ថ្ងៃទី​១០ ខែកក្កដា ឆ្នាំ​២០១៦​។ ឃាតករ​បាញ់សម្លាប់ ត្រូវបាន​ចាប់ខ្លួន​ភ្លាមៗ នៅ​ជិត​វត្ត​ស្វាយ​ពពែ បន្ទាប់ពី​រត់គេចខ្លួន ចេញពី​កន្លែង កើតហេតុ​។ ឃាតករ ត្រូវបាន​គេ​ស្គាល់ឈ្មោះ ជួប សម្លាប់​។​

 

​ជនសង្ស័យ​ដែលជា ខ្មាន់កាំភ្លើង បាញ់សម្លាប់​លោក​បណ្ឌិត កែម ឡី ត្រូវបាន​លោក សេង លាង ចៅក្រម​ស៊ើបសួរ សាលាដំបូង​រាជធានី​ភ្នំពេញ បានសម្រេច​ឃុំខ្លួន ដាក់ពន្ធនាគារ ជា​បណ្តោះអាសន្ន កាលពី​រសៀល​ថ្ងៃទី​១៣ ខែកក្កដា ឆ្នាំ​២០១៦​។​

 

​ជនសង្ស័យ​ដែលជា​ឃាតករ ត្រូវបាន​ព្រះរាជអាជ្ញា​ចោទប្រកាន់​ពីបទ​ឃាតកម្ម គិតទុក​ជាមុន និង​បទ​កាន់កាប់​អាវុធ​គ្មាន​ការអនុញ្ញាត តាម​មាត្រា​២០០ និង​៤៩០ នៃ​ក្រមព្រហ្មទណ្ឌ និង​ចោទប្រកាន់​លើ​បុគ្គល ដែល​បាន​លក់​អាវុធ​ឲ្យ​ជនល្មើស​ពីបទ​លក់​អាវុធ​ដោយ​គ្មាន​ការអនុញ្ញាត តាម​មាត្រា​២០​នៃ​ច្បាប់ ស្តីពី​ការគ្រប់គ្រង អាវុធ​គ្រឿងផ្ទុះ និង​គ្រាប់រំសេវ​៕

1

 

Leave a Reply

(*) Required, Your email will not be published