បងស្រី​តារា​សិច​ស៊ី ដេ​នី​ក្វាន់ ត្រូវ​ចាប់ខ្លួន​ពីបទ​ឆបោក​

, , Leave a comment

06-2-2017 (2)

​រាជធានី​ភ្នំពេញ : នៅ​ថ្ងៃទី​២ ខែកុម្ភៈ  ឆ្នាំ​២០១៧ ម៉ោង​១០ និង​៣០ នាទី​ព្រឹក នៅ​ចំណុច​មុខក្រសួង​ការពា​ជាតិ ផ្លូវ​សហព័ន្ធ​រូ​ស្ស៊ី កម្លាំង​នគ​បាល​រាជធានី​ភ្នំពេញ បានធ្វើការ​នាំខ្លួន សឿន ចំរើន (​ហៅ​ចោម​ខ្វាន់​) តាម​ដីការ​នាំខ្លួន​របស់​សាលាដំបូង​រាជធានី​ភ្នំពេញ​លេខ​៩៥៧​ដ​ច​ន ចុះ​ថ្ងៃទី​១៩ ខែធ្នូ ឆ្នាំ​២០១៦ ក្នុង សំណុំរឿង​លេខ​៣៤៧៤ ចុះ​ថ្ងៃទី​២២ ខែកក្កដា ឆ្នាំ​២០១៦ ដើម្បី​ប្រគល់​ឲ្យ​សាលាដំបូង​ចាត់ការ​តាម​និតិ​វិធី បន្ទាប់មក​បញ្ជូនទៅ​មណ្ឌល​កែប្រែ​ម​២ នៅ​ថ្ងៃទី ៣ ខែកុម្ភៈ ឆ្នាំ​២០១៧ វេលា​ម៉ោង​១១​ព្រឹក ។​

06-2-2017 (3)

​អ្នកនាង សឿន ចំរើន (​ហៅ​ចោម​ខ្វាន់​) ភេទ​ស្រី អាយុ ៣៧ ឆ្នាំ មុខរបរ លក់​គ្រឿង​សង្ហា​រឹម ទីលំនៅ​ផ្ទះ​លេខ​២២៩៣០ ផ្លូវ​ណត​ប្រ៊ី​ត សង្កាត់​ទឹកថ្លា ខណ្ឌ​សែន​សុខ រាជធានី​ភ្នំពេញ ត្រូវបាន​នាំខ្លួន​ពីបទ​ឆបោក​ប្រាក់​។​

00 (2)

​គួររំឭកថា ប្រភពពី​ក្រុមអាជីវករ​ឈ្មោះ សុខ ស្រីមុំ ភេទ​ស្រី អាយុ​២២​ឆ្នាំ នឹង​ឈ្មោះ សុខ សាមឿន ភេទ​ប្រុស អាយុ​៤៨​ឆ្នាំ អ្នក​ទាំងពីរ​នាក់​ជា​ជនជាតិខ្មែរ រស់នៅ​ភូមិ​វាល​យន្ត សង្កាត់​ស្វាយរៀង ក្រុង​ស្វាយរៀង ខេត្តស្វាយរៀង បាន​រៀបរាប់​ឲ្យ​ដឹងថា ពួកគាត់​ត្រូវបាន​ក្រុមហ៊ុន ហួត សុវណ្ណ​ចំរើន ដោយមាន​អ្នកស្រី សឿន ចំរើន ( ហៅ​ចោម​ខ្វាន់ ) បាន​កុហក​យកលុយ​ពី​ពួកគាត់​ចំនួន​10.000$ ( មួយ​ម៉ឺន​ដុល្លារ )​។​

06-2-2017 (1)

​ពាក់ព័ន្ធ​ក្នុង​រឿងរ៉ាវ​នេះ​ប្អូនស្រី សុខ ស្រីមុំ ដែលជា​ម្ចាស់​សាខា លក់​គ្រឿង​សង្ហា​រឹម បាន​រៀបរាប់​បន្ត​ឲ្យ​បានដឹងថា ដំបូង​ឡើយ​អ្នកស្រី សឿន ចំរើន ( ហៅ​ចោម​ខ្វាន់ ) ម្ចាស់​ក្រុមហ៊ុន ហួត សុវណ្ណ​ចំរើន មាន​ទីតាំង​ផ្ទះ​ជួរ​នៅ​ម្ដុំ​ស្ថានីយទូរទស្សន៍​អាស៊ីអាគ្នេយ៍ រាជធានី​ភ្នំពេញ មាន​ទីលំនៅ​បច្ចុប្បន្ន ភូមិ​ចាត់តាំង ឃុំ​ទឹក​ក្រហម ស្រុក​ជាំ​ក្សាន្ត ខេត្តព្រះវិហារ បាន​ទៅ​បបួល​ពួកគាត់​ឲ្យ​ទទួលយក​គ្រឿង​សង្ហា​រឹម ដាក់លក់​បន្ត​ពី​ក្រុមហ៊ុន ដោយ​ខាង​ក្រុមហ៊ុន ជា​អ្នកផ្គត់ផ្គង់​នូវ​គ្រឿង​សង្ហា​រឹម គ្រប់​ប្រភេទ ឲ្យ​មក​ខាង​សាខា​ពួកគាត់ តែ​ផ្ទុយទៅវិញ​ក្រោយពី​អ្នកស្រី សឿន ចំរើន ( ហៅ​ចោម​ខ្វាន់ ) ម្ចាស់​ក្រុមហ៊ុន​រូបនេះ ទទួល​យកលុយ ចំនួន​10.000$ ( មួយ​ម៉ឺន​ដុល្លារ ) ពី​ពួកគាត់​រួចមក ឥ​វ៉ាន់​ដឹក​មក​ដាក់​ឲ្យ​ពួកគាត់ មិន​គ្រប់​អ្វី​ទៅតាម​ការនិយាយ ដឹក​តែ​របស់​លក់​មិន​ចេញ មក​ដាក់​ឲ្យ​ពួកគាត់ ហើយ​នៅពេល​ពួកគាត់ ខ​ល​សួ​រឿង​ឥ​វ៉ាន់​ម្ដងៗ ត្រូវបាន​គេ​ស្ដីបន្ទោស ថា​ឲ្យ​យ៉ាង​ចាស់ដៃ​មកវិញ ដោយ​គេ​ថា យើង​គ្មាន​សិទ្ធ​អ្វី មក​សួ​គេ​ជា​ថៅកែ ឬ​កុ​ម្ម៉ុ​ង​ស្រេច​តែ​អំពើ​ចិត្ត បាន​នោះទេ បើ​គេ​ដាក់​អី​ឲ្យ គឺ​យក​ហ្នឹង​ទៅ​៕
​ 
00 00 (1)

 

Leave a Reply

(*) Required, Your email will not be published