គេ​បង្អង់​មក​ជិត ស្មានថា ញ៉ែរ បែរជា​បន្លំ​ឆក់​ទូរស័ព្ទ​

, , Leave a comment

​រាជធានី​ភ្នំពេញ : ជនសង្ស័យ​ម្នាក់​ឃើញ​កម្មការិនី​កាត់ដេរ​ដើរ​និយាយ​ទូរស័ព្ទ​តែម្នាក់ឯង ស្រែក​សុំ​ថើប​មួយ​ខ្សឺត រួច​បន្លំ​ឆក់​ទូរស័ព្ទ​បានសម្រេច​ហើយ​រត់ឡើង​ជិះ​ម៉ូតូ​នាង​ស្រែក​ផ្អើលឆោឡោ ប្រជាពលរដ្ឋ​ចាប់បាន​ប្រគល់​ឲ្យ​សមត្ថកិច្ច បង្ក​ឲ្យ​មានការ​ភ្ញាក់ផ្អើល​កាលពី​វេលា​ម៉ោង​៩​និង​២០​នាទី​យប់ ថ្ងៃទី​២៣ ខែមករា​ឆ្នាំ​២០១៧​នៅ​ចំណុច​ផ្សារ​ទួល​ពង្រ ភូមិ​ទួល​ពង្រ សង្កាត់​ចោមចៅ ខណ្ឌ​ពោធិ៍​សែន​ជ័យ​។​

 

​តាម​ការបញ្ជាក់​របស់​សមត្ថកិច្ច​បាន​ឲ្យ​ដឹងថា ជនរងគ្រោះ​ឈ្មោះ ឆន ស្រីមុំ ភេទ​ស្រី​អាយុ​១៧​ឆ្នាំ ជា​កម្មការិនី​រោងចក្រ​កាត់ដេរ​ស្នាក់នៅ ផ្សារ​ទួល​ពង្រ សង្កាត់​ចោមចៅ ខណ្ឌ​ពោធិ៍​សែន​ជ័យ​មាន ស្រុក​កំ​-​ណើ​ត​នៅ​ភូមិ​អង្គ​ខ្លី ឃុំ​តា​មែ​ង ស្រុក​ឈូក ខេត្ត​កំ​ពត់  ចំណែក​ទូរស័ព្ទ​ដែល​ត្រូវ​ជនសង្ស័យ​ឆក់​ម៉ាក​សាំ​សុង​។ ដោយឡែក​ជនសង្ស័យ​ដែល​ឃាត់ខ្លួន​បាន​មានឈ្មោះ ណែម សុន​លី ភេទ​ប្រុស​អាយុ​២៧ ឆ្នាំ មុខរប​ជាងដែក​ស្នាក់នៅ​ផ្សារ​ទួល​ពង្រ សង្កាត់​ចោមចៅ ខណ្ឌ​ពោធិ៍​សែន​ជ័យ​។​

 

​តាម​ការរៀប​រាប់រប​ស់ជន​រងគ្រោះ​បាន​ឲ្យ​ដឹងថា នៅ​មុនពេល​កើតហេតុ​រួប​នាង​បាន​ដើរទៅ​បញ្ចូល​ចម្រៀង​នៅក្នុង​ទូរស័ព្ទ​នៅ​ជិះ​បន្ទប់​ជួល​ក្នុង​ផ្សារ​ទួល​ពង្រ​។ បន្ទាប់ពី​បញ្ចូល​រួចរាល់​ហើយ​នាង​បាន​ដើរ​តែម្នាក់ឯង​មក​បន្ទប់​ជួល វិញ​ដោយ​ដើរ​បណ្តើរ​និយាយ​ទូរស័ព្ទ​បណ្តើរ ខណៈពេល​ដើរទៅ​ជិត​ដល់​បន្ទប់​ស្រាប់ តែមាន​ជនសង្ស័យ​ម្នាក់ ជិះ​ម៉ូតូ​សង់​កូរ៉េ ពណ៌​ស្លា​ទុំ បាន​ឈប់​នៅក្បែរនោះ​ហើយ​បាន​ចុះ​ពីលើ​ម៉ូតូ ដើរមក​តាម​នាង និង​បាន​និយាយ​សុំ​នាង​ថើប​មួយ​ខ្សឺត ដោយសារតែ​នាង​ជាប់​និយាយ​ទូរស័ព្ទ ក៏​ស្រាប់តែ​ជនសង្ស័យ​រូបនោះ​បាន​ឆក់យក​ទូរស័ព្ទ ពី​ដៃ​ហើយ​រត់​ទៅយក​ម៉ូតូ​ជិះ​រត់​បម្រុង​រត់គេច ត្រូវ​នាង​ស្រែកថា​ចោរៗ ធ្វើ​ឲ្យ​ប្រជាពលរដ្ឋ​ដែល​នៅក្បែរ​ដេញចាប់បាន ហើយ​វាយ​ទ្រមខ្លួន​ទើប​ប្រគល់អោយ​សមត្ថកិច្ច​។​

 

​ក្រោយពេល​កើតហេតុ​ជនសង្ស័យ​ត្រូវបាន​សមត្ថកិច្ច​យកទៅ​ប៉ុស្តិ៍នគរបាល ចោមចៅ​ធ្វើការ​សាកសួរ​និង​កសាង​សំណុំរឿង​បញ្ជូនទៅ​អធិការដ្ឋាន​នគរបាល​ខណ្ឌ ពោធិ៍​សែន​ជ័យ ចាត់ការ​តាមច្បាប់​៕

24-1-2017

 

Leave a Reply

(*) Required, Your email will not be published