លោក យុ​ត្ថា​រ៉ា ឆា​ន្នី អតីត​ស្វាមី ជំរុញ ច​ន ច័ន្ទ​លក្ខិណា ឲ្យ​រៀបការ​ឆា​ប៉ៗ ដើម្បី​ជម្រះ​មន្ទិល​

, , Leave a comment

​រាជធានី​ភ្នំពេញ : ច​ន ច័ន្ទ​លក្ខិណា ដែល​បែកធ្លាយ​រឿង​ស្នេហា​ជាមួយ​អ្នកជំនួញ​ទ្រព្យ​ស្តុក​លោក ហេង ឡុង ហៅ​រ័ត្ន ជាង​២​ឆ្នាំនេះ មិនមាន​ដំណឹង​ជាក់លាក់​ពី​រឿង​រៀបការ​ឡើយ រហូតមកដល់​ពេលនេះ បើទោះជា​អ្នក​ទាំង​២​មើលទៅ​ហាក់ដូចជា​ចិត្ត​មួយ​ថ្លើម​មួយ​ទៅហើយ​ក្តី តែ​មិន​ព្រម​ដឹក​ដៃ​គ្នា​ក្រាប​ផ្ទឹម​ឡើយ​។ ការដែល​ស្នេហា​កាន់តែ​ផ្អែមល្ហែម តែ​មិនឮ​សូរភ្លេង​ការ​បែបនេះហើយ ទើប​ថ្មីៗ​នេះ មាន​ព័ត៌មាន​ថា អតីត​ប្តី​អ្នកនាង​ច​ន ច័ន្ទ​លក្ខិណា គឺ​លោក​យុ​ត្ថា​រ៉ា ឆា​ន្នី បានជា​ជំរុញ​ឱ្យ​លក្ខិណា រៀបការ​ឱ្យបាន​លឿន​កាលណា កាន់តែ​ល្អ កាល​ហ្នឹង​។​

 

​បើតាម​ព័ត៌មាន​ពី​បុគ្គលិក​ប៉ុស្តិ៍​បាយ័ន បានឱ្យដឹងថា លោក​យុ​ត្ថា​រ៉ា ឆា​ន្នី ធ្លាប់បាន​ជួប​លោក​ហេង ឡុង ញ៉ាំ​អាហារ​ជុំគ្នា ដែល​មានការ​រាប់អាន​គ្នា ដូចជា​មិត្តភក្តិ​អីចឹង ហើយ​លោក​ឆា​ន្នី ថែមទាំង​ជំរុញ​លោក រ័ត្ន រៀបការ​ជាមួយ​អតីត​ប្រពន្ធ​លោក​ត្រឹមត្រូវ តាម​ប្រពៃណី​ខ្មែរ​ទៀតផង​។​

 

​ប្រភព​ដដែល​បាន​បន្ថែមទៀតថា ធ្លាប់​សួរ​លោក​ឆា​ន្នី  តើ​មាន​អារម្មណ៍​ម៉េច​ដែរ បើ​ច​ន ច័ន្ទ​លក្ខិណា រៀបការ​ជាមួយ​លោក​រ័ត្ន នោះ​។ លោក ឆា​ន្នី ថា ល្អ​តើ​! ចង់ឃើញ​ពួកគេ​រៀបការ​ដែរ ហើយ​លោក​នឹង​ទៅ​ចូលរួម​បើ​មានការ​អញ្ជើញ​។ ច​ន ច័ន្ទ​លក្ខិណា បាន​ចាប់ដៃ​ជាមួយ​លោក​យុ​ត្ថា​រ៉ា ឆា​ន្នី ជា​ប្តី​ប្រពន្ធ​ជាង​១៧​ឆ្នាំ ចំណង​ស្នេហ៍​ក៏​រលត់​ត្រឹម​ឆ្នាំ​២០១៤ ដោយ​បន្សល់​នូវ​ចំណងដៃ​កូនស្រី​ម្នាក់​យ៉ាង​ស្រស់ស្អាត ឈ្មោះ នី ចិន្តា​ចូ​លី​។​

 

​អំឡុង​ពេលដែល​អ្នកនា​ង​ច​ន ច័ន្ទ​លក្ខិណា ភ្ជាប់​ស្នេហ៍​ជាមួយ​លោក រ័ត្ន នេះ លោក​ឆា​ន្នី ក៏មាន​សង្សារ​ថ្មី​ទៀត​ដែរ ជា​នារី​ខារ៉ាអូខេ សាច់​សខ្ចី​ម្នាក់ អាយុ​ទើប​១៩​ឆ្នាំ នៅ​ភ្នំពេញ​ថ្មី បន្ទាប់ពី​មុននេះ​ឮថា លោក​ឆា​ន្នី មានការ​ស្និទ្ធស្នាល​ជាមួយ​ប្រុសៗ​យ៉ាង​ចម្លែក​ទៀតផង​។ ពេលនេះ​ចំណង​ស្នេហ៍​ច​ន ច័ន្ទ​លក្ខិណា និង​អតីត​ប្តី គឺ​នៅសល់តែ​ស្រមោល​ប៉ុណ្ណោះ ព្រោះ​អស់​និស្ស័យ​ស្នេហ៍ ទើបបានជា​ក្រឡាប់ចាក់ មក​រាប់អាន​គ្នា​ជា​បងប្អូន​បែបនេះ​ទៅវិញ ដែល​ធ្វើឱ្យ​គូស្នេហ៍​ក្នុង​ពិភព​សិល្បៈ កាន់តែ​ច្របូកច្របល់​ថែមទៀត​។ ការពន្យា​ពេល​ចូល​រោងការ​របស់​អ្នកនាង ច​ន ច័ន្ទ​លក្ខិណា នាពេលនេះ​នាំឱ្យ​ប្រុសៗ​មួយចំនួន​ដែល​ធ្លាប់​តាម​សាសង​ស្នេហា​នាង​នោះ នៅ​មិនទាន់​អស់​ឱកាស​ឡើយ ព្រោះ​កំពូល​តារា​សម្តែង​រូបនេះ មិនទាន់​ក្លាយជា​ភរិយា​ស្របច្បាប់​របស់លោក ហេង ឡុង នៅឡើយ​។​

 

​ប្រភព​បានឱ្យដឹងថា ក្នុងចំណោម​ប្រុស​ជាច្រើន​ដែល​សុទ្ធតែ​មានទ្រព្យ​ស្តុកស្តម្ភ​ចាំ​ត្រង​ស្នេហ៍ ច​ន ច័ន្ទ​លក្ខិណា នោះ ក៏មាន​លោក​ពោះម៉ាយ​កូន​២ ផ្កាយ​៣ ដ៏​មាន​ឥទ្ធិពល​ម្នាក់ ហើយ​ប្រសិនបើ​អ្នក​មេម៉ាយ​កូន​១ រូបនេះ ព្រម​ផ្តាច់​ស្នេហ៍​ពី​លោក រ័ត្ន នោះ លោកធំ​នោះ​នឹង​រីករាយ​ទទួល​មក​ត្រកង ថ្នម​បី​ដោយ​ដៃ​ទាំង​ទ្វេ ព្រោះ​តាម​ព័ត៌មាន​ថា មន្ត្រី​ធំ​នោះ​ចាប់អារម្មណ៍​ខ្លាំងណាស់ ពេល​ដែលមាន​ព័ត៌មាន​ថា លក្ខិណា ត្រៀម​ចូល​រោងការ​ជាមួយ​សង្សារ​ថ្មី​ជា​លោក រ័ត្ន នោះ​…៕

24-1-2017 (1) 24-1-2017

 

Leave a Reply

(*) Required, Your email will not be published