ច្រករបៀង​ជា​ឆ្នាំងបាយ​របស់​មេ​គយ ចាន់ សុផាត និង យឹម វណ្ណៈ នៅពេលដែល​បទល្មើស​កើតមាន​

, , Leave a comment

19-6-2016

​ខេត្ត​ត្បូងឃ្មុំ : មាន​សេចក្តីរាយការណ៍​មក​ថា ខេត្ត​ត្បូងឃ្មុំ ដែលជា​អតីត​ស្រុក​មួយ​ក្នុង​ខេត្តកំពង់ចាម ហើយក៏​ជាទី​តាំង​នៅមាន​បទល្មើស​ឆ្លងកាត់​។ កន្លងមក​ច្រក​ទ្វេរ​ភាគី​ច្រក​ដូនរ័ត្ន គ្រប់គ្រង​ដោយ​មេ​គយ ចាន់ សុផាត និង​ច្រក​ដារ (​ដូង​៧​ដើម​) គ្រប់គ្រង​ដោយ​លោក យឹម វណ្ណៈ ជាទី​តាំង​បទល្មើស​ឈើ​ចរាចរ​ឆ្លងកាត់​ទៅ​ប្រទេស​វៀតណាម​យ៉ាង​គគ្រឹកគគ្រេង​ទាំងថ្ងៃទាំងយប់ សុទ្ធតែ​ប្រភព​ចំណូល​សេដ្ឋកិច្ច​បុគ្គល មេ​គយ​គ្រប់គ្រង​ច្រក​និង​ថ្នាក់លើ​ពាក់ព័ន្ធ​ជាមួយ​ជំនាញ​រដ្ឋបាល​ព្រៃឈើ​ខណ្ឌ​។​

 

​បច្ចុប្បន្ន​បទល្មើស​ឈើ​ឆ្លងកាត់​មាន​លក្ខណៈ​បន្ត​លួចលាក់ បើទោះជា​មិនមាន​ទ្រង់ទ្រាយ​ធំ​ដូច​កាល​មុនៗ ក៏​គេ​ទទួលស្គាល់ថា ឈ្មួញ​មួយចំនួន​មាន​ឆ្លងកាត់​បន្ទាប់ពី​វប្បធម៌​ឃុបឃិត​គ្នា​រវាង​ឈ្មួញ​និង​សមត្ថកិច្ច​ពាក់ព័ន្ធ​មិនទាន់​ត្រូវបាន​លុបបំបាត់​។ ទោះជា​យ៉ាងណា​ចំពោះ​ទំនិញរត់ពន្ធ នៅតែ​កើតមាន​ដដែល​ពី​ប្រទេស​វៀតណាម​ចូលមក​ទឹកដី​កម្ពុជា តាមរយៈ​ភាព​ធូរ​លុង​ពី​លោក ចាន់ សុផាត និង​លោក យឹម វណ្ណៈ ក្នុងនោះ​មានដូចជា​ទំនិញ​ចាប់ហួយ និង​ប្រភេទ​ជា ត្រាក់ទ័រ រថយន្ដ​ដឹក​ដី ក៏​ជា​គ្រឿងបន្លាស់​បាន​នាំចូល​ដោយ​លួចលាក់​ជា​ហូរហែរ​សម្រាប់​ប្រភព​សេដ្ឋកិច្ច​របស់​មេ​គយ និង​មន្ត្រី​ពាក់ព័ន្ធ​ច្រើន​ទៀត​។​

 

​គេ​បាន​លើកឡើងថា សូម្បីតែ​ចែ​ពិដោរ ចែ​ដែ​ត ពីរ​នាក់​បងប្អូន អ្នកណា​មិនដឹង អ្នកណា​មិន​ទទួលស្គាល់ថា មេ​គយ ចាន់ សុផាត និង​មេ​គយ យឹម វណ្ណៈ ទទួលបាន​កម្រៃ​ពី​ការដឹក​ទំនិញគេចពន្ធ​ហូរ​ចូល​របស់​ឈ្មួញ​ទាំងពីរ​នាក់​នេះ​។ ថ្មីៗ​កន្លងទៅ​កម្លាំង​នគរបាល​ប្រឆាំង​បទល្មើស​សេដ្ឋកិច្ច​ក្រសួងមហាផ្ទៃ​បាន​ចុះ​ចាប់​ឆែក ឆេរ​កន្លែង​ទុក​ទំនិញ​របស់ ចែ​ពិដោរ រកឃើញ​នូវ​ប្រេងឆា គេចពន្ធ និង​ទំនិញ​ផ្សេងទៀត​ជា​វត្ថុតាង​ស្រាប់​ដែល ចែ​ពិដោរ នាំចូល​តាម​ច្រក​គ្រប់គ្រង​ដោយ​លោក ចាន់ សុផាត និង​លោក យឹម វណ្ណៈ ។ មិនតែប៉ុណ្ណោះ​ការចុះ​បង្ក្រាប​ការ​នាំចូល​ភេសជ្ជៈ​ខា​រ៉ា​បាវ នៅ​ក្រុង​សួង ខេត្ត​ត្បូងឃ្មុំ ក៏​នាំចូល​តាម​ច្រក​ខាងលើ ប៉ុន្តែ​មិនដឹងថា ថ្នាក់លើ​មាន​ចំណាត់ការ​បែបណា​ដើម្បី​កំណែទម្រង់ ឬ​វិធានការ​ទៅលើ​មន្ត្រី​គយ​ខ្វះ​ការទទួលខុសត្រូវ​ចំពោះ ភារៈកិច្ច​តួនាទី​ប្រមូល​ពន្ធ​ជូន​រដ្ឋ បែ​ជា​ឃុបឃិត​ជាមួយ​ឈ្មួញ​គិត​រឿង​ប្រយោជន៍​បុគ្គល​ជាធំ​?

 

​នៅ​ច្រក​ដារ (​ដូង​៧​ដើម​) របស់លោក យឹម វណ្ណៈ គឺជា​ច្រក​ដែល​ផ្ដល់ឱកាស​ឲ្យ​ឈ្មួញ​នាំ​ទំនិញគេចពន្ធ​ហូរ​ចូល​បាន​ដោយ​មធ្យោបាយ​ងាយស្រួល ខណៈ​ច្រក​នេះ មាន​ច្រករបៀង​ជាច្រើន​សម្រាប់​ឆ្លងកាត់ ដូច្នេះ​ចំពោះ​គ្រឿងចក្រ​ដូចជា ត្រាក់ទ័រ រថយន្ត​ដឹក​ដី គ្រឿងបន្លាស់​គ្រឿងចក្រ តែង​នាំចូល​ហូរហែរ ក្លាយទៅជា​ទម្លាប់​មន្ត្រី​ពាក់ព័ន្ធ​ចាំ​ហែក​ប្រយោជន៍​ចែកគ្នា​ស៊ី​។​

 

​លោក ចាន់ សុផាត និង​ជា​លោក យឹម វណ្ណៈ មេ​គយ​ច្រក​ដូនរ័ត្ន និង​មេ​គយ​ច្រក​ដូង​៧​ដើម មិនទាន់បាន​បំភ្លឺ​ពី​ករណី​ចោទប្រកាន់​នេះ​បានទេ​។ ដោយឡែក លោក នូ ស៊ីថា ប្រធាន​សាខាគយ​និង​រដ្ឋាករ​ខេត្ត​ត្បូងឃ្មុំ បាន​ត្រឹម​បញ្ជាក់ថា រឿង​នាំចូល​គ្រឿងចក្រ​នេះ ដូចជា​មិនមាន​ទេ ពីព្រោះ​ពេលមុនៗ​កម្លាំង​របស់ខ្ញុំ​បាន​ចុះ​ចាប់​ត្រាក់ទ័រ​វៀតណាម​នាំចូល ដោយ​ប្រើល្បិច​ចូលមក​ភ្ជួរស្រែ រួចហើយ​បន្លំ​បើក​ចូល​តែម្ដង ប៉ុន្តែ​កម្លាំង​របស់ខ្ញុំ​បាន​ចាប់​ជា​ញឹកញាប់​៕

19-6-2016 (1)

 

Leave a Reply

(*) Required, Your email will not be published