ប្រវត្តិ​ទិវារំដោះ​ ៧ មករា​

, , Leave a comment

08ba36bd-6eb9-427e-ade0-71c48cb9592b_w640_r1_s

​5បន្ទាប់ពី​ការឡើង​កាន់អំណាច​រប​ស់​ពួក​ប៉ុល ពត អៀង សារី ខៀវ សំផន នួន ជា កាលពី​ថ្ងៃទី​១៧​មេសា​ឆ្នាំ​១៩៧៥ មក​ប្រជាពលរដ្ឋ​កម្ពុជា​សង្ឃឹមថា ប្រជាពលរដ្ឋ​ខ្មែរ​នឹង​រស់នៅ​ដោយ​សុខសន្តិភាព​និង​ការអភិវឌ្ឍន៍ ប៉ុន្តែ​ផ្ទុយទៅវិញ​របប​អាវខ្មៅ​មួយ​នេះ​បាន​ប្រែ​ក្រឡាស់ និង​បាន​បំផ្លាញចោល​សេចក្តីសង្ឃឹម​របស់​ប្រជាពលរដ្ឋ​កម្ពុជា ដោយ​ចាប់ផ្តើម​អនុវត្ត​គោល​ន​យោបា​យ​​បណ្តេញ​ប្រជាពលរដ្ឋ​កម្ពុជា​ចេញពី​ទីក្រុង​ភ្នំពេញ និង​ទីប្រជុំជន​នានា​ឲ្យ​ទៅ​រស់នៅ និង​ធ្វើស្រែ​ចម្ការ​នៅតាម​តំបន់​ភូមិភាគ​នានា​ស្ថិតនៅ​ស្រុកស្រែ​ចម្ការ​។​

 

​ប្រជាពលរដ្ឋ​កម្ពុជា​ត្រូវបាន​ដាក់​ឲ្យ​រស់នៅ និង​ធ្វើការ​ជា​ក្រុម​ជាស​ហករ​នៅតាម​ទីជនបទ និង​បង្ខំ​ឲ្យ​ស៊ី​រួម​ដេក​រួម ។ ប្រជាពលរដ្ឋ​កម្ពុ​ជាជាង​២​លាន​នាក់​បាន​ស្លាប់បាត់​បង់ជីវិត​ដោយសា​កា​រធ្វើ​ទារុណកម្ម ការកាប់សម្លាប់ បាក់កម្លាំង អត់​អាហារ និង​គ្មាន​ថ្នាំ​ព្យាបាល​ជំងឺ​ដោយសារតែ​របប​ប៉ុលពត​ក្នុង​រយៈពេល​៣​ឆ្នាំ​៨ ខែ និង​២០​ថ្ងៃ​។ របប​ប៉ុលពត​បាន​អប់រំ​តែ​អំពើ​ហឹ​ង្សា​កំ​ហឹ​ង​​វណ្ណៈ រហូតដល់​បង​ហ៊ាន​សម្លាប់​ប្អូន កូន​ហ៊ាន​សម្លាប់​ឪពុក ។ ពួក​អ្នក​ធ្លាប់ធ្វើ​មន្ត្រីរាជការ ឬ​ទាហាន​ពី​របប​មុនៗ​ត្រូវគេ​ប្រមូល​យកទៅ​សម្លាប់​ទាំង​ក្រុមៗ គេ​ផ្តាច់​កម្ម​សិ​ទិ្ធ​មិន​ឲ្យ​មាន​អ្វីៗ ទាំងអស់​ក្រៅពី​សម្លៀកបំពាក់​ជាប់​នឹង​ខ្លួន​។ គេ​បិទ​មិន​ឲ្យ​មាន​សាសនា មិន​ឲ្យ​មាន​ប្រា​ក់ចាយ និង​បង្អត់បាយ​មិន​ឲ្យ​ហូប​គ្រប់គ្រាន់ ហើយ​បង្ខំ​ឲ្យ​ធ្វើការ​ធ្ងន់​បាក់កម្លាំង​ដោយ​ការអត់ឃ្លាន​ខ្លាំងពេក សូម្បីតែ​អាចារ្យ​ក៏ត្រូវ​ដាច់​សិ​ល​ចេះ​លួច និង​ចេះ​សម្លាប់សត្វ​។​

 

​អង្គការ​របស់​ប៉ុលពត​បាន​ប្លន់​យក​ទាំងស្រុង​នូវ​ស​មិ​ទិ្ធ​ផល​នៃ​ការតស៊ូ​របស់​ប្រជាជន​កម្ពុជា​ដើម្បី​ឯករាជ្យ សន្តិភាព និង​សេរីភាព ហើយ​បាន​បំផ្លាញ​អស់​នូវ​តម្លៃ​របស់​មនុស្ស ក៏ដូចជា​រ​ច​នា​ស​ម្ព័ន្ធ​នៃ​សង្គមជាតិ​ទាំងមូល ។ ប្រជាជន​ត្រូវ​បាត់បង់​ទាំងស្រុង​នូវ​សិ​ទិ្ធ​សេរីភាព​គ្រប់យ៉ាង​ត្រូវ​រស់នៅក្នុង​ភាព​ភ័យរន្ធត់ តក់ស្លុត អស់សង្ឃឹម ហើយ​ទទួលរង​នូវ​ទារុណកម្ម និង​ការសម្លាប់​រង្គាល​នៅក្រោម​របប​ដ៏​ឃោរឃៅ​នេះ ។ ទឹកដី​កម្ពុជា​ទាំងមូល​បានក្លាយ​ទៅជា​វាលពិឃាត​ដែល​ដិតដាម​ជោគជាំ​ដោយ​ឈាម និង​ទឹកភ្នែក​របស់​ប្រជាជន​ស្លូតត្រង់ ។ នៅក្នុង​កាលៈទេសៈ​នេះ ប្រជាជន​កម្ពុជា​ត្រូវបាន​រុញច្រាន​ឲ្យ​ឈានដល់​មាត់​រណ្តៅ​នៃ​គ្រោះ​រលាយ​សូន្យ ។ ប៉ុន្តែ​ជា​សំណាងល្អ​ក្រុម​យុទ្ធជន​កម្ពុជា​ដែល​ក្លាហាន​បានសម្រេច​រួបរួមគ្នា និង​បាន​បង្កើត​រណសិរ្ស​សា​មគ្គី​សង្គ្រោះ​ជាតិ​កម្ពុ​ជាមួយ​នៅ​ថ្ងៃទី​២ ធ្នូ​ឆ្នាំ​១៩៧៨ នៅ​ស្រុក​ស្នួល​ខេត្តក្រចេះ និង​បាន​រំដោះ​ប្រជាពលរដ្ឋ​ខ្មែរ និង​ប្រទេសជាតិ ឲ្យ​រួច​ផុតពី​របប​ប្រល័យពូជសាសន៍​ប៉ុលពត នៅ​ថ្ងៃទី​៧​ខែមករា​ឆ្នាំ​១៩៧៩​។​

 

​ថ្ងៃ​២​ធ្នូ ឆ្នាំ​១៩៧៨ រណសិរ្ស​សាមគ្គី​សង្គ្រោះ​ជាតិ​កម្ពុជា​បច្ចុប្បន្ន​ត្រូវបាន​ប្តូរ​ឈ្មោះ​រណសិរ្ស​សាមគ្គី​អភិវឌ្ឍន៍​មាតុភូមិ​កម្ពុជា ដែលជា​អង្គការ​ចាត់តាំង​មហានគរ​មួយ​ឈានមុខ​របស់​គណបក្ស​ប្រជាជន​កម្ពុជា បាន​បដិសន្ធិ​នៅក្នុង​តំបន់​រំដោះ​នៅ​ភូមិ​ជើង​ឃ្លូ ឃុំ​ស្នួល នៅ​ស្រុក​ស្នួល ខេត្តក្រចេះ ដើម្បី​តបត​ទៅនឹង​ការអំពាវនាវ​របស់រ​ណ​សិរ្ស​ប្រជាជន​គ្រប់ទិសទី​បាន ក្រោកឈរ​រួបរួម​ជា​កម្លាំង​មហា​សាមគ្គី​ជាតិ​ដោយបាន​ទទួល​ការជួយ​ឧ​ត្ត​ម្ភ យ៉ាង​ធំធេង​ពី​កងទ័ព​ស្ម​គ្រ័​ចិត្ត​វៀតណាម និង​ការគាំទ្រ​ពី​មិត្តភក្តិ​ជិត​ឆ្ងាយ​លើ​សកលលោក​ផង​នោះ ក៏បាន​វាយ​ផ្តួលរំលំ​របប​កម្ពុជា​ប្រជាធិបតេយ្យ​រហូតដល់​បាន​ជ័យជម្នះ​ដ៏​ត្រចះត្រចង់​នា​ថ្ងៃទី​៧ ខែមករា ឆ្នាំ​១៩៧៩ ។​

 

​ជ័យជម្នះ​៧​មករា ឆ្នាំ​១៩៧៩ បានបញ្ចប់​នូវ​សម័យកាល​ដ៏​ខ្មៅ​ងងឹត​បំផុត ដែល​ពុំ​ធ្លាប់មាន​ក្នុង​ប្រវត្តិសាស្ត្រ​កម្ពុជា ហើយ​បើក​ឡើង​នូវ​សម័យកាល​ថ្មី ប្រជាជន​កម្ពុជា​ក៏បាន​ទទួល​មកវិញ​នូវ​សិ​ទិ្ធ​សេរីភាព និង​ឱកាស​ដើម្បី​ស្តារ​និង​កសាង​មាតុភូមិ​របស់ខ្លួន​ឡើងវិញ​។ ប្រជាជន​គ្រប់រូប​ដែល​រស់នៅ​សេសសល់​ពី​ស្លាប់​សុទ្ធតែ​ចងចាំ​ជានិច្ច​នូវ​ថ្ងៃ​ជ័យជម្នះ​នេះ ។

 

​ក្រោយ​ថ្ងៃ​រំដោះ​៧​មករា​ឆ្នាំ​១៩៧៩ ថ្នាក់ដឹកនាំ​រណសិរ្ស​សាមគ្គី​សង្គ្រោះ​ជាតិ​បាន​ដឹកនាំ​ប្រទេស​ក្នុងស្ថានភាព​ដ៏​លំបាក ដោយ​ត្រូវ​កសាង​ប្រទេស​ឡើងវិញ​ចាប់ពី​លេខ​សូន្យ​ផង និង​កា​រ​ប្រ​ឈ​​មមុខ​នឹង​រាល់​ផល​លំបាក​ដ៏​ធ្ងន់ធ្ងរ ដែល​របប​ប្រល័យពូជសាសន៍​បាន​បន្សល់ទុក​ផង និង​ត្រូវបាន​ស្ថិតក្នុង​កាលៈទេសៈ​មា​នស​ន្តិ​ភាព និង​សង្គ្រាម​ផង ដែល​បន្ត​ងើបឡើង​ក្នុង​ម​ហិ​ច្ឆិ​តា​ប៉ុនប៉ង​វិល​ត្រលប់​មកវិញ​នៃ​របប​ដ៏​ឃោរឃៅ​នេះ ។ ប៉ុន្តែ​ថ្នាក់ដឹកនាំ​នៃ​រណសិរ្ស​នេះ​បាន​តស៊ូ​ពុះពារ​ជម្នះ​រាល់​ឧបសគ្គ​តូច​-​ធំ​ទាំងឡាយ​ដោយ​ជោគជ័យ​ធ្វើ​ឲ្យ​ប្រទេសជាតិ​បាន​ផ្លាស់ប្តូរ រីក​ច​ម្រើន​ជា​ជំហានៗ ឆ្លង​ពី​ដំណាក់កាល​មួយ​ទៅ​ដំណាក់កាល​មួយទៀត​ជា​បន្តបន្ទាប់​រហូត​មាន​ថ្ងៃនេះ ។ ជា​ប្រ​វិ​ត្តិ​សាស្ត្រ​ជាក់ស្តែង​បានបង្ហាញ​យ៉ាងច្បាស់​ថា ក្នុង​រយៈពេល​៣០​ឆ្នាំ​ក​ន្ល​ង​ម​ក​នេះ​​ផ្តើមចេញពី​ជ័យជម្នះ​៧​មករា ប្រជាជន​កម្ពុជា​បានសម្រេច​ស្នាដៃ​ដ៏​ធំធេង​ក្នុងការ​ស្តារ​កសាង និង​ការពារជាតិ​របស់ខ្លួន ។ ជារួម​ថ្នាក់​នាំ​រណសិរ្ស​នេះ បាន​ទប់ស្កាត់​នូវ​ការ​គំរាម​គំហែង​វិល​ត្រលប់​មកវិញ​នៃ​របប​ប្រល័យពូជសាសន៍​បាន​ស្តារ​ខឿនសេដ្ឋកិច្ច សង្គមកិច្ច និង​ជីវភាព​របស់​ប្រជាជន តាំងពី​ដំណាក់​កាលដែល​ត្រូវ​បំផ្លាញ​ខ្ទេចខ្ទី​ឲ្យ​ឈាន​មកដល់​ដំណាក់​កា​ល​ដែ​ល​​មានការ​អភិវឌ្ឍន៍​ជា​ជំហានៗ​។​

 

​កម្ពុជា​បានបញ្ចប់​សង្គ្រាមរ៉ាំរ៉ៃ​រាប់​ទសវត្ស​ធ្វើ​ឲ្យ​ប្រជាជាតិ​និង​ទឹកដី​ទាំងមូល​បាន​ឯកភាព​ទាំងស្រុង​បង្កើតបានជា​សន្តិភាព​ពេញលេញ​ឡើងវិញ​នៅ​ទូទាំងប្រទេស ។ សិ​ទិ្ធ​សេរីភាព​ប្រ​ជា​ធិ​ប​តេ​យ្យ​និង​និតិរដ្ឋ​កាន់តែ​ត្រូវបាន​ពង្រីក​ឥតឈប់ឈ​រ ហើយ​ព្រមជាមួយ​នោះ​កិត្តិយស សេចក្តីថ្លៃថ្នូរ និង​កិត្យានុភាព​ជាតិ​ក៏ត្រូវ​បាន​ស្តារ​និង​លើក​កំពស់​ឡើងវិញ​លើ​ឆាក​អន្តរជាតិ ។ ថ្ងៃ​៧ ខែមករា ឆ្នាំ​១៩៧៩ គឺជា​ស្នាដៃ​របស់​គណបក្ស​ប្រជាជន​កម្ពុជា​ដែល​កំពុង​គ្រប់គ្រង​អំណាច​បច្ចុប្បន្ន ហើយ​ជា​ថ្ងៃ​ប្រវត្តិសាស្ត្រ​ដែល​ប្រជាពលរដ្ឋ​ខ្មែរ​ទូទាំងប្រទេស​មិនអាច​បំភ្លេច​បានឡើយ ។​

 

​ជា​រៀងរាល់ឆ្នាំ​គណបក្ស​ប្រជាជន​កម្ពុជា​ដែល​គណបក្ស​គ្រប់គ្រង​អំណាច បាន​ប្រារព្ធ​យ៉ាង​គគ្រឹកគគ្រេង​នូវ​ខួប​ថ្ងៃ​៧​មករា ដែលជា​ថ្ងៃកំណើត​ទី​២ របស់​ជនរួមជាតិ ខ្មែរ​និង​ជា​ថ្ងៃ​ធ្វើ​ឲ្យ​កម្ពុ​ជា​​រួចផុត​ពីរ​បប​វាលពិឃាត​ដែល​សម្លាប់ ជាតិ​សាសន៍​ឯង​រាប់លាន​នាក់ ។ ការ​ប្រារព្ធ​ពិធី​នេះ​បានបង្ហាញ​ឲ្យ​មជ្ឈដ្ឋាន​ជាតិ​ និង​អន្តរជាតិ​នឹកឃើញ​ឡើងវិញ​នូវ​ការឈឺចាប់ និង​ទុក្ខវេទនា​នៃ​ការឆ្លងកាត់​របប​វាលពិឃាត​ដ៏​មហា​យង់ឃ្នង ហើយ​ពុំមាន​ពេលណា​ដែល​ខ្មែរ​អាច​បំភ្លេច​អំពី​ទុក្ខសោក​នៅក្នុង​របប​ប្រល័យពូជសាសន៍​បានឡើយ​។ ពួក​ខ្មែរក្រហម​បាន​កាន់អំណាច​ចន្លោះ​ពី​ឆ្នាំ​១៩៧៥ ដល់​ឆ្នាំ​១៩៧៩ ហើយ​បាន​បង្ក​ឲ្យ​ប្រជាពលរដ្ឋ​ខ្មែរ​យ៉ាងតិច​ចំនួន​១,៧​លាន​នាក់​ស្លាប់បាត់​បង់ជីវិត​៕

7-1-2014

 

Leave a Reply

(*) Required, Your email will not be published