តើ​អាចធ្វើ​បានទេ​..! ពេល​ក្រសួងសុខាភិបាល​ហាម​មិន​ឲ្យ​ព្យួរសេរ៉ូម​ជិះ​ម៉ូតូ​តាមផ្លូវ​សាធារណៈ​

, , Leave a comment

រាជធានី​ភ្នំពេញ : រដ្ឋមន្ត្រី​សុខាភិបាល លោក ម៉ម ប៊ុនហេង បានចេញ​សារាចរ​មួយ​បញ្ជាក់ថា​ក្រសួង​មិន​អនុញ្ញាត​ឲ្យ​ប្រើប្រាស់​ការព្យួរ​សេរ៉ូម​ដោយ​ជិះ​ម៉ូតូឌុប​តាម​ដងផ្លូវ​សាធារណៈ​នោះទេ​។ ក្នុង​សារាចរ​ណែនាំ​មួយ​ចុះ​ថ្ងៃទី​៧ ខែធ្នូ រដ្ឋមន្ត្រី​បាន​បញ្ជាក់ថា​កន្លងទៅ នៅតែមាន​អ្នក​ប្រកប​វិជ្ជាជីវៈ​សុខាភិបាល​មួយចំនួន​មិនទាន់​អនុវត្តបាន​ត្រឹមត្រូវ​នៅឡើយ ដូចជា​ការព្យាបាល​ជំងឺ​ដោយ​ដាក់​សេរ៉ូម​ធ្វើដំណើរ​ពី​មន្ទីរពេទ្យ​(​គ្លីនិក​) ផ្ទះ​ពេទ្យ​ទៅកាន់​ផ្ទះ​របស់​អ្នកជំងឺ ដោយ​ក្រសួង​បញ្ជាក់ថា​ការប្រតិបត្តិ​នេះ​ប្រាសចាក​ពី​ក្រមសីលធម៌ វិជ្ជាជីវៈ​ពេទ្យ​។​

 

​ក្រសួង​បញ្ជាក់ថា “​គ្រប់​សេវា​ព្យាបាល និង​ថែទាំ​ទាំងអស់ ទាំង​សេវាសាធារណៈ​និង​ឯកជន ត្រូវ​បញ្ឈប់​ការដាក់​សេរ៉ូម ព្យួរ​តាម​ដងផ្លូវ​សាធារណៈ លើកលែងតែ​ត្រូវ​ពេទ្យ​ព្យាបាល​យល់ថា នេះ​ជា​ករណី​សង្គ្រោះបន្ទាន់​ក្នុងការ​បញ្ជូន​អ្នកជំងឺ​ទៅកាន់​មន្ទីរពេទ្យ​ដោយមាន​រថយន្ត​សង្គ្រោះបន្ទាន់​ត្រឹមត្រូវ​”​។​

​ក្រសួងសុខាភិបាល​ក៏បាន​ក្រើនរំឭក​ឲ្យ​អ្នក​ប្រកប​វិជ្ជាជីវៈ​សុខាភិបាល​ទាំងអស់ ត្រូវអនុវត្ត​ឲ្យ​បាន​ខ្ជាប់ខ្ជួន​និង​ត្រឹមត្រូវ​និង​យកចិត្តទុកដាក់​ចំពោះ​អ្នកជំងឺ​ក្នុងការ​ជួយសង្គ្រោះ​ជីវិត​ឲ្យ​បាន​ទាន់ពេលវេលា​។ ក្រសួង​ក៏បាន​ណែនាំ​ឲ្យ​មានការ​ពន្យល់​បកស្រាយ ឆ្លើយតប​រាល់​សំណូមពរ​ទាំងឡាយ ​ពី​ប្រជាពលរដ្ឋ​អ្នកជំងឺ​នូវ​ស្ថានភាព​ជំងឺ សារៈសំខាន់​និង​ផលវិបាក​នៃ​ការវះកាត់​និង​ការប្រើប្រាស់​ឱសថ​ក្នុងនោះ​មាន​សេរ៉ូម​ផងដែរ​៕

gttts-1-copy

 

 

 

Leave a Reply

(*) Required, Your email will not be published