អំណាច និង​ទឹកប្រាក់​ មិនអាច​ជួយ​លោក​ចៅសង្កាត់​ព្រែកប្រា ហួរ ហួត នៅពេល​ក្លាយជា​កណ្តុរ​លង់ទឹក ក្នុងករណី​វ៉ៃ​សន្តិសុខ​

, , Leave a comment

26-10-2016

រាជធានី​ភ្នំពេញ : លោក ហួរ ហួត ចៅសង្កាត់​ព្រែកប្រា ត្រូវបាន​គេ​រាយការណ៍​មក​ថា បាន​រត់​ខ្លួន​បាត់​ក្រោយ​ធ្វើ​សកម្មភាព វាយ​សន្តិសុខ​ម្នាក់​បណ្តាល ឲ្យ​របួសធ្ងន់ ហើយ​ខណៈ​នេះដែរ លោកស្នងការ​នគរបាល​រាជធានី​ភ្នំពេញ​បាន​បញ្ជា​ឲ្យ​សមត្ថកិច្ច​តាម​ស្វែងរក​លោក​ចៅសង្កាត់​រូបនេះ យ​កម​សាកសួរ ក្នុងករណី​ហិង្សា​លើ​សន្តិសុខ​។​

 

​បើ​ប្រភព​ច្បាស់ការ​ពី​ស្នងការដ្ឋាន​នគរបាល រាជធានី​ភ្នំពេញ បាន​ឲ្យ​ដឹងថា នាយ​ឧត្ដមសេនីយ៍ ជួន សុវណ្ណ អគ្គ​ស្នងការរង នគរបាលជាតិ និង​ជា​ស្នងការ​នគរបាល​រាជធានី​ភ្នំពេញ បានចេញ​បញ្ជា​ឲ្យ​តាមរក​ចៅសង្កាត់​ព្រែកប្រា ឈ្មោះ ហួរ ហួត យកមក​សាកសួរ​បន្ទា​ប់​ពី​មាន​ករណី​ប្រើ​អំពើហិង្សា លើ​សន្តិសុខ​បណ្តាល​ឲ្យ​របួសធ្ងន់​រួចមក ប៉ុន្តែ​ចៅសង្កាត់​រូបនេះ​បាន​រត់គេចខ្លួន​ក្រោយ ក្រោយ​កើតហេតុ​មកម្ល៉េះ​។​

 

​បើតាម​គ្រូពេទ្យ​ដែល​កំពុង​ទទួល​ព្យាបាល​សន្តិសុខ​រងគ្រោះ​បាន​និយាយ​ក្នុង​លក្ខខណ្ឌ​សុំ​មិន​បញ្ចេញ​ឈ្មោះ បាន​ឲ្យ​ដឹងថា ជនរងគ្រោះ​អាច​ដួល​បោក​ប៉ះ​សរសៃ ជាមួយ​ជញ្ជាំង​ថ្ម ទើប​បណ្ដាល​ឲ្យ​ធ្ងន់ធ្ងរ​បែបនេះ​។ ខណៈ​នេះ​សមត្ថកិច្ច​នគរបាល​កំ​ពុង​តាម​ប្រ​ម៉ាញ់​ចៅសង្កាត់​ពាល​រូបនេះ ជាមួយគ្នា​នោះ​ប្រជាពលរដ្ឋ​ក៏បាន​សម្តែង​ការ​កោត​ស​សើរ​ដល់​លោក​ឧត្ដមសេនីយ៍ ជួន សុវណ្ណ ដែល​តែងតែ​យកចិត្តទុកដាក់ រក​យ​ត្តិ​ធម៌​ជូន​ជនរងគ្រោះ​។​

 

​សូមបញ្ជាក់ថា ចៅសង្កាត់​ព្រែកប្រា លោក ហួរ ហួត បាន​វាយ​សន្តិសុខ​ក្បាល​ទប់​ទៅនឹង​ជញ្ជាំង​ថ្ម កាលពី​ល្ងាច​ថ្ងៃទី​២៤ ខែតុលា ឆ្នាំ​២០១៦ បណ្ដាល​ឲ្យ​សន្តិសុខ​រូបនេះ ដួលសន្លប់​គ្រាន់តែ​រឿង​ចត​រថយន្ត​មុខផ្ទះ​។ សាក្សី​ឃើញ​ហេតុការណ៍​បាន​និយាយថា មុនពេល​កើតហេតុ រថយន្ត​របស់លោក​ចៅ​សង្កាត់ ត្រឡប់មកផ្ទះ​ហើយក៏​ឈប់​នៅមុខ រង់ចាំ​ថយ​រថយន្ត​ចូលក្នុង​ផ្ទះ គាប់​ជួន​ពេលនោះ មាន​សន្តិសុខ​បុរី​ម្នាក់ បាន​និយាយ​ជាមួយ​លោក​ចៅសង្កាត់ ពេល​កំពុង​ជជែក​គ្នា ស្រាប់​មាន​សន្តិសុខ​ពីរ​នាក់​ផ្សេងទៀត ជិះ​ម៉ូតូ​មកដល់​ក៏បាន​សួរនាំ​ខ្លាំងៗ ក៏​ធ្វើ​ឲ្យ​លោក​ចៅសង្កាត់​ខឹង​វាយ​សន្តិសុខ​នោះ​តែម្តងទៅ​។​

 

​ក្រោយ​កើតហេតុ​ជនរងគ្រោះ ត្រូវបាន​បញ្ជូនទៅ​សង្គ្រោះបន្ទាន់ នៅ​មន្ទីរពេទ្យបង្អែក​ច្បារអំពៅ រួច​ក៏​បញ្ជូនទៅ​សង្គ្រោះ​បន្ត​នៅ​មន្ទីរពេទ្យ​មិត្តភាព​ខ្មែរ​សូ​វៀត​។ បើតាម​អ្នកជិតខាង​បាន​និយាយថា ចៅសង្កាត់​រូបនេះ ដូចជា​ក្អេងក្អាង​ណាស់ អាង​តែ​ខ្លួន​មានអំណាច ដើរ​ធ្វើបាប​អ្នកតូច​អ្នក តាច​តាមតែ​អំពើ​ចិត្ត ។​

 

​លោក ម៉ៅ សឿត អធិការរង​នគរបាល ខណ្ឌ​ច្បារអំពៅ ទទួលបន្ទុក​ព្រហ្មទណ្ឌ បញ្ជាក់​នៅ​ព្រឹក​ថ្ងៃទី​២៥ ខែតុលា ថា តំណាង​ក្រុមហ៊ុន​សម្បត្តិ​មាន​ហេង បានដាក់​ពាក្យបណ្ដឹង​រួចហើយ ករណី​លោក ហួរ ហួត ចៅសង្កាត់​ព្រែកប្រា វាយ​សន្តិសុខ បច្ចុប្បន្ន នគរបាល​កំពុង​បន្ត​នីតិវិធី​។​

 

​ដោយឡែក​ស្ថានភាព​ជនរងគ្រោះ មាន​សភាព​ធ្ងន់ធ្ងរ ដោយសារ​លោក ហួរ ហួត ដែលមាន​មាឌធំ​ដំបង វាយ​មួយ​ដៃ​ផ្ទប់​ជញ្ជាំង​។ នេះ​ជា​បទល្មើស​ព្រហ្មទណ្ឌ​ជាក់ ស្តែង ស្របតាម​មាត្រា​៨៦ នៃ​ក្រមនីតិវិធី​ព្រហ្មទណ្ឌ ដែល​មន្ត្រីនគរបាល​យុត្តិធម៌ ឬ​សាធារណជន មាន​សិទ្ធិ​ឃាត់ខ្លួន​ជនសង្ស័យ ឬ​ព្រះរាជអាជ្ញា​មាន​សិទ្ធិ​បញ្ជា​ឲ្យ​ឃាត់ខ្លួន​។ ប៉ុន្តែ​ជាក់ស្តែង​លោក ហួរ ហួត កំពុងមាន​សេរីភាព​៕

26-10-2016

 

Leave a Reply

(*) Required, Your email will not be published