ទណ្ឌិត​ជាង​៥០០​នាក់ នឹង​ត្រូវបាន​លើកលែងទោស​ក្នុងឱកាស​បុណ្យអុំទូក​ខាងមុខ​

, , Leave a comment

​រាជធានី​ភ្នំពេញ  : ទណ្ឌិត​ជាង ៥០០ នាក់ ត្រូវបាន​អនុគ្រោះ​ទោស ពី​ពន្ធនាគារ​រាជធានី ខេត្ត ចំនួន​១៩ និង​មណ្ឌល​អប់រំ កែប្រែ​ចំនួន​៤ ក្នុងឱកាស​បុណ្យអុំទូក​នេះ​។ នៅ​រសៀល​ថ្ងៃទី​២៦ ខែតុលា ឆ្នាំ​២០១៦​នេះ អ្នកនាំពាក្យ​ក្រសួងយុត្តិធម៌ លោក គឹម សន្តិភាព បានឱ្យដឹងថា រដ្ឋមន្ត្រី​ក្រសួងយុត្តិធម៌ និង​ជា​ប្រធាន​គណៈកម្មការ​ជាតិ បាន​នឹង​កំពុង​ពិនិត្យ​បញ្ជី​ទណ្ឌិត​ស្នើសុំ​បន្ធូរ បន្ថយទោស និង​លើកលែងទោស​ទណ្ឌិត​។

 

កិច្ចប្រជុំ​គណៈកម្មការ​ជាតិ​ខាងលើនេះ នឹង​ពិនិត្យ​លើ​សំណើ​របស់​គណៈកម្មការ​ក្រសួងមហាផ្ទៃ និង​គណៈកម្មការ​ថ្នាក់​រាជធានី​ខេត្ត​ដែល​បាន​ស្នើសុំ​ការអនុគ្រោះ​ទោស​ដល់ ទណ្ឌិត​ប្រមាណ​ជាង ៥០០ នាក់ ពី​ពន្ធនាគារ​រាជធានី​ខេត្ត​ចំនួន​១៩ និង​មណ្ឌល​អប់រំ​កែប្រែ​ចំនួន​៤ ក្នុងឱកាស​បុណ្យអុំទូក​ខាងមុខនេះ​។​

 

ប្រជាពលរដ្ឋ​សង្ឃឹមថា ពួកគេ​ចេញពី​ពន្ធនាគារ​វិញ​អាច​នឹង​កែខ្លួន ប៉ុន្តែ​គេ​សង្កេតឃើញថា អ្នក​ដែល​ចេញពី​ពន្ធនាគារ​មួយចំនួន​មិន​កែខ្លួន​សោះ ពិសេស​ចោរលួច ឆក់ ប្លន់ លូក​ហោប៉ៅ ទម្លាក់យោង ។​ល​។ មុខ​ដដែលៗ​៕

26-10-2016-1 26-10-2016

 

Leave a Reply

(*) Required, Your email will not be published