លោក​ចៅសង្កាត់​ព្រែកប្រា ហួរ ហួត ចាយលុយ​មិន​អស់ វ៉ៃ​សន្តិសុខ​របួសធ្ងន់(វីដេអូ)

, , Leave a comment

​រាជធានី​ភ្នំពេញ : រឿង​ភ្ញាក់ផ្អើល​មួយ​បាន​កើតឡើង ខណៈដែល​លោក​ចៅសង្កាត់​ព្រែកប្រា ហួរ ហួត ប្រើ​អំពើហិង្សា​វាយ​ក្បាល​សន្តិសុខ​ខ្ទប់​ទៅនឹង​ជញ្ជាំង​ថ្ម​បណ្ដាល​ឲ្យ​រងរបួស​ធ្ងន់ធ្ងរ កាលពី​ល្ងាច​ថ្ងៃទី​២៤ ខែតុលា ឆ្នាំ​២០១៦ ហើយ​ត្រូវ​បញ្ជូនទៅ​សង្គ្រោះបន្ទាន់​នៅ​មន្ទីរពេទ្យបង្អែក​ច្បារអំពៅ​ដោយសារ​អាកា​រៈ​ធ្ងន់ធ្ងរ ក៏បាន​បញ្ជូនទៅ​សង្គ្រោះ​បន្ត​នៅ​មន្ទីរពេទ្យ​មិត្តភាព​ខ្មែរ​-​សូ​វៀត បច្ចុប្បន្ន​សន្តិសុខ​រូបនេះ​ពុំទាន់​មាន​ស្មារតី​ប្រសើរ​ឡើងវិញ​នៅឡើយ​ទេ ខណ​:​គ្រូពេទ្យ​បាន​និយាយថា អាច​ប៉ះពាល់​ដល់​សរសៃប្រសាទ​និង​ខួរក្បាល​។​

25-10-2016

​បន្ទាប់ពី​ផ្ទុះ​រឿង​លោក​ចៅសង្កាត់​ព្រែកប្រា ហួរ ហួត វាយ​សន្តិសុខ​ម្នាក់​របួសធ្ងន់​,​បញ្ជូន​ទៅដល់​មន្ទីរពេទ្យ​មិត្តភាព​ខ្មែរ សូ​វៀត កាលពី​ល្ងាច​ថ្ងៃទី​២៤ ខែតុលា ឆ្នាំ​២០១៦ ម្សិលមិញ​នេះ​ធ្វើ​ឲ្យ​មានការ​ផ្ទុះ​ប្រតិកម្ម​ជាខ្លាំង​ពី​សំណាក់ ប្រជាពលរដ្ឋ​ទូទាំងប្រទេស និង​អ្នកលេង​បណ្ដាញ​សង្គម​ហ្វេ​ស​ប៊ុ​ក​មួយចំនួនធំ បាន​តិះដៀល ប្រើពាក្យ​សម្ដី​អសុរោះ​ជាច្រើន​ទៅកាន់​លោក​លោក ហួរ ហួត រហូតមកដល់​ព្រឹក​ថ្ងៃទី​២៥​តុលា​២០១៦​នេះ លោក​ហួរ ហួត ដែល​ពលរដ្ឋ​ចោទប្រកាន់​រូបនេះ​បាន​សរសេរ​លើ​បណ្ដាញ​សង្គម​របស់លោក បកស្រាយ​តប​ទៅ​និង​រឿងរ៉ាវ​របស់លោក​ជុំវិញ​និង​ការ វាយ​ដោយ​អំពើហិង្សា​របស់លោក​ទៅលើ​សន្តិសុខ​មួយរូប​។​

25-10-2016-2

​ខាងក្រោម​ជា​សារ​ដែល​លោក ហួរ ហួត ចៅសង្កាត់​ព្រែកប្រា ៖
«​ខ្ញុំ​សូមបញ្ជាក់ថា ដំបូង​ឡើយ​ករណីនេះ​កើតឡើង​ដោយ​ការ​ភ័ន្ត​ច្រ​លំ​តែប៉ុណ្ណោះ​ដែល​ដំណើររឿង​មាន​ដូច​ខា​ក្រោម នៅវេលា​ម៉ោង​១៧:៤០​នាទី​ខ្ញុំ​បាន​បើករថយន្ត​ត្រឡប់មកផ្ទះ​ហើយក៏​ឈប់​នៅមុខ​ផ្ទះ​រង់ចាំ​ថយ​រថយន្ត​ចូលក្នុង​ផ្ទះ គាប់​ជួន​មាន​សន្តិសុខ​បុរី​ម្នាក់ បាន​ដេញ​រថយន្ត​របស់ខ្ញុំ​ឲ្យ​ចេញ​ដោយ​ទុក​ផ្លូវ​ឲ្យ​រថយន្ត​មេ​របស់គេ​(​បុរី​)​ចេញ រួចមក​ខ្ញុំ​ក៏​ទៅ​សួរ​សន្តិសុខ​នោះ​ថា ខ្ញុំ​ចត​មុខផ្ទះ​ខ្ញុំ ឲ្យ​ខ្ញុំ​ទៅណា​? រួចហើយ​សន្តិសុខ​នោះ​ក៏បាន​សុំទោស​ខ្ញុំ ដោយ​មិនបាន​ដឹងថា ផ្ទះ​របស់ខ្ញុំ​នៅទីនេះ ពេល​កំពង់​ជជែក​គ្នា​ស្រាប់​តែមាន​សន្តិសុខ​ពីរ​នាក់​ផ្សេងទៀត​ជិះ​ម៉ូតូ​មកដល់​ក៏បាន​សួរនាំ​ដោយ​សំលេង​ខ្លាំងៗ ពីលើ​ម៉ូតូ​រួច​ក៏​ដើរ​តម្រង់ មករក​ខ្ញុំ​ដោយ​កាយវិការ​គិតថា​នឹង​មក​វាយ​ខ្ញុំ ទន្ទឹមនឹងនេះ​ខ្ញុំ​នឹកស្មានថា សន្តិសុខ​ដែល​ជិះ​ម៉ូតូ​នោះមក​វាយ​ខ្ញុំ ខ្ញុំ​ក៏បាន​វាយក្បាល​សន្តិសុខ​បណ្តាលឲ្យ​ដួល។ ក្រោយមក​សន្តិសុខ​នោះ​ត្រូវបាន​បញ្ជូន​ទៅកាន់​មន្ទីរពេទ្យបង្អែក​និង​បន្ត​ទៅកាន់​មន្ទីរពេទ្យ​ខ្មែរ សូ​វៀត ដើម្បី​ពិនិត្យ​ស្ថានភាព​ដោយ​ខ្ញុំ​បាន​តាមដាន​ជាប់​ជាប្រចាំ​។ បច្ចុប្បន្ន​ជនរងគ្រោះ​មាន​ស្ថានភាព​ល្អប្រសើរ​ហើយ​។​

25-10-2016-3

​ចំពោះ​ហេតុ​ការ​នេះ​ខ្ញុំ​ពិតជា​មានការ​សោកស្តាយ​ខ្លាំងណាស់​ហើយក៏​សុំ​ការ​អភ័យទោស​ចំពោះ​ហេតុការណ៍​ដែល​បាន​ជ្រុលដៃ​ដោយ​ការ​ភ័ន្ត​ច្រ​លំ ហើយ​ខ្ញុំ​នឹង​សំរបសំរួល​ជួយ​ចេញថ្លៃ​ព្យាបាល​ដល់​ជនរងគ្រោះ​ទាំងអស់​»​។​

25-10-2016-1

​ប្រភពពី​ប្រជាពលរដ្ឋ​ឲ្យ​ដឹងថា លោក​ចៅសង្កាត់​រូបនេះ​អាង​ខ្លួន​មានអំណាច​តែងតែ ធ្វើបាប​ដល់​អ្នកតូចតាច​តាមតែ​អំពើ​ចិត្ត គាត់​បាន​បន្តថា សូម​អាជ្ញា​ធរមាន​សមត្ថកិច្ច​ជួយ​ចាត់វិធានការ​លើ​ចៅសង្កាត់​ឈ្មោះ​ហួរ ហួត​នេះ​ផង​៕

 

 

Leave a Reply

(*) Required, Your email will not be published