ភាព​ម​ហិ​ច្ឆិ​តា ធ្វើ​ឲ្យ​លោក​អនុសេនីយ៍ឯក តែម ប៊ូ​ឡា ដោះលែង​ចោរ​ជា​ថ្នូរ​នឹង​លុយ​ជាង​១០​ម៉ឺន​បាត​

, , Leave a comment

​ខេត្តបន្ទាយមានជ័យ : មេបញ្ជាការរង​កងរាជអាវុធហត្ថ​ក្រុង​ប៉ោយប៉ែត លោក​អនុសេនីយ៍ឯក តែម ប៊ូ​ឡា បាន​រង​ការចោទប្រកាន់ថា បាន​ដោះលែង​ចោរលួច​លុយ​ពី​អាជីវករ​ថៃ​ម្នាក់​ជា​ថ្នូរ​ទៅនឹង​ទទួលបាន​លុយ​ជាង​១០​ម៉ឺន​បាត​។​

18-10-2016

​តាម​ប្រភពព័ត៌មាន កាលពី​ថ្ងៃទី​១៣ ខែតុលា ឆ្នាំ​២០១៦ មន្ត្រី​កង​រាជ​វុ​ធ​ហត្ថ​ក្រុង​ប៉ោយប៉ែត​បាន​ចាប់​ចោរឆក់​កាបូប​លុយ​ពី​បុរស​ម្នាក់​ជា​អាជីវករ​ផ្សារ​ថៃ​យកបាន​ជាង​៥0​ម៉ឺន​បាត ខណៈ​បុរស​ជា​អាជីវករ​ផ្សារ​ថៃ​មិនទាន់​ស្គាល់​អត្តសញ្ញាណ បាន​ចត​រថយន្ត​ដើម្បី​វាយ​ប៉ាស្ព័រ​នៅ​ច្រកទ្វារ​អន្តរជាតិ​ប៉ោយប៉ែត​។ ក្រោយ​ចោរ​ពីរ​នាក់​ឆក់​កាបូប​នោះ​រួចមក ជនរងគ្រោះ​ក៏បាន​ស្នើសុំ​ឲ្យ​តម្រួត​អន្តោប្រវេសន៍​ថៃ​ទំនាក់ទំនង​សមត្ថកិច្ច​ខ្មែរ​ជួយ​អន្តរាគមន៍​ឆែក​កាមេរ៉ា​សុវត្ថិភាព​លើ​ករណីនេះ​។ លុះដល់​រំលងអធ្រាត្រ​កងរាជអាវុធហត្ថ​ក្រុង​ប៉ោយប៉ែត​ក៏​ចាប់បាន​ចោរ​ម្នាក់​ឈ្មោះ វ៉ាន់ បន្ទាប់មកទៀត​អាវុធហត្ថ​ទាំង​៣​នាក់​នោះ​ក៏បាន​ដោះលែង​ចោរ​ម្នាក់​នោះ​វិញ​ភ្លាមៗ ជា​ថ្នូរ​នឹង​លុយ​ជាង​៣​ម៉ឺន​បាត ក្រោយមកទៀត ក៏​បន្ត​ទៅតាម​ចាប់​បក្ស​ពួកចោរ​ម្នាក់ទៀត​ឈ្មោះ រី ខន​។ មកដល់​ម៉ោង​៨​ព្រឹក​ថ្ងៃទី​១៤ ខែតុលា ឆ្នាំ​២០១៦ ក៏​ត្រូវបាន​បែកធ្លាយ​រឿង​ថា​ឈ្មោះ រី ខន បាន​យកលុយ​ចំនួន​១៣0000​បាត ឲ្យ​ទៅ​ឈ្មោះ តែម ប៊ូ​ឡា ជា មេបញ្ជាការ​ង​ក្រុង​ប៉ោយប៉ែត ដោយមាន​ការខ្វែងគំនិត​រឿង​ផលប្រយោជន៍​គ្នារ​រវាង​អាវុធហត្ថ​ក្នុង​ក្រុង​ដូចគ្នា​នោះ ក៏បាន​លេចឮ​ព័ត៌មាន​នេះ​ទៅដល់​លោក ឱ បូ​រិ​ន មេបញ្ជាកា​កងរាជអាវុធហត្ថ​ខេត្តបន្ទាយមានជ័យ​។

 

​ពេលនោះ​លោក​មេបញ្ជាការ​កងរាជអាវុធហត្ថ​ខេត្ត​ក៏បាន​បញ្ជា​ឲ្យ​នាំខ្លួន​មន្ត្រី​កងរាជអាវុធហត្ថ​ដែល​ពាក់ព័ន្ធ និង​ជនសង្ស័យ​ជា​ចោរ​ទាំងពីរ​នាក់មក​ទីបញ្ជាការ​ខេត្ត ដើម្បី​សួរនាំ ទើប​ដឹងថា​ពិតជា​មាន​ករណី​ដូចដែល​បាន​រៀបរាប់​ខាងលើនេះ​មែន​។​

 

​ពាក់ព័ន្ធ​នឹង​ករណី​ខាងលើនេះ​ភ្នាក់ងារ​សារព័ត៌​មានកំណើត​ថ្មី មិនអាច​រក​ការសុំ​អត្ថាធិប្បាយ​បញ្ជាក់បន្ថែម​ពី​លោក​មេបញ្ជាការ​កងរាជអាវុធហត្ថ​ខេត្តបន្ទាយមានជ័យ និង​លោក តែម ប៊ូ​ឡា មេបញ្ជាការរង​កងរាជអាវុធហត្ថ​ក្រុង​ប៉ោយប៉ែត បានទេ​។ ដោយឡែក​ប្រភពពី​អ្នកលេង​ល្បែងស៊ីសង​ភ្នាល់​បាល់​តាម​អន​ឡាញ​ក៏បាន​បង្ហើប​ឲ្យ​ដឹង​ដែរ​ថា លោក តែម ប៊ូ​ឡា មេបញ្ជាការរង​កងរាជអាវុធហត្ថ​ក្រុង​ប៉ោយប៉ែត ក៏​ជា​អ្នកបើក​បន​ល្បែងស៊ីសង​ភ្នាល់​បាល់​តាម​អន​ឡាញ​នៅ​ប្លុក​ផ្កាយ​៥ ក្នុង​ក្រុង​ប៉ោយប៉ែត​ផងដែរ​៕

18-10-2016-1

 

Leave a Reply

(*) Required, Your email will not be published