ករណី​អ្នកទោស​រត់​រួច​នៅតាម​ផ្លូវ ជា​ចេតនា​របស់​សមត្ថកិច្ច ឬ​ជា​ភាពកម្សោយ​

, , Leave a comment

រាជធានី​ភ្នំពេញ : ជនសង្ស័យ​ម្នាក់​បាន​រត់​រួច​ចេញពី​រថយន្ត​ប៉ូលិស​ខណ្ឌដង្កោ ខណៈដែល​កំពុង​ដឹកយក​ទៅ​តុលាការ​។  ហេតុការណ៍​អស់សំណើច​មួយ​នេះ​បាន​កើតឡើង​កាលពី​វេលា​ម៉ោង​៨​និង​២០​នាទី​ព្រឹក ថ្ងៃទី​១១ ខែតុលា ឆ្នាំ​២០១៦ នៅមុខ​វត្ត​ន​ន្ន​មុនី នៅមុខ​រោងចក្រ​ក្រឡុង​ស៊ីម៉ងត៍ ស្ថិត​ក្នុងភូមិ​ដំណាក់​ធំ​១ សង្កាត់​ស្ទឹងមានជ័យ ខណ្ឌមានជ័យ រាជធានី​ភ្នំពេញ​។​

11-10-2016-1

​តាម​ប្រភពព័ត៌មាន​បាន​ឲ្យ​ដឹងថា នៅ​ម៉ោង​កើតហេតុ ប៉ូលិស​ព្រហ្មទណ្ឌ​ខណ្ឌដង្កោ បាន​ដឹក​អ្នកទោស​ចំនួន​៤​នាក់​ក្នុងនោះ​មាន​ស្រី​២ ប្រុស​២ ដើម្បី​យកទៅ​តុលាការ​។ នៅពេល​ធ្វើដំណើរ​ដល់​មុខ​វត្ត​ន​ន្ន​មុនី ក៏​ស្រាប់តែ​អ្នកទោស​ជា​បុរស​ចំនួន​២​នាក់​បាន​ធាក់​ទ្វារ​រថយន្ត​រត់ ដោយ​ម្នា​ក់ជាប់​ខ្នោះដៃ ហើយ​ម្នាក់​រត់​ទៅដោយ​ដៃទទេ តែ​ក្រោយមក អ្នកទោស​ជាប់​ខ្នោះ​បាន​ចាប់​មកវិញ​បាន ដោយឡែក​ម្នាក់ទៀត​រត់​គេច​បាត់​ដោយ​សុវត្ថិភាព​។​

11-10-2016-2

​ទោះយ៉ាងណា​ប្រភពពី​មន្ត្រីនគរបាល​ខណ្ឌ​ដង្កោ​បាន​លួច​បង្ហើប​ឲ្យ​ដឹងថា ខណៈដែល​សមត្ថកិច្ច​ដឹក​អ្នកទោស​៤​នាក់ យកទៅ​កាន់​សាលាដំបូង​រាជធានី​ភ្នំពេញ ដើម្បី​កាត់ទោស​ដែល​មានតែ​មន្ត្រីនគរបាល​ការពារ​តែ​២​នាក់ ហើយ​នៅពេល​ធ្វើដំណើរ​មកដល់​វត្ត​ន​ន្ទ​មុន្នី ខណៈ​ស្ទះចរាចរណ៍​ស្រាប់តែ​ជនសង្ស័យ​ម្នាក់ ដែល​ជិះ​ខាងមុខ​បាន​លួច​បើ​កគ​ន្លិះ​ទ្វារ​រថយន្ត​រត់ចេញ​ទាំង​ដៃ​ជាប់​ខ្នោះ ធ្វើ​ឲ្យ​ពេលនោះ​មន្ត្រីនគរបាល​ការពារ​ទាំង​២​នាក់ រត់​ទៅ​ដេញចាប់​ជនសង្ស័យ​រូបនេះ​បានមក​វិញ​តែ ឆ្លៀត​ឱ​ការ​នោះ​ជនសង្ស័យ​ម្នាក់​ជិះ​ខាងក្រោយ​(​ពាក់ព័ន្ធ​គ្រឿងញៀន​)​បាន​លោត​ចុះ​ពីលើ​រថយន្ត​ចេញ​ខ្លួន​ដោយ​សុវត្ថិភាព​តែម្តង​។​

11-10-2016

​អ្នកឃើញ​ហេតុការណ៍​បាន​និយាយថា នៅពេល​អ្នកទោស​រត់​នោះ គឺ​ស្រប​ពេលដែល​រថយន្តរ​បស់​ប៉ូលិស​កំពុង​ឈប់ ព្រោះ​ស្ទះចរាចរណ៍ ហើយ​អ្វីដែល​អ្នកទោស​មានឱកាស​រត់​រួច ដោយសារ​ប៉ូលិស​ឲ្យ​អ្នកទោស​ទាំង​៤​នៅ​អង្គុយ​កៅអី​ខាងក្រោយ ហើយ​ប៉ូលិស​ទាំងអស់​អង្គុយ​ខាងមុខ​ដែល​ធ្វើ​ឲ្យ​អ្នកទោស​មានឱកាស​រត់​រួច​បែបនេះ​៕

 

 

Leave a Reply

(*) Required, Your email will not be published