រថយន្ត​បើក​ស្ទើរ​រូង​ផ្លូវ មិន​អើពើ ដល់ពេល​ធ្លាក់​ឈើ​ទើប​ស្រ​វ៉ា សាង​ស្នាដៃ​

, , Leave a comment

​ខេត្ត​មណ្ឌល​គី​រី : រថយន្ត​ដែល​ពួក​ឈ្មួញ​ដឹកឈើ ធ្លាក់​ផ្លូវ​ខណៈដែល​តៃកុង​បើ​បរ​ខុស​បច្ចេកទេស នៅពេល​ឡើង​ចំណោទភ្នំ​អូរ​ងើយ​មិន​រួច ក៏​ថយក្រោយ​មកវិញ​បណ្តាល​ឲ្យ​បាក់​បង្គោល​ចំណាំងផ្លាត​១​ហើយ​បន្ត​ធ្លាក់​ពី​ចិញ្ចើមថ្នល់​តែដោយសារ​បាន​ព្រៃ​ឫស្សី​ទប់​កុំ​អី​ធ្លាក់​ទៅក្នុង​ជ្រោះ​បាត់​។ ហេតុការណ៍​នេះ​បាន​កើតឡើង​នៅវេលា​ម៉ោង​៩​នឹង​៣០​នាទី​ព្រឹក​ថ្ងៃទី​២៨ ខែកញ្ញា ឆ្នាំ​២០១៦ នៅ​ចំណុច​គីឡូម៉ែត្រ​លេខ​៩៣ លើ​ដង​ផ្លូវជាតិ​លេខ​៧៦A ស្ថិតនៅ​ក្នុងភូមិ​អណ្តូង​ក្រឡឹង ឃុំ​សែន​មនោ​រម្យ ខេត្តមណ្ឌលគិរី​។​

 

​ប្រភពព័ត៌មាន​ពី​កន្លែងកើតហេតុ​បាន​បញ្ជាក់ថា រថយន្ត​យី​ឌុប​មួយគ្រឿង ម៉ាក​ហ៊ី​ណូ ពណ៌​ខៀវ​ពាក់ ស្លាក​លេខ តាកែវ​3A-0958 ដែល​ផ្ទុក​ឈើ​ប្រភេទ​គ្រឿងផ្ទះ​ចំនួន​ប្រមាណ​ជា​៦០​សន្លឹក ជា​ប្រភេទ​ឈើ​គរ​គី​មាន​មុខកាត់​៥X១២ មាន​ប្រវែង​ចាប់ពី​៨​ម៉ែត្រ​រហូតដល់​ទៅ​១២​ម៉ែត្រ ពេលមកដល់​ចំនុចកើតហេតុ​ខាងលើ រថយន្ត​ក៏​ថយក្រោយ​មកវិញ​បណ្តាល​ឲ្យ​ខ្ជាក់​ឈើ​ទាំងនេះ​ចេញមកក្រៅ តែ​មិន​បង្ក​ឲ្យ​អ្នកណាម្នាក់​រងគ្រោះថ្នាក់​នោះទេ​។​

 

​ប្រភព​បាន​បន្តទៀតថា រថយន្ត​យី​ឌុប​នេះ​បាន​រត់​លើ​ដងផ្លូវ​នេះ​ជាច្រើនលើក​ច្រើនសារ​មក​ហើយ មិនដែល​ឃើញ​សមត្ថកិច្ច និង​ជំនាញ ឃាត់​រថយន្ត​សួរនាំ​នោះទេ ទើបតែ​កើតមាន​ហេតុការណ៍​នេះ បានឃើញ​សមត្ថកិច្ច និង​ជំនាញ​ចុះទៅ​បង្ក្រាប ដោយ​ឃាត់​រថយន្ត​យី​ឌុប និង​ឈើ​គ្រឿងផ្ទះ​ខុសច្បាប់​នេះ ដើម្បី​យកមក​រក្សាទុក​នៅ​ខ័​ណ្ឌ​រដ្ឋបាល​ព្រៃឈើ​មណ្ឌលគិរី ចាត់ការ​ទៅតាម​ផ្លូវច្បាប់​។ ពាក់ព័ន្ធ​ទៅនឹង​រថយន្ត​យី​ឌុប​ដឹកឈើ​គ្រឿងផ្ទះ​នេះ​មិនមាន​ឯកសារ​ណាមួយ​បញ្ជាក់​ចេញពី​សមត្ថកិច្ច និង​ជំនាញ​ពាក់ព័ន្ធ​ឲ្យ​ដឹកឈើ​នោះទេ ទាល់តែ​ឃើញនឹងភ្នែក​ស្រស់ៗ​អ៊ីចឹង​ទើប​ធ្វើការ​បង្ក្រាប​។​

 

​ពាក់ព័ន្ធ​ទៅនឹង​ករណីនេះ ប្រជាពលរដ្ឋ​ចាំមើល​ចំណាត់ការ​របស់​សមត្ថ​កិច្ច និង​ជំនាញ តើ​ចាត់ការ​យ៉ាងណា​ទៅលើ​រថយន្ត​យី​ឌុប​មួយ​នេះ ដែល​បាន​ផ្ទុក​ឈើ​ខុសច្បាប់​នៅក្នុង​រថយន្ត​៕

29-9-2016 29-9-2016-1 29-9-2016-2 29-9-2016-3

 

Leave a Reply

(*) Required, Your email will not be published