ថៅកែ​ ទិញ​-​លក់​ គ្រឿងបន្លាស់​រថយន្ត​យីហោ ”​សំអឿន​” ត្រូវ​សមត្ថកិច្ច​ចាប់​បញ្ជូនទៅ​តុលាការ ពាក់ព័ន្ធ​ករណី​ឆបោក​

, , Leave a comment

​រាជធានី​ភ្នំពេញ : បុរស​អ្នករកស៊ី​លក់​គ្រឿងបន្លាស់​រថយន្ត​ម្នាក់​ត្រូវបាន​សមត្ថកិច្ច ចាប់ខ្លួន​ដោយ​ចោទប្រកាន់ថា​បាន​បោក​លុយ​គេ​ជិត​៧​លាន​ដុល្លារ​។ ការឃាត់ខ្លួន​នេះ​ធ្វើឡើង​កាលពី​រសៀល​ថ្ងៃទី​១៤ ខែកញ្ញា ឆ្នាំ​២០១៦ និង បញ្ជូន​ទៅកាន់​សាលាដំបូង​រាជធានី​ភ្នំពេញ ពាក់ព័ន្ធ​ពីបទ​ឆបោក​លើទឹក​ប្រាក់​ចំនួន​៦.២០០.០០០​ដុល្លារ និង​ចេញ​មូលប្បទានប័ត្រ​គ្មាន​សាច់ប្រាក់​៨០០.០០​ដុល្លារ​អាមេរិក​។​

15-9-2016-1

​ថៅកែ​ទិញ​-​លក់​គ្រឿងបន្លាស់​នោះ ឈ្មោះ អឿ អឿន ភេទ​ប្រុស អាយុ​៥៨​ឆ្នាំ អាសយដ្ឋាន​ស្នាក់​នៅផ្ទះ​យីហោ (​សំ អឿន​)​ទិញ​-​លក់​គ្រឿងបន្លាស់​រថយន្ត នៅ​មហាវិថី​កម្ពុជា ក្រោយ​សង្កាត់​មិត្តភាព ខណ្ឌ​៧​មករា រាជធានី​ភ្នំពេញ​។ ដើមបណ្ដឹង គឺ​លោក​មេធាវី សេង សុ​វី​ណា និង​លោក ហេ វ៉ាន់​ថន ជា​មេធាវី​តំណាង​ដោយ​អាណត្តិ​ឲ្យ​ក្រុមហ៊ុន​ចិន​មួយ​ឈ្មោះ SHAO JIANFAN រកស៊ី​នាំ​ឈើ​ចេញទៅ​ក្រៅប្រទេស​។​

 

​ទាក់ទិន​នឹង​ការឃាត់ខ្លួន​ថៅកែ​ទិញ​-​លក់​គ្រឿងបន្លាស់​រថយន្ត​ខាងលើនេះ ត្រូវបាន​លោក សេង សុ​វី​ណា មេធាវី​ការពារ​ឲ្យ​ដើមបណ្ដឹង​ប្រាប់​តាម​ទូរស័ព្ទ​ថា នៅ​ដើមឆ្នាំ​២០១៣ កូនក្តី​របស់លោក SHAO JIANFAN បាន​បោះទុន​រាប់សិប​លាន​ដុល្លារ​ឲ្យ​ទៅ​ឈ្មោះ អឿ អឿន ហៅ សំអឿន ប្រមូល​ទិញ​ឈើ​។​

 

​លោក​មេធាវី​បន្តថា កិច្ចព្រមព្រៀង កូនក្តី​របស់លោក​បាន​ដាក់ទុន​ចំនួន​៤០​លាន​ដុល្លារ​អាមេរិក ដើម្បី​ឲ្យ​ឈ្មោះ សំអឿន យកទៅ​ទិញ​ឈើ ប៉ុន្តែ​លុយ​នោះ​មិនបាន​ឲ្យ​ទៅ អឿ អឿន ទាំង​ដុល​ទេ​ឲ្យ​តាម​ដំណាក់កាល​។ ចុងក្រោយ​នេះ​នៅសល់​ទឹកប្រាក់​៦​លាន​២​សែន​ដុល្លារ​ទៀត ដែល​ឈ្មោះ សំអឿន មិនមាន​ឈើ​ឲ្យ​កូនក្តី​របស់លោក​ដោ​យស​ម្អា​ង​ថា រាជរដ្ឋាភិបាល​បាន​ផ្អាក​ការនាំ​ឈើ​មួយរយៈ ដូច្នោះ​ហើយ​បានកូន​ក្តី​លោក​ត្រូវការ​ទាមទារ​ប្រាក់​ជាង​៦​លាន​នោះ​មកវិញ​។ ឈ្មោះ សំ អឿន បានធ្វើ​លិខិត​២​លើក​ដោយ​សន្យាថា នឹង​ប្រគល់​ឈើ​ឲ្យ​កូនក្តី​លោក​ទៀត ស្មើនឹង​ទឹកប្រាក់​៦​លាន​២​សែន​ដុល្លារ បើសិន​មិនបាន​ឈើ​ទេ ឲ្យ​ពិន័យ​ទឹកប្រាក់​ចំនួន​៥​ម៉ឺន​ដុល្លារ​ពីលើ​នេះ​ទៀត​។​

 

​ដើម្បី​ធានា​លើ​កិច្ចសន្យា​មួយ​លើក​ជា​ពីរលើក​នៅតែ​មិនមាន​ឈើ​ឲ្យ​កូនក្តី និង​ដើម្បី​ផ្តល់​ការ​កក់ក្តៅ​ឲ្យ​កូនក្តី លោក​បាន​បង្ខំចិត្ត​ឲ្យ​ឈ្មោះ សំអឿន ចេញ​សែក​មួយ​សន្លឹក ដែលមាន​ទឹកប្រាក់​ចំនួន​៨​សែន​ដុល្លារ​អាមេរិក​។ លុះ​ពេល​យក​សែក​នោះ​ទៅ​បើកប្រាក់ ខាង​ធនាគារ​គេ​បញ្ជាក់ថា ជា​មូលប្បទានប័ត្រ​គ្មាន​សាច់ប្រាក់​ជា​(​សែក​ស្អុយ​) ទើបបាន​កូនក្តី​សម្រេចចិត្ត​ប្តឹង​ឈ្មោះ អឿ អឿន ពីបទ​ឆបោក និង​ចេញ​មូលប្បទានប័ត្រ​គ្មាន​សាច់ប្រាក់ រឿង​នឹង​ហើយ​បានជា​សមត្ថកិច្ច​ចាប់ខ្លួន​បញ្ជូនទៅ​កាន់​សាលា​រាជធានី​ភ្នំពេញ ដើម្បី​ដោះស្រាយ​តាមផ្លូវ​ច្បាប់​។​

 

​ក្រោយពេល​ចាប់ខ្លួន ជនសង្ស័យ​ត្រូវបាន​បញ្ជូនទៅ​ធ្វើការ​សាកសួ​រ​នៅ​នាយកដ្ឋាន​ព្រហ្មទណ្ឌ ក្រសួងមហាផ្ទៃ ដើម្បី​កសាង​សំណុំរឿង​បញ្ជូនទៅ​តុលាការ ។ ប៉ុន្តែ​ទោះបីជា​យ៉ាងណា សមត្ថកិច្ច​នៅ​មិនទាន់​ប្រាប់​ពី​ព័ត៌មាន​លំអិត​យ៉ាងណា​នៅឡើយ​ទេ​៕

15-9-2016

 

Leave a Reply

(*) Required, Your email will not be published