សម្លាប់​នាង​ចោល គ្រាន់តែ​សុំ​ស្នេហ៍​នាង​មិនបាន

, , Leave a comment

​ខេត្តកំពង់ស្ពឺ : បុរស​ជាជាង​រថយន្ត​ម្នាក់ ព្រោះតែ​ព្យាយាម​តាម​ស្រឡាញ់​នារី​ជាងកាត់ដេរ​មិនបាន ក៏​បែកគំនិត​ដ៏​អាក្រក់ ចាក់​ប្រហារ​ផ្ដាច់ផ្ដិល ជីវិត​ពេល​នាង​កំពុង​អង្គុយ​ដេរ បណ្ដាល​ឲ្យ​ស្លាប់​ក្នុង​ថ្លុកឈាម ហើយ​ចាក់​សម្លាប់​ខ្លួនឯង​តាម​ក្រោយ តែ​មិន​ស្លាប់​គ្រាន់តែ​ធ្លាយ​ពោះវៀន​ចេញមកក្រៅ​គួរ​ឲ្យ​ញាក់សាច់​តែប៉ុណ្ណោះ​។ ហេតុការណ៍​គួរ​ឲ្យ​ភ្ញាក់ផ្អើល​នេះ បាន​កើតឡើង​កាលពី​វេលា​ម៉ោង​៧​និង​៤៥​នាទី ព្រឹក​ថ្ងៃទី​២៨ ខែសីហា នៅ​ផ្សារ​ឧដុង្គ ស្រុក​ឧដុង្គ​។​

 

​នារី​រងគ្រោះ​ឈ្មោះ ណែម ច​ន្ឋូ អាយុ​២៤​ឆ្នាំ មុខរបរ​ជាងកាត់ដេ​រ មាន​ទីលំនៅ​ភូមិ​ឃ្លាំង​ប្រាំ ឃុំ​វាំង​ចាស់ ស្រុក​ឧដុង្គ​។ ចំណែក​បុរស​ដៃដល់​ដែល​តាម​សុំ​ស្នេហ៍​នាង​មិនបាន​ឈ្មោះ ស៊ឺ​ម ម៉ូត អាយុ​៣២​ឆ្នាំ មុខរបរ​ជាង​តោន និង​បាញ់ថ្នាំ​រថយន្ត មាន​ទីលំនៅ​ភូម​តា​ជាល ឃុំ​ព្រះ​ស្រែ ស្រុក​ឧដុង្គ​។​

 

​ប្រភពពី​សមត្ថកិច្ច​ដែល​ស្រង់​សំដី​ពី​សាក្សី​នៅ​កន្លែងកើតហេតុ​បាន​ឲ្យ​ដឹងថា «​មុនពេល​កើតហេតុ​នារី​រងគ្រោះ​កំពុងតែ​អង្គុយ​ដេរខោ​អាវ​នៅ​កន្លែង​កាត់ដេរ​របស់ខ្លួន ស្រាប់តែ​បុរស​ខក​ស្នេហ៍​នេះ បានមក​ចាប់​ក្រៀក​នាង ហើយ​ធ្វើ​សកម្មភាព​ចាក់​ប្រហារ​លើ​នាង​ជាច្រើន​កាំបិត បណ្តាល​ឲ្យ​ត្រដរខ្យល់​ដួល​ដេក​ក្នុង​ថ្លុកឈាម​យ៉ាង​អ​ណោ​ច​អធម៌​បំផុត ហើយក៏​ធ្វើអត្តឃាត​ដោយ​ចាក់​សម្លាប់​ខ្លួនឯង​វិញ បណ្តាល​ឲ្យ​ធ្លាយ​ពោះវៀន​ចេញមកក្រៅ ដួល​ដេក​គួរ​ឲ្យ​ញាក់សាច់​។ ក្រោយ​កើតហេតុ នារី​រងគ្រោះ​ត្រូវបាន​សាច់ញាតិ និង​អ្នកជិតខាង​បញ្ជូនទៅ​សង្គ្រោះ​ជីវិត តែ​អកុសល​នាង​បាន​ស្លាប់បាត់​បង់ជីវិត​ពាក់​កណ្តាលផ្លូវ​»​។​

 

​ប្រភពព័ត៌មាន​នានា នៅ​កន្លែងកើតហេតុ​បាន​បង្ហើប​ឲ្យ​ដឹង​ពី​មូលហេតុ​នៃ​ការសម្លាប់​នេះ​ថា ជនដៃដល់​បាន​តាម​សុំ​ស្នេហ៍​ពី​នារី​រងគ្រោះ​ច្រើន​ខែ​មកហើយ​តែ​នាង​មិន​ព្រម​។ គាប់​ជួន​បង​របស់​នារី​រង​គ្រោះ​មានបំណង​យក​ប្អូនស្រី​ទៅ​រស់នៅ​បរទេស ដែលជា​បំណង​មិន​ចង់​ឲ្យ​ជនដៃដល់​ចេះតែ​មក​ចង់​បង្កើត​ទំនាក់ទំនង​រំខាន​ជាមួយ​ប្អូនស្រី​។ មិនយូរប៉ុន្មាន​ដំណឹង​នេះ ក៏​ដឹង​ដល់​ជនដៃដល់ ធ្វើ​ឲ្យ​ជននេះ​មានការ​ខឹងសម្បារ​ជាខ្លាំង ហើយ​បាន​និយាយថា បើ​ខ្លួន​មិនបាន​នាង​ក៏​មិនអាច​បាន​ទៅ​បុរស​ណា​ផ្សេង​ដែរ ហើយ​បើ​បង​របស់​នាង​នៅតែមានៈ បំបែក​នាង​ចេញពី​ខ្លួន​ទៀត ជំរើស​ចុងក្រោយ​ខ្លួន​នឹង​សម្លាប់​នាង​មិន​ឲ្យ​មានជីវិត​ទេ ហើយក៏​សម្លាប់​ខ្លួនឯង​ឲ្យ​ស្លាប់​ជាមួយគ្នា​ដែរ​។​

 

​ការ​សច្ចា​ដែល​ធ្វើបែបនេះ ខ្លួនឯង​គ្រាន់តែ​ធ្លាយ​ពោះវៀន​មួយ​ទ្រេល​មក​ក្រៅ​ប៉ុណ្ណោះ ត្រូវ​សមត្ថកិច្ច​បញ្ជូន​តាមរ​ថ​យន្ត​សង្គ្រោះ ដើម្បី​បញ្ជូនបន្ត​នៅ​មន្ទីរពេទ្យ​ក្រុងភ្នំពេញ​ព្យាបាល​របួស មុននឹង​ចាត់វិធានការ​ច្បាប់​តាម​ក្រោយ​។​

 

​ទាក់ទង​នឹង​ករណី​នេះដែរ បើទោះជា​មានការ​លើកឡើង​បែបនេះ​ក្តី ក៏​មិនទាន់​អាច​សន្និដ្ឋានថា ជា​រឿង​ពិត​ឡើយ ព្រោះ​ពុំមាន​ក្រុមគ្រួសារ​នារី​រងគ្រោះ​ណា​ម្នាក់ ចេញមុខ​មក​អះអាង​ទេ គ្រាន់តែ​ជាការ​លើកឡើង​របស់​អ្នក​នៅក្បែរ​កន្លែង​នារី​រងគ្រោះ​និយាយ​តៗ​គ្នា​តែប៉ុណ្ណោះ​៕

30-8-2016 30-8-2016 (3) 30-8-2016 (2) 30-8-2016 (1)

 

Leave a Reply

(*) Required, Your email will not be published