ព្រោះតែ​វប្បធម៌​អន្តរាគមន៍ និង​អំពើ​ពុក​ស៊ី​រូង​ផ្ទៃក្នុង​ ធ្វើ​រថយន្ត​ធុន​ធំ​ចូល​ក្រុង​ទាំង​ថ្ងៃ ដើម្បី​បំបាក់​កិត្តិយស​របស់លោក ប៉ា សុជាតិ​វង្ស

, , Leave a comment

​រាជធានី​ភ្នំពេញ : គេ​សង្កេតឃើញ​រថយន្ត​ធុន​ធំ​គ្រប់​ប្រភេទ ជាក់ស្តែង​រថយន្ត​ដឹក​ថ្ម ដឹក ខ្សាច់ រថយន្ត​ដឹក​ដែក និង​រថយន្ត​ដឹក​សម្ភារ​ផ្សេងៗ បាន​សម្រុក​បើក​ចូល​ក្រុង​ដោយ គ្មាន​ញញើត​នឹង​អាជ្ញាធរ​បន្តិច​ឡើយ​ដោយ​មិន​គោរព​តាម​គោលការណ៍​ពេលវេលា​កំណត់​ទេ​។ ពោលគឺ​បើកបរ​ចូល​ក្រុង​ទាំងយប់​ទាំង​ថ្ងៃ​បង្ក​ផលប៉ះពាល់​ច្រើន​ដល់​ការធ្វើដំណើរ​បស់​ប្រជាពលរដ្ឋ ជាពិសេស​បង្ក ឲ្យ​កកស្ទះ​ចរាចរ​តែម្តង​។​

22-6-2016

​ជា​រៀងរាល់ថ្ងៃ​កំណាត់​ផ្លូវ​ជាច្រើន​ជុំវិញ ក្រុងភ្នំពេញ​ត្រូវបាន​កកស្ទះ​ចរាចរ​ដោយសារតែ​បញ្ហា​រថយន្ត​ធុន​ធំ​បើក​ឆ្លងកាត់​ជាក់ ស្តែង​កំណាត់​ផ្លូវជាតិ​មួយចំនួន​ដូចជា​ផ្លូវជាតិ​លេខ​១ ខណ្ឌ​ច្បារអំពៅ ផ្លូវជាតិ​លេខ​២ ខណ្ឌមានជ័យ ផ្លូវ​២១៧ ហៅ​ផ្លូវ​ចម្ការ ដូង ខណ្ឌដង្កោ ផ្លូវជាតិ​លេខ​៣ និង​ផ្លូវជាតិ លេខ​៤ ខណ្ឌ​ពោធិ៍​សែន​ជ័យ ផ្លូវជាតិ​លេខ ៥ ខណ្ឌ​ព្រែក​ព្នៅ និង​ខណ្ឌ​ប្ញ​ស្សី​កែវ និង​ផ្លូវ ជាតិ​លេខ​៦ ខណ្ឌ​ជ្រោយចង្វា គឺ​ប្រឈម នឹង​បញ្ហា​ស្ទះ​ចរាចរ​យ៉ាងខ្លាំង​ដោយសារ​រថយន្ត​ធុន​ធំ​ប្រជ្រៀត​គ្នា​សម្រុកចូល​ក្រុង​។​

 

​គួរ​បញ្ជាក់ថា កន្លងមក​លោក ប៉ា សុជាតិ វង្ស អភិបាល​រាជធានី​ភ្នំពេញ​បានដាក់​បទបញ្ជា​តឹងរឹង​តាម​បណ្តា​ខណ្ឌ​ទាំង​១២​ក្នុង រាជធានី​ភ្នំពេញ ត្រូវ​ហាមឃាត់​រថយន្ត​ធុន​ធំ​មិន​ឲ្យ​បើក​ឆ្លងកាត់​ក្រុងភ្នំពេញ​នៅពេល​ថ្ងៃ​ឡើយ ប៉ុន្តែ​មួយរយៈ​ពេល​ថ្មីៗ​នេះ​បទបញ្ជា​របស់លោក​អភិបាល​រាជធានី​ភ្នំពេញ​មិនដឹងថា លោក​អភិបាលខណ្ឌ​ទាំង​១២ យក​ទុក​នៅ​កន្លែង​ណា​ទេ​។ ព្រោះ​សព្វថ្ងៃ​បាន​បណ្តែតបណ្តោយ​ឲ្យ​រថយន្ត​ធុន​ធំ​រថយន្ត​ទំនិញ​លើស​ចំណុះ​រថយន្ត​ដឹក​ខ្សាច់​ហូរហៀរ​ប្រឡាក់​ផ្លូវ​បើក​ឆ្លងកាត់​ក្រុង​បង្កក​ឲ្យ​កកស្ទះ​ចរាចរ​រៀងរាល់ថ្ងៃ​ធ្វើ​ឲ្យ​បាត់ បង់​សណ្តាប់ធ្នាប់​សាធ​រណៈ​ផងដែរ​។​

22-6-2016 (1)

​ជុំវិញ​បញ្ហា​ខាងលើនេះ ប្រជាពលរដ្ឋ ស្នើ​ឲ្យ​លោក​អភិបាល​រាជធានី​ភ្នំពេញ មេត្តាជួយ​ពង្រឹង​បញ្ហា​នេះ​ឡើងវិញ​ផង ព្រោះ​ពួកគាត់​ពិបាក​ធ្វើដំណើរ​ខ្លាំងណាស់ ស្ទះ​ចរាចរ​ទៅធ្វើ​ការងារ​មិនទាន់ ចំណែក​សិស្សានុសិស្ស​ខាត​ពេលវេលា​រៀនសូត្រ​ព្រោះតែ​ទៅ​យឺត​ពេល​ដោយសារ​ស្ទះផ្លូវ​។​

 

​តាម​ការរិះគន់​ពី​មជ្ឈដ្ឋាន​ទូទៅ​ចំពោះ​បញ្ហា​ខាងលើនេះ គឺ​គ្រប់​ច្រក​ចូលមកក្នុង​ក្រុង សុទ្ធ​តែមាន​សមត្ថកិច្ច​ដាក់​គោលដៅ​ត្រួតពិនិត្យ​លើក​យានជំនិះ​គ្រប់​ប្រភេទ ប៉ុន្តែ​មូលហេតុ​អ្វី​បានជា​រថយន្ត​ធុន​យក្ស​នៅតែ​ឆ្លងកាត់​បើក​ចូល​ក្រុង​បាន​យ៉ាង​រលូន ស្ទើ​តែ​ដល់​គោលដៅ​ត្រួតពិនិត្យ​របស់​សមត្ថកិច្ច ឬ​បើក​ឆ្លងកាត់​ទៀតផង​។​

 

​តើ​មកពី​ម្ចាស់​រថយន្ត​ធុន​យក្ស​បង់​លាភ​សក្ការ ជូន​អស់លោក​សមត្ថកិច្ច​ទើបបាន​អាច​ឆ្លងកាត់​ស្រួល​បែបនេះ​? ឬក៏​រថយន្ត​ធុន​ធំ​ដឹក​ដី ដឹក​ខ្សាច់ ដឹក​ថ្ម ដឹក​ដែក និង​ទំនិញ​ផ្សេង មាន​សែស្រឡាយ​ជា​មន្ត្រី​ធំៗ និង​មានបុណ្យ​សក្តិ​ខ្ពង់ខ្ពស់​បានជា​សមត្ថកិច្ច​មិន​ហ៊ាន​ឃាត់​? ហើយនឹង​បន្ត​រង់​ចាំមើល​តើ​លោក​អភិបាល​រាជធានី​ភ្នំពេញ​វិធានការ​បែបណា​ចំពោះ​បញ្ហា​ទាំងនេះ ឬក៏​អនុវត្ត​តែ​វិធានការ​វែក​ចក​ដ​ដែ​ទេ​ដឹង​៕

22-6-2016 (2)

 

Leave a Reply

(*) Required, Your email will not be published