ឧទ្យាន​ជាតិ​ភ្នំ​គូលែន​

, , Leave a comment

Top

​ឧទ្យាន​ជាតិ​ភ្នំ​គូលែន ស្ថិតនៅ​ប៉ែក​ខាងជើង​ឆៀង​ខាងកើត​ទីរួមខេត្ដ​សៀមរាប​មាន​ចម្ងាយ​៥៣​គីឡូម៉ែត្រ​ពី​ទីរួមខេត្ដ ភ្នំ​នេះ​មាន​រយៈកម្ពស់​៤៩២​ម៉ែត្រ គេ​អាច​ឡើង​ទៅលើ​ភ្នំ បាន​យ៉ាង​ងាយ​តាម​រថយន្ដ ឬ​ថ្មើរជើង​ពេលទៅដល់​ជើងភ្នំ យើង​សង្កេតឃើញ​ផ្ទាំង​ថ្ម​ធំ ហាក់ដូចជា​ជញ្ជាំង​នៃ​នាវា​ដ៏​ធំ​មួយ នៅ​កណ្ដាល​ទី​ស្មសាន រំលេច​ដោយ​សម្រស់​ស្រស់ត្រកាល និង​បង្កប់​នូវ​អាថ៌កំបាំង​ដ៏​សន្ធឹកសន្ធាប់​នា​អតីតកាល​សម័យអង្គរ ដែលជា​រមណីយដ្ឋាន​មួយ​ក្នុងចំណោម រមណីយដ្ឋាន​ជាច្រើន​នៅ​ខេត្ដ​សៀមរាប​។​
1
​ជួរ​ភ្នំ​នេះ​ចែកជា​ពីរ ៖
– ប៉ែក​ខាងកើត​និង​ខាងត្បូង​ហៅថា ភ្នំ​គូលែន​។​
– ប៉ែក​ខាងជើង និង ខាងលិច​ហៅថា ភ្នំ​ហប់​។​
​រមណីយដ្ឋាន​ភ្នំ​គូលែន ស្ថិតនៅ​ឃុំ​ខ្នងភ្នំ ស្រុក​ស្វាយ​លើ ខេត្ដ​សៀមរាប​។​

 

2
​ប​ច្នុ​ប្បន្នដោយ​ប្រទេសជាតិ​ទទួលបាន​នូវ សន្ដិភាព ស្ថេរភាព និង​សន្ដិសុខ​គ្រប់គ្រាន់ ហើយ​នោះ រមណីយដ្ឋាន​ភ្នំ​គូលែន​បានទទួល​ស្វាគមន៍​ភ្ញៀវទេសចរ​ជាតិ និង​អន្ដរជាតិ​យ៉ាងច្រើន ជា​រៀងរាល់ថ្ងៃ និង​មាន​ប្រជាពលរដ្ឋ​មកពី​ទីជិត​ទី​ឆ្ងាយៗ តាំង​លំនៅឋាន​ប្រកប​អាជីវកម្ម កសិកម្ម យ៉ាងច្រើន​កុះករ​។​

 

3
​ភ្នំ​គូលែន​មាន​រមណីយដ្ឋាន​ធម្មជាតិ និង​ប្រ​វ​ត្ដិ​សាស្ដ្រ ជាច្រើន​ដូចជា តំបន់​ទឹកធ្លាក់ ព្រះអង្គ​ធំ វាល​ស្ដេច​លំ​គង់ វាល​ព្រះ​សព ព្រះ​ក្រាល សំពៅ​ធា្ល​យ និង​មាន​ប្រាសាទតូចៗ ធ្វើ​អំពី​ឥដ្ឋ​ជាច្រើន​ទៀត​ដែលជា​កេ​រិ៍្ដ​តំណែល​ស្នា​ព្រះហស្ដ​ព្រះបាទ​ជ័យ​វរ​ន្ម័​ទី​២​បាន​កសាងឡើង​។​

 

Phnom Kulen
​តំបន់ភ្នំ​គូលែន​មិន​ត្រឹមតែ​ជា​តំបន់​ទេសចរ តែប៉ុណ្ណោះ​ទេ​គឺជា​តំបន់កសិកម្ម​ដី​មាន​ជីវជាតិ​អាច​ដាំ​ដំណាំ​បាន​គ្រប់​ប្រភេទ​ដូចជា ចេក ខ្នុរ ដំឡូង ត្រាវ​។​ល​។ ប្រកបដោយ​ផលិតផល​ខ្ពស់​។ ក្នុងភូមិ​សាស្ដ្រ​តំបន់ភ្នំ​គូលែន​នៅមាន​ប្រាសាទ​ជាច្រើន​ទៀត​ជា ប្រាសាទតូចៗ ធ្វើ​អំពី​ឥដ្ឋ​ព្រោះ​ទីនោះ​នា​អតីតកាល​មាន​ស្ដេច​មួយអង្គ ព្រះនាម​ជ័យ​វរ​ន្ម័​ទី​២ បាន​នៅ​តាំង​ធានី​នៅ​ហើយ​បាន​បន្សល់ទុក​កេរ្ដិ៍តំណែល ដ៏​ច្រើន​រហូតមកដល់​សព្វថ្ងៃ​។​

 

Камбоджа_ПномКулен_Phnom Kulen
​រមណី​ដ្ឋា​ន​ធម្មជាតិ​ប្រកបដោយ​កេរ្ដិ៍តំណែល ដ៏​ត្រកាល​នេះ​បាន​ទាក់ទាញ និង​ប្រែក្លាយជា​តំបន់​ទេសចរ​ណ៏​មួយ​ដ៏​ប្រណីត​របស់​ខេត្ដ​សៀមរាប​។ ដោយហេតុថា ភ្នំ​នេះ​សម្បូរ​ដោយ​ដើម​គូលែន នោះ​ទើប​ភ្នំ​នេះ​គេ​ឲ្យ​ឈ្មោះថា “​ភ្នំ​គូលែន​៕​

 

Leave a Reply

(*) Required, Your email will not be published