រថយន្ត​កុងតឺន័រ​បុក​ម៉ូតូ របួសធ្ងន់​២​នាក់ ធ្លាយ​ចេញ​កូនក្រក​មួយ​

, , Leave a comment

17-12-2015 (3)17-12-2015 (4)

រាជធានី​ភ្នំពេញ : បុរស​២​នាក់​បាន​រងរបួស​ធ្ងន់​ត្រូវបញ្ជូន​ទៅកាន់​មន្ទីរពេទ្យ​លោក ដើម្បី​សង្គ្រោះ​បន្ទាប់ពី​បើកបរ​ម៉ូតូ​ជួប​គ្រោះថ្នាក់​ចរាចរណ៍​ត្រូវ​រថយន្ត​កុងតឺន័រ​បើក កៀរ​នៅ​ចំណុច​រោងចក្រ​ប៊ឺ​រី​។ ហេតុ​កាណ៍​នេះ​បាន​កើតឡើង​កាលពី​វេលា​ម៉ោង​៨​និង​៣០​នាទី​យប់​ថ្ងៃទី​១៦ ខែធ្នូ ឆ្នាំ​២០១៥ នៅលើ​ផ្លូវ​អូរ​ដឹ​មក​ប់​ស្រូវ មុខ​រោងចក្រ​ប៊ឺ​រី ស្ថិតក្នុង​ភូមិ​ជម្ពូ​វ័ន សង្កាត់​ចោមចៅ ខណ្ឌ​ពោធិ​សែន​ជ័យ​។ ក្រោយ​ហេតុការណ៍​គ្រោះថ្នាក់​នេះ​ភ្លាមៗ ផងដែរ គេ​បាន​ប្រទះឃើញ​កូនក្រក​មួយ​(​មាននៅ​ប្រឡាក់​ឈាម​) ស្ថិត​នៅក្បែរ​បុរសរងគ្រោះ​ដែល​សមត្ថកិច្ច​សង្ស័យថា ជា​របស់​បុរសរងគ្រោះ​ទាំងពីរ​នាក់​នោះ​។​

 

​ប្រភពព័ត៌មាន​ពី​កន្លែងកើតហេតុ​បាន​សារព័ត៌​មានកំណើត​ថ្មី​ដឹងថា នៅមុន​ពេល​កើត​គេ​ឃើញ​បុរស​២​នាក់​ជិះ​ម៉ូតូ​មួយគ្រឿង ម៉ាក​ស្មាស់​វី​រី​វ៉ូ ពណ៌​ខ្មៅ ពាក់​ស្លាក​លេខ​កំពត​1G-0130 ជិះ​តាម បណ្តោយ​ផ្លូវ​អូរ​ដឹ​ម​ស្រូវ ទិសដៅ​ពី​ត្បូង​ទៅ​ជើង ក្នុង​ល្បឿន​លឿន​។ លុះ​ជិះ​មកដល់​ចំណុចកើតហេតុ​ក៏មាន​រថយន្ត​កុងតឺន័រ​ម៉ាក ហ៊ី​យាន់​ដាយ​ក្បាល​ពណ៌​ទឹកប៊ិច​១​គ្រឿង​ពាក់​ស្លាក​លេខ​ភ្នំពេញ​3B-4156 បើក​ចេញពី​ផ្លូវលំ ទល់មុខ​រោងចក្រ​ប៊ឺ​រី ឆ្លងផ្លូវ​បេតុង​បាន​បន្តិច​ក៏​ទៅបុក​ចំ​ម៉ូតូ បុរស​ទាំង​២​នាក់ បណ្តាល​ឲ្យ​ដួល​បោក​ក្បាល​ទៅ​ថ្នល់​ហូរឈាម​សន្លប់​ស្តូកស្តឹង ហើយ​នៅក្បែរ​ខ្លួន​បុរសរងគ្រោះ​ទាំង​២​នាក់​គេ​ឃើញ​មាន​ទារិកា អាយុ​ប្រហែល​៣​ខែ ខ្ចប់​កន្សែងស​ច្រក​ក្នុង​ថង់​ធ្វើ​ឲ្យ​ប្រជាពលរដ្ឋ​ដែល​ចោមរោម​មើល​ហេតុ​មានការ​ងើយ​ឆ្ងល់​គ្រប់ៗ​គ្នា​។ ជនរងគ្រោះ​ទាំង​២​នាក់​នៅ​មិនទាន់​គេ​ស្គាល់​អត្តសញ្ញាណ​នៅឡើយ​ទេ​។​

 

​បើតាម​សម្តី​ស្ត្រី​២​នាក់​ដែល​ស្គាល់​ជនរងគ្រោះ​បាន​ប្រាប់​ឲ្យ​ដឹងថា ជនរងគ្រោះ​ម្នាក់​មាន​ប្រពន្ធ​ហើយ​មាន​ផ្ទៃពោះ​៦​ខែ និង​ជនរងគ្រោះ​ម្នាក់ទៀត​មាន​សង្សារ​ជា​នារី​បម្រើការ​ក្នុង​ក្លឹប​កម្សាន្ត​ម្នាក់​ហើយ​សង្ស័យ ថា​មាន​ផ្ទៃពោះ​៣​ទៅ​៤​ខែ ហើយ​ទារិកា​នេះ​ប្រហែលជា​កូន​របស់​ជនរងគ្រោះ​ជា​មួយ​សង្សារ ដែល​ទើប​និង​លេបថ្នាំ​ទម្លាក់ ហើយ​ប្រហែលជា​ចង់​យកទៅ​បោះចោល ពីព្រោះ​ជនរងគ្រោះ និង​សង្សារ​រួម និង​ស្ត្រី​នាក់​ដែល​រៀបរាប់​ប្រាប់​ជា​អ្នក​ជួល​បន្ទប់​ក្បែរ​គ្នា​។ តែ​ពេល​ជិះ​ម៉ូតូ​មកដល់​ទីនេះ​ក៏​ជួប​គ្រោះថ្នាក់​ចរចរ​បែបនេះ​តែម្តង​។ ភ្លាម​រថយន្ត​បង្ករ​និង​តៃកុង​ត្រូវបាន​សន្តិសុខ​នៅក្បែរនោះ​ដេញចាប់បាន ប្រគល់​ឲ្យ​សមត្ថកិច្ច​។​

 

​ក្រោយពេល​កើតហេតុ​រថយន្ត​ក្លីនិក​ឯកជន គីម សុង ដែល​តែង​លោតឆ័ត្រ​ចេញទៅ​ដឹក​ជនរងគ្រោះ​យកទៅ​សង្គ្រោះ ហើយ​សមត្ថកិច្ច​ជំនាញ​ចរាចរ​ក្រុង បានធ្វើការ​វាស់​វេ​ង​នាំយក​ម៉ូតូ និង​រថយន្ត​បង្ករ​ទៅ​ទុក​នៅ​ការិយាល័យ​ចរាចរ​ផ្លូវគោក​នៃ​ស្នងការ​នគរបាល​រាជធានី​ភ្នំពេញ​ដើម្បី​រង់ចាំ​ការដោះស្រាយ​៕

 

17-12-2015 17-12-2015 (1) 17-12-2015 (2) 17-12-2015 (5)

​អត្ថបទ និង​រូបភាព ៖ បណ្តាញ​សង្គម TVFB

 

Leave a Reply

(*) Required, Your email will not be published