សមត្ថកិច្ច​អាវុធហត្ថ​ឃាត់ខ្លួន​ចោរលួច​រថយន្ត​ម្នាក់​នៅ​ជិត​ណាហ្គា​

, , Leave a comment

16-12-2015 (1)

​រាជធានី​ភ្នំពេញ : កម្លាំង​កងរាជអាវុធហត្ថ​ខណ្ឌដូនពេញ បានធ្វើការ​ស្រាវជ្រាវ រហូត​ឈានទៅដល់​ការចាប់ខ្លួន ចោរ​ម្នាក់​ដែល​បាន​លួច​រថយន្ត​ម៉ាក Range Rover នៅ​ខាងក្រោយ​ណាហ្គា ក្នុង​សង្កាត់​ទន្លេបាសាក់ ខណ្ឌចំការមន​។ ក្រោយពី​ជនសង្ស័យ​រូបនេះ បានធ្វើ​សកម្មភាព​លួច កាលពី​ថ្ងៃទី​២៤ ខែ​វិ​ច្ចកា ឆ្នាំ​២០១៥ កន្លងទៅ​នៅ​ចំណុច ហាង​ម៉ាស្សា​ឡាក់​គី សង្កាត់​បឹងរាំង ខណ្ឌដូនពេញ​។​

 

​មន្ត្រី​អាវុធហត្ថ​ខណ្ឌដូនពេញ បាន​ប្រាប់​ឲ្យ​ដឹង​ជនសង្ស័យ​ឈ្មោះ ហេង ថៃ អាយុ​២៥​ឆ្នាំ មុខរបរ​មិន​ពិតប្រាកដ ស្នាក់​នៅផ្ទះ​លេខ​១៩៨ ខណ្ឌ​៧​មករា ត្រូវបាន​ចាប់ខ្លួន​កាលពី​ល្ងាច​ថ្ងៃទី​១៥​ខែធ្នូ​។ ក្រោយ​ចាប់ខ្លួន​កម្លាំង​អាវុធហត្ថ​បាន​ដកហូត​រថយន្ត​មួយគ្រឿង​ម៉ាក Range Rover ពណ៌​ប្រផេះ ពាក់​ស្លាក​លេខ​ភ្នំពេញ 2AD-2622 របស់​ជនរងគ្រោះ​។​

 

​បច្ចុប្បន្ន​ជនសង្ស័យ​រូបនេះ ត្រូវបាន​យកទៅ នៅ​ទីបញ្ជាការដ្ឋាន​អាវុធហត្ថ​ខណ្ឌដូនពេញ ដើម្បី​ធ្វើការ​សាកសួរ​បន្ថែម​ចាត់វិធានការ​តាម​នីតិវិធី​ច្បាប់​៕

16-12-2015

 

Leave a Reply

(*) Required, Your email will not be published