ដើមទ្រូង​ធំ​ប្រឈម​ការកើត​មហារីក​សុដន់

, , Leave a comment

15-12-2015 (1)

យោងតាម​សារព័ត៌មាន​បរទេស កាលពីពេល​ថ្មីៗ​នេះ បានបង្ហាញ​ពី​លទ្ធផល​ស្រាវជ្រាវ​ចុងក្រោយ ឃើញថា​ស្ត្រី​ដែលមាន​ដើមទ្រូង​ធំ​ប្រឈមមុខ​នឹង​ការកើត​មហារីក សុដន់ ច្រើនជាង​ស្ត្រី​មាន​ដើមទ្រូង​តូច ។ អ្នកវិទ្យាសាស្ត្រ​បញ្ជាក់ថា អ័រម៉ូន​«​អេ​ស្ត្រូ​ហ្សែ​ន​»(Estrogen)​របស់​ស្ត្រី​អាចជា​សារធាតុ​ជំរុញ ឱ្យ​ក្រពេញ​ទឹកដោះ​រីក និង​បង្ក​ឱ្យ​ដុះ​សាច់ ។​

 

​លទ្ធផល​ស្រាវ ជ្រាវ​នោះ ក្រុម​អ្នកវិទ្យាសាស្ត្រ​ដែល​ផ្អែកលើ​ការសិក្សា​ស្រាវជ្រាវ​ពី​ស្ត្រី ស្ម័គ្រចិត្ត​ចំនួន​១៦.០០០​នាក់​ដោយមាន​ទំហំ​ដើមទ្រូង​ពី​តូច​ជាង​AAA រហូតដល់​ធំ​ជាង​DDD​ឃើញថា ៧​កត្តា​នៃ​តំណពូជ​មាន​ចំណែក​សំខាន់​ដល់​ទំហំ​ដើមទ្រូង អាចពាក់ព័ន្ធ​នឹង​ការកើត​មហារីក​សុដន់ ។​

 

​កាលពីមុន​មាន​លទ្ធផល ស្រាវជ្រាវ​មួយ​បញ្ជាក់ ឱ្យដឹងថា ក្រុម​ស្ត្រី​វ័យ​ជំទង់​ដែលមាន​ដើមទ្រូង​ធំ​ក៏មាន​ចំណែក​អាច​កើត មហារីក​សុដន់​ដែរ ប៉ុន្តែ​សម្តៅលើ​ក្រុម​ស្ត្រី​មាន​ដងខ្លួន​ស្គម ។ ការស្រាវជ្រាវ​នោះបាន​ពី​ការប្រមែប្រមូល​ស្ថិតិ​ទំហំ​ដើមទ្រូង ដោយយោង​ទៅតាម​អាយុ ផ្នែក​តំណពូជ ជីវប្រវត្តិ​ការ​មានគភ៌ និង​បំបៅ​ដោះ​កូន ៕

15-12-2015

 

Leave a Reply

(*) Required, Your email will not be published