មូលហេតុ​អ្វីខ្លះ​ដែល​បណ្តាល​ឲ្យ​មនុស្ស​សម្រេចចិត្ត​ធ្វើអត្តឃាត​

, , Leave a comment

10-12-2015 (1)

​គួរ​យល់ដឹង : មិន​ថា តែ​នៅក្នុង​ប្រទេស​កម្ពុជា​ទេ នៅ​បណ្តា​ប្រទេស​ជឿនលឿន​នានា ក្តី​ការធ្វើអត្តឃាត​តែងតែ​កើតមាន​។ សម្រាប់​ប្រទេស​កម្ពុជា វិញ សារព័ត៌មាន​មួយចំនួន​បាន​ចុះផ្សាយ​យ៉ាងច្រើន​អំពី​ការធ្វើអត្តឃាត​នេះ​។ មាន​មនុស្ស មួយចំនួន​សម្រេច​បញ្ច​ប់​ជីវិត​របស់ខ្លួន​ដោយ ការធ្វើអត្តឃាត អ្នកខ្លះ​ក៏​ធ្វើបាន​សម្រេច អ្នក​ខ្លះទៀត​ត្រូវបាន​សង្គ្រោះ​ទាន់ពេលវេលា ។ តើ​មូល​ហេតុអ្វី ទើប​ជំរុញ​ឲ្យ​មានការ​ធ្វើអត្តឃាត​? ថ្ងៃនេះ​សារព័ត៌​មានកំណើត​ថ្មី នឹង​បង្ហាញ​លោកអ្នក​ដែលជា​ប្រិយមិត្ត​តាមដាន និង​ស្វែងយល់​ទាំងអស់គ្នា ដូចខាងក្រោម ៖

 

+​មូលហេតុ​ធ្វើអត្តឃាត​
១-​ជំងឺផ្លូវចិត្ត : គេ​ច្រើន​ឃើញ​បុគ្គល ជំងឺផ្លូវចិត្ត​មួយចំនួន​ធ្វើអត្តឃាត ដូចជា​អ្នក មាន​ជំងឺ​ធ្លាក់​ទឹកចិត្ត ជំងឺ​វិកលចរិត​ជាដើម​។ លោកអ្នក​អាច​ឈ្វេងយល់​ពី​ជំងឺផ្លូវចិត្ត​ទាំងនេះ​។​
២-​ជំងឺ​ផ្លូវកាយ​រ៉ាំរ៉ៃ : បុគ្គល​ដែលមាន ជំងឺ​ផ្លូវកាយ​រ៉ាំរ៉ៃ ដូចជា​អ្នក​ជំងឺរបេង អ្នកជំងឺ​អេដស៍ អ្នកជំងឺ​មហារីក​ជាដើម​។ អ្នកជំងឺ​ទាំង នោះ​អាច​ប៉ុនប៉ង​ធ្វើអត្តឃាត​ដោយសារ​គាត់ មិនអាច​ទ្រាំ​បាន​នឹង​សភាព​ជំងឺ​ដែល​ធ្ងន់ធ្ងរ​។​
៣-​ការប្រើ​គ្រឿងញៀន ឬ​គ្រឿង​ស្រវឹង :  ការសេព​គ្រឿងញៀន និង​គ្រឿង​ស្រវឹង​នានា​ក៏ អាចជា​កត្តា​ងាយ​ធ្វើ​ឲ្យ​បុគ្គល​នោះ​ឈានទៅរក​ការធ្វើអត្តឃាត​ផងដែរ​។ កត្តា​សេព​គ្រឿងញៀន​ខ្លះ​អាច​បណ្តាលមកពី​បុគ្គល​នោះ មាន​ជំងឺផ្លូវចិត្ត​រួចស្រេច​ទៅហើយ​ដូចជា​ជំងឺ​ធ្លាក់​ទឹកចិត្ត ជាដើម​ដែល​ធ្វើ​ឲ្យ​គាត់​ងាយ​ទៅរក​ការប្រើប្រាស់​គ្រឿងញៀន ឬ​គ្រឿង​ស្រវឹង​។​
៤-​ការ​មានប្រតិកម្ម​ជាមួយ​ព្រឹត្តិការណ៍​ជុំវិញខ្លួន : ការរស់នៅ​មិន​ចុះសម្រុង​គ្នា ការបង្ខិតបង្ខំ ការខកចិត្ត​ខាតបង់​ប្រាក់កាស ក្នុង​កិច្ចការ រកស៊ី បាត់បង់​តំណែង និង​បាត់បង់​មនុស្ស​ជា ទីស្រឡាញ់​ជា​កត្តា​ដែល​នាំ​ឲ្យ​បុគ្គល​មិន​សប្បាយចិត្ត និង​ជំរុញ​ឲ្យ​មានការ​ធ្វើអត្តឃាត​។ តាម​ការប៉ាន់ស្មាន​អ្នកធ្វើ​អត្តឃាត​ច្រើនតែ​ជា​វ័យ​ជំទង់ ស្ត្រី​ធ្វើអត្តឃាត​ច្រើនជាង​បុរស​។​
​ផ្ទុយទៅវិញ​ចំពោះ​មនុស្ស​វ័យ​ចំណាស់ គេ​សង្កេតឃើញ​មាន​បុរស​ធ្វើអត្តឃាត​ច្រើនជាង​ស្ត្រី​។ ប៉ុន្តែ​ការប៉ុនប៉ង​របស់​មនុស្ស​ប្រុស​ច្រើន​មាន​លក្ខណៈ​សាហាវ និង​ច្រើនតែ​ធ្វើអត្តឃាត​បានសម្រេច​ជាង​មនុស្ស​ស្រី​ក្រោមរូបភាព​ជា ការ​អា​រក​បាញ់សម្លាប់​ខ្លួនឯង​ជាដើម​។​

 

+​ផលវិបាក​នៃ​ការធ្វើអត្តឃាត​
​សម្រាប់​បុគ្គល​ដែល​ធ្វើអត្តឃាត​មិនបាន​សម្រេច​នោះ មិនមែនជា​បញ្ហា​ចោទ​ឡើយ ។ ប៉ុន្តែ​ប្រសិនបើ​បុគ្គល​នោះ​ធ្វើអត្តឃាត​បានសម្រេច​វិញ ផលវិបាក​យ៉ាង​ធំធេង​នឹង​កើតមានឡើង ជាពិសេស​លើ​ក្រុមគ្រួសារ​របស់​បុគ្គល​នោះ​ផ្ទាល់​តែម្តង​។ ព្រោះថា ការបាត់បង់​សមាជិកគ្រួសារ​ណា​ម្នាក់​នឹងធ្វើ​ឲ្យ​មានការ​ប៉ះទង្គិច​ផ្លូវចិត្ត​យ៉ាងខ្លាំង​។​

 

​អ្នក​ទាំងនោះ​អាចឈាន​ទៅ​កើត​ជំងឺ​ធ្លាក់​ទឹកចិត្ត ការសម្លាប់​ខ្លួន ដូច​ដែលមាន​អ្នកនោះ​ជា​គំរូ​ស្រាប់​។ ម្យ៉ាងវិញទៀត ប្រសិនបើ​បុគ្គល​ដែល​ធ្វើអត្តឃាត​នោះ​ជា​បុគ្គល​ជំហរ​នៅក្នុង​គ្រួសារ​ទៀត​នោះ នាំ​ឲ្យ​បញ្ហា រឹតតែ​ធ្ងន់ធ្ងរ​ឡើង​។ កូនៗ​អាច​កំព្រា​រស់នៅ​មិនមាន​ភាពកក់ក្តៅ​រង​នូវ​បញ្ហា​ផ្លូវចិត្ត​ធ្ងន់ធ្ងរ​ប៉ះពាល់​ដល់​សតិបញ្ញា​ស្មារតី​របស់គេ​។ លើសពីនេះទៅទៀត កូនកំព្រា​ក្លាយជា​បញ្ហា​ដ៏​ធំ​សម្រាប់​សង្គមជាតិ និង​កិត្យានុភាព​របស់​ប្រទេសជាតិ​ផងដែរ​។ តើ​សង្គមជាតិ​ត្រូវ​ដោះ ស្រាយ​យ៉ាងណា​?

 

+​វិធានការ​ដោះស្រាយ​ទប់ទល់​ការធ្វើអត្តឃាត​
​ប្រសិនបើ​មាន​បញ្ហា​ដែលជា​មូលហេតុ និង​ផលវិបាក​នៃ​ការធ្វើអត្តឃាត គួរ​ដោះស្រាយ ទៅតាម​បញ្ហា​នីមួយៗ​ដែល​កើតមានឡើង​។ ប្រសិនបើ​មាន​ការមិនសប្បាយចិត្ត ឬ​ខក​ចិត្តនឹង បញ្ហា​អ្វីមួយ​ដែល​នៅ​ជុំវិញខ្លួន ត្រូវ​ពិគ្រោះ យោបល់​ជាមួយ​អ្នក​ដែលមាន​បទពិសោធ​ច្រើន​នៅក្នុង​ជីវិត​។ អ្នក​ទាំងនោះ​អាចជា​ឪពុក ម្តាយ​មិត្ត​ភ័ក្តិ​ជាដើម ដើម្បី​លើកយក​បញ្ហា​មក​ដោះស្រាយ​។ ប្រសិនបើ​មានការ​ប៉ុនប៉ង ធ្វើអត្តឃាត​ដោយសារ​មាន​ជំងឺ​ជា​អាណា​ព្យា បាល​ត្រូវបញ្ជូន​អ្នកជំងឺ​ទៅ​ជួប​គ្រូពេទ្យ​ឯកទេស ដើម្បី​ធ្វើការ​ព្យាបាល​ឲ្យ​ទាន់ពេលវេលា ព្រមទាំង​ត្រូវមាន​ការលើកទឹកចិត្ត​ពី​សំណាក់​គ្រូពេទ្យ ឯកទេស និង​ញាតិសន្តាន​ផងដែរ​៕

10-12-2015

រូប​តំណាង

 

Leave a Reply

(*) Required, Your email will not be published