ឪពុក​ឫស្យា កូនប្រសារ​ទុរយស លើកដៃ​សម្លាប់ ប្រពន្ធ ម្តាយក្មេក និង​កូន យ៉ាង​សាហាវយង់ឃ្នង​

, , Leave a comment

​ខេត្តកំពង់ចាម : រយៈពេល​តែមួយ​ពព្រិច​ភ្នែក​មនុស្ស​៤​នាក់​បាន​ស្លាប់ និង​ម្នាក់​រងរបួស​ធ្ងន់ ការកាប់សម្លាប់​មិន​ញញើត​ដៃ​ពី​សំណាក់​ជនសង្ស័យ​ដែលជា​ប្តី កូនប្រសារ និង​ជា​ឪពុក​។ ហេតុការណ៍​ខាងលើនេះ​បាន​កើតឡើង​កាលពី​វេលា​ម៉ោង​១១​និង​៩​នាទី​យប់ ថ្ងៃទី​៣០ ខែវិច្ឆិកា ឆ្នាំ​២០១៥ ស្ថិតនៅ​ភូមិ​ពែង​មាស​ជើង ឃុំ​ស្ពឺ ស្រុក​ចំការលើ ខេត្តកំពង់ចាម ។​

 

​សមត្ថកិច្ច​បាន​ឲ្យ​ដឹង​ជាបឋម​ថា ជនសង្ស័យ​មានឈ្មោះ អេង ធី អាយុ​៤៧​ឆ្នាំ​ត្រូវជា​កូនប្រសារ​នៅ​ភូមិ ឃុំ កើតហេតុ​ខាងលើ បាន​យក​កាំបិត​ចាក់ទៅលើ​ឪពុកក្មេក ម្តាយក្មេក ប្រពន្ធ និង​កូន​បណ្តាល​ឲ្យ​ស្លាប់​ភ្លាម​៤​នាក់ និង​របួសធ្ងន់​ម្នាក់​។ ក្រោយពី​ធ្វើ​សកម្មភាព​នេះ​រួច ជនសង្ស័យ​បានគេច​ខ្លួន​ពី​កន្លែងកើតហេតុ​ដោយ​សុវត្ថិភាព​ទាំង​អាការ​ស្រវឹង ផងដែរ ។

 

​សមត្ថកិច្ច​បាន​បន្តថា ជនរងគ្រោះ​ទី​១ ចាន់​ធី សុភា​នី ភេទ​ស្រី អាយុ​៤៥​ឆ្នាំ ជា​ប្រពន្ធ (​ស្លាប់​) ទី​២ ម៉ៅ យៀង ភេទ​ស្រី អាយុ​៦៤​ឆ្នាំ ជា​ម្តាយក្មេក (​ស្លាប់​) ៣ ធី សៀង​ហ៊ី ភេទ​ស្រី អាយុ​៦​ឆ្នាំ ជា​កូន​(​ស្លាប់​) ៤ ធី សីហា ភេទ​ស្រី ជា​កូន អាយុ​៤​ឆ្នាំ ស្លាប់ និង​៥-​ឈ្មោះ ស្វាយ សា​ខន អាយុ​៦៩​ឆ្នាំ ជា​ឪពុកក្មេក ជា​ក្រុមប្រឹក្សាឃុំ​ស្ពឺ​មកពី​គណបក្ស​CNRP រងរបួស​ធ្ងន់​។​

 

​ប្រភពពី​សមត្ថកិច្ច​បា​ន​បញ្ជាក់ថា ករណីនេះ​កម្លាំង​នគរបាល​ព្រហ្មទណ្ឌ​ខេត្ត ស្រុក បាននិងកំពុង​បំពេញ​ប្រតិបត្តិការ​តាម​ជំនាញ​និង​និតិ​វិធី រីឯ​ការសន្និដ្ឋាន​ជំហាន​ដំបូង​គឺ ករណី​គំនុំ​រវាង​ឪ​ក្មេក និង​កូនប្រសារ ព្រោះ​ជននេះ​ធ្លាប់បាន​ឪ​ក្មេក ប្តឹង​នគរបាល​ឲ្យ​ជួយ​២​ករណី​មកហើយ ពី​បញ្ហា​ស្រវឹង រករឿង​បង្ក​ហឹ​ង្សា​ក្នុង​គ្រួសារ និង​១​ករណី​ពី​រឿង​ឆក់​ត្រី​៕

Screenshot 2015-12-01 13.44.47

 

Leave a Reply

(*) Required, Your email will not be published