ព្រោះតែ​ចំណង់តណ្ហា កូនប្រសារ ចាប់​ម្តាយក្មេក​រំលោភ បង្គ្រប់កិច្ច​

, , Leave a comment

01-12-2015 (2)

ខេត្តកណ្តាល : ដោយសារ​ចំណង់​បិទបាំង បានធ្វើ​ឲ្យ​កូនប្រសារ​ម្នាក់ ចាប់រំលោភ​ម្តាយក្មេក​របស់ខ្លួន​ជាច្រើនលើក​ច្រើនសារ​។ ហេតុការណ៍​ភ្ញាក់ផ្អើល​នេះ​បាន​កើតឡើង​កាលពី​វេលា​ម៉ោង​៨​និង​៣០​នាទី​ព្រឹក​ថ្ងៃ​៣០ ខែវិច្ឆិកា ឆ្នាំ​២០១៥ នៅលើផ្ទះ​ជនរងគ្រោះ ភូ​មិច​ន្ល​ក់ ឃុំ​គគីរ ស្រុក​កៀនស្វាយ ខេត្តកណ្ដាល​។​

 

​ប្រភពពី​សមត្ថកិច្ច​មូល​ដ្ឋា​ន​គគីរ​បាន​ឲ្យ​សារព័ត៌​មានកំណើត​ថ្មី​ស​ដឹងថា ជនល្មើស​ឈ្មោះ ស្រី ដាវី ភេទ​ប្រុស អាយុ​៥៤​ឆ្នាំ ជនជាតិខ្មែរ មុខរបរ​កសិករ (​ត្រូវជា​កូនប្រសារ​) មាន​ទីលំនៅ​ភូមិ​ច​ន្ល​ក់ ឃុំ​គគីរ ស្រុក​កៀនស្វាយ ខេត្តកណ្ដាល​។ ចំណែក​ជនរងគ្រោះ​ឈ្មោះ រស់ ញ៉េ​ស​ហៅ សុខ ភេទ​ស្រី​អាយុ​៨៤​ឆ្នាំ ជនជាតិខ្មែរ មុខរបរ នៅផ្ទះ​(​ចាស់ជរា​ត្រូវជា​ម្ដាយក្មេក​) ជាមួយ​ជនសង្ស័យ​។​

 

​ប្រភព​ដដែល​បាន​បន្តទៀតថា ក្រោយ​ទទួល​ពាក្យបណ្តឹង​ពី​ពី​ឈ្មោះ ឌិន នឹម ភេទ​ស្រី​អាយុ​៥០​ឆ្នាំ មាន​ទីលំនៅ​ភូមិ​ឃុំ​កើតហេតុ​ខាងលើ ដែល​ត្រូវជា​កូនបង្កើត​ជនរងគ្រោះ និង​ត្រូវជា​ប្រពន្ធ​ជនល្មើស​បាន​ប្តឹង​ជនល្មើស​ពីបទ​រំលោភ​សេពសន្ថវៈ​លើ​ម្តាយបង្កើត​របស់ខ្លួន​។ បន្ទាប់មក​កម្លាំង​ប៉ុស្តិ៍​បាន​ចុះ​ទៅដល់​កន្លែងកើតហេតុ​តែ​ជនល្មើស​បាន​រត់គេចខ្លួន​បាត់​។ លុះដល់​ម៉ោង​១៧.០០​នាទី ជនល្មើស​បាន​ត្រឡប់មកផ្ទះ​វិញ កម្លាំង​សមត្ថកិច្ច បាន​ចុះទៅ​ឃាត់ខ្លួន​បញ្ជូនមក​អធិការដ្ឋាន​នគរបាល ស្រុក​ដើម្បី​បន្ត​ចាត់ការ​តាម​នីតិវិធី​។​

 

​នៅក្នុង​កំណត់ហេតុ​សមត្ថកិច្ច​បា​ន​បញ្ជាក់ថា តាម​ការ​អះ​របស់​កូនបង្កើត និង​សាមីខ្លួន​ជនរងគ្រោះ​ជា​ម្ដាយ​ថា កន្លងមក​កូនប្រសារ​នេះ​ធ្លាប់​ចាប់គាត់​រំលោភ​បាន​២​ដង​រួច មកហើយ តែ​គាត់​មិន​ប្ដឹង គាត់​ធ្លាប់​បានធ្វើ​ការអប់រំ ប៉ុន្តែ​មិន​កែប្រែ​ច​រិ​ក​។ រំលោភ​លើក​នេះ​ជា​លើក​ទី​៣ ដោយ​យកដៃ​ច្របាច់ ក ម្ដាយក្មេក មិន​ឲ្យ​ស្រែក​លើក​នេះ​ត្រូវបាន​ប្រពន្ធ​មក​ទាន់​ឃើញ​សកម្មភាព​រំលោភ​ផ្ទាល់​ភ្នែក​។​

 

​ជនសង្ស័យ ត្រូវបាន​សមត្ថកិច្ច ឃុំខ្លួន​បណ្តោះអាសន្ន និង​កសាង​សំណុំរឿង ដើម្បី​ចាត់ការ​តាមផ្លូវ​ច្បាប់​៕

01-12-2015 01-12-2015 (1)

 

 

Leave a Reply

(*) Required, Your email will not be published