ខ្មោច​ស្រុក​ឲ្យ​ដៃ ខ្មោច​ព្រៃ​ទើប​​ហ៊ាន ជា​យុទ្ធសាស្ត្រ​របស់ តា​ម៉ាន់ មេ​ឈ្មួញ​នាំ​រថយន្ត​គេចពន្ធ​ចូល​ស្រុក​ខ្មែរ​ជ្រក​ក្រោម​ស្លាក​ក្រុមហ៊ុន​តូយ៉ូតា​

, , Leave a comment

18-11-2015 (1)

​ខេត្តបន្ទាយមានជ័យ : រថយន្ត​ស៊េរី​ទំនើបៗ បង់ពន្ធ​តិចតួច កំពុងតែ​នាំចូល​ជា​ចំហរ​ពី​ប្រទេស​ថៃ​តាម ច្រកព្រំដែន​នៅក្នុង​ខេត្តបន្ទាយមានជ័យ​តាមរយៈ​មេ​ឈ្មួញ​ដ៏​ល្បី​ម្នាក់​ឈ្មោះ តា​ម៉ាន់ ។ មន្ត្រី​គយ​កំពុង​ផ្អែមមាត់​ជាមួយ​បទល្មើស​នៃ​ការនាំ​រថយន្ត​ទំនើប​ចូល​ដោយ បន្លំ​ជាមួយនឹង​ការមិន​បង់ពន្ធ ។ ជនរងគ្រោះ​នៅក្នុង​ទង្វើ​ឃុបឃិត​គ្នា​នេះ គឺ​បណ្តាជន​ដែល​ទិញ​រថយន្ត​មិន​បង់ពន្ធ​យកទៅ​ប្រើប្រាស់​។​

 

​ប្រភព​ដដែល​បាន​រាយការណ៍​ថា រថយន្ត​ដែល​នាំចូល​ច្រើនជាងគេ គឺ​ប្រភេទ​រថយន្ត​តូយ៉ូតា ដែល​ក្នុង​មួយថ្ងៃៗ​មាន​រថយន្ត​រាប់រយ​គ្រឿង​ត្រូវបាន​នាំ​ពី​ប្រទេស​ថៃ យកមក​ស្តុក​នៅ​ឃ្លាំង​ក្នុង​តំបន់​ប៉ោយប៉ែត រួច​ទើប​បើក​ទៅ​រាជធានី​ភ្នំពេញ ។ គេ​រាយការណ៍​ថា តា​ម៉ាន់ គឺជា​អ្នក​នាំ​រថយន្ត​ចូល​ផ្តាច់មុខ ដោយ​បង់ពន្ធ​តិចតួច ពីព្រោះ​គាត់​មាន​ទំនាក់ទំនង​ស្អិត​ល្មូ​ត​ជាមួយ​មន្ត្រី​គ្រប់​ស្ថាប័ន​នៅ ព្រំដែន ។​

 

​សកម្មភាព​ទាំងនេះ​បណ្តាលមកពី​មានការ​ឃុបឃិត​ជាមួយ​មេ​គយ​ច្រកទ្វារ និង​ឈ្មួញ​ក្នុង​ការនាំ​រថយន្ត​ចូល​ក្រោម​តួលេខ​១០០​គ្រឿង​របាយការណ៍​បង់​ពន្ធ​ថវិកា​ចូល​រដ្ឋ ៧០​គ្រឿង​ទៅ​៧៥​គ្រឿង​ប៉ុណ្ណោះ​។ ជុំវិញ​ការចោទប្រកាន់​ខាងលើ អ្នកយក​ពត៌មាន​យើង​បាន​ជួប​ជាមួយ តា​ម៉ាន់ សុំ​ការអត្ថាធិប្បាយ ប៉ុន្តែ​គាត់​មិន​ផ្តល់​បទសម្ភាសន៍​អ្វី​ច្រើន​នោះទេ គ្រាន់តែ​និយាយ​យ៉ាងខ្លី​ថា​គាត់​មិនមែនជា​អ្នក​នាំ​រថយន្ត​ចូល​ទេ គ្រាន់តែ​ជា​អ្នក​នាំ​ប្រេងរំអិល​ប៉ុណ្ណោះ​។ រីឯ​រឿង​គេចពន្ធ ឬ​យ៉ាងណា​នោះ​សូម​ទៅ​សួរ​ខាង​គយ​ទៅ​។​

 

​ករណី​ខាងលើនេះ បាន​កើតឡើង​យ៉ាងគំហុក​ក្នុង​រយៈពេល​ចុងក្រោយ ដោយសារតែ​តម្រូវការ​រថយន្ត​នៅក្នុង​ផ្ទៃ​ប្រទេស​កើនឡើង ។ ការ​ធូរ​លុង​របស់​សមត្ថកិច្ច​គយ លាយឡំ​ដោយ​អំពើពុករលួយ ត្រូវគេ​អះអាងថា ជា​មូលហេតុ ដែល​បណ្តាល​ឲ្យ​តា​ម៉ាន់​អាច​គ្រប់គ្រង​ស្ថានការណ៍​ក្នុង​ការនាំ​រថយន្ត ដោយ​មិនបាច់​បង់ពន្ធ​ចូលក្នុង​ផ្ទៃ​ប្រទេស​បាន​ដោយ​ងាយស្រួល ។ តា​ម៉ាន់ មិន​ត្រឹមតែ​ល្បី​នៅ​តំបន់​ព្រំដែន​ភាគ​ខាងលិច​នៃ​ព្រះរាជាណាចក្រ​កម្ពុជា ប៉ុណ្ណោះ​ទេ នៅឯ​កណ្តាល​បេះដូង​រាជធានី​ភ្នំពេញ ក៏ត្រូវ​អ្នករកស៊ី​ទិញ លក់​រថយន្ត​ស្គាល់​ថា ជា​ជើង​ខ្លាំង​នាំ​រថយន្ត​មិន​បង់ពន្ធ​ចូល​ដែរ​៕

18-11-2015 (4) 18-11-2015 18-11-2015 (2) 18-11-2015 (3)

 

Leave a Reply

(*) Required, Your email will not be published