បែក​កង់​មុខ​បុក​អ្នកជិះ​ម៉ូតូ​របួស​ដេកពេទ្យ​

, , Leave a comment

25-11-2015 (2)

25-11-2015

 

រាជធានី​ភ្នំពេញ : បុរស​ម្នាក់​ត្រូវបាន​រងគ្រោះ​ស្រាល ខណៈដែល​រថយន្ត​លុច​ស៊ី​ស RX 300 បើកបរ​ដោយ​ជនជាតិ​ចិន ដោយសារ​បែក​កង់​ខាងមុខ បាន​រេ​ចង្កូត​ទៅបុក​ម៉ូតូ​គុប​ជ្រុង​១​គ្រឿង បើកបរ​បញ្ច្រាសទិស​កា​លពី​វេលា​ម៉ោង​៨​និង ៣០​នាទី​ព្រឹក ថ្ងៃទី​២៥ ខែវិច្ឆិកា ឆ្នាំ​២០១៥ នៅ​ចំណុច​តាម​បណ្ដោយ​ផ្លូវ​ព្រៃ​.​ស ភូមិ​ត្រពាំង​ចក សង្កាត់​ព្រៃវែង ខណ្ឌដង្កោ រាជធានី​ភ្នំពេញ​។​

 

​សមត្ថកិច្ច​ប្រាប់​ឲ្យ​ដឹងថា មុនពេល​កើតហេតុ រថយន្ត​លុច​ស៊ី​ស RX300 ពណ៌​ទឹកប្រាក់ ពាក់​ស្លាក​លេខ ភ្នំពេញ 2L-9469 បើកបរ​ដោយ​ជនជាតិ​ចិន ភេទ​ប្រុស អាយុ​ប្រហែល​៥០​ឆ្នាំ ធ្វើដំណើរ​តាម​បណ្ដោយ​ផ្លូវ​ព្រៃ​.​ស ក្នុងទិសដៅ​ជើង​ទៅ​ត្បូង​។ លុះ​មកដល់​ចំណុចកើតហេតុ ស្រាប់តែ​បែក​កង់​មុខ​ផ្នែក​ខាងឆ្វេង ជ្រុល​ចង្កូត​ទៅបុក​ម៉ូតូ​១​គ្រឿង​ម៉ាក​គុប​ជ្រុង ពណ៌​ខៀវចាស់ ពាក់​ស្លាក​លេខ កំពង់ស្ពឺ​1A-4811 បណ្ដាល​ឲ្យ​បុរស​ម្នាក់​អាយុ​ប្រហែល​ជាង​៥០​ឆ្នាំ ទទួលរង​របួសស្រាល​។ ដោយឡែក រថយន្ត និង​ម៉ូតូ បាន​ធ្លាក់ចូល​ប្រឡាយទឹក​រង​ការខូចខាត​ទាំងសង្ខាង ចំណែក​ជនរងគ្រោះ​ត្រូវបាន​រថយន្ត​សង្គ្រោះ​ដឹក​ទៅយក​សង្គ្រោះបន្ទាន់ នៅ​មន្ទីរពេទ្យ​ភ្លាមៗ​ផងដែរ​។​

 

​ក្រោយពី​ធ្វើការ​វាស់វែង​រួច បាន​ស្ទូច​យកមក​កាន់​អធិការដ្ឋាន​នគរបាល​ខណ្ឌដង្កោ​ដើម្បី​ដោះស្រាយ​តាមច្បាប់​៕

25-11-2015 (1) 25-11-2015 (3)

 

Leave a Reply

(*) Required, Your email will not be published