រោគ​ក្រ​ឡើ​ទែន​ជា​ជំងឺ​ដែល​ឆ្លង​ពី​មនុស្ស​ម្នាក់​ទៅ​មនុស្ស​ម្នាក់

, , Leave a comment

​សុខភាព : តាម​សារព័ត៌មាន​បរទេស​ផ្សាយ​ថា រោគ​ក្រ​ឡើ​ទែន ជា​ប្រភេទ​មេរោគ​ដែល​តែងតែ​កើតមាន​ចំពោះ​មនុស្ស​មួយចំនួន និង​មាន​លក្ខណៈ​ឆ្លង​។ រោគ​ក្រ​ឡើ​ទែន នេះ​បង្កឡើង​ដោ​យេ​ម​រោគ​ក្រ​ឡើ​ទែន ហើយ​វា​ជា​ប្រភេទ​ជំងឺ​ដែល​តែងតែ​កើតមាន​ជា​ញឹកញាប់​ទៅលើ​កុមារ និង​នៅតាម​បណ្តា​ប្រទេស​មួយចំនួន​ដែល​មិនសូវមាន​ការអភិវឌ្ឍ​ផ្នែក​ខាង​ការចាក់​ថ្នាំ​វ៉ាក់សាំង​បង្ការ​មេរោគ​ក្រ​ឡើ​ទែន​។​

 

​ជំងឺ​ក្រ​ឡើ​ទែន​នេះ​មាន​លក្ខណៈ​ហើម​ក្រឡឹង​ក និង​ក្រពេញទឹកមាត់ ដែល​បណ្តាល​ឲ្យ​មានការ​ឈឺចាប់​ខ្លាំង ហើយ​គ្មាន​ការព្យាបាល​ណាមួយ​ឲ្យ​ពិតប្រាកដ​ទៅលើ​រោគសញ្ញា​នៃ​ជំងឺ​នេះ​ទេ​។ រោគសញ្ញា​នៅពេលដែល​កើត​ជំងឺ​ក្រ​ឡើ​ទែន​រួមមាន គ្រុនក្តៅ ឈឺក្បាល រោគ​រលាក​លំពែង​។ ចំណែក​រោគសញ្ញា​មួយចំនួនទៀត គឺជា​រោគសញ្ញា​បន្ទាប់បន្សំ​មានដូចជា ស្ងួត​មាត់ ឈឺចាប់​នៅ​ផ្ទៃមុខ និង​ត្រចៀក មិនសូវ​និយាយស្តី​ច្រើន ពេលខ្លះ​ក៏មាន​អាការ​ដែល​អាច​ធ្ងន់​ជាងនេះទៅទៀត​។​

 

​រោគសញ្ញា​ដំបូង​នៃ​ជំងឺ​ក្រ​ឡើ​ទែន​នេះ គឺ​តែងតែមាន​អាការ​ឈឺក្បាល គ្រុនក្តៅ រសាប់រសល់ និង​មិនសូវ​ឃ្លាន​អាហារ​។ ជំងឺ​ក្រ​ឡើ​ទែន ជា​ជំងឺ​មួយ​ដែលមាន​លក្ខណៈ​ឆ្លង​ពី​មនុស្ស ម្នាក់​ទៅ​មនុស្ស​ម្នាក់ទៀត​តាមរយៈ​ផ្លូវដង្ហើម គឺ​ការដកដង្ហើម​ពី​អ្នកជំងឺ​ទៅ​មនុស្ស​ធម្មតា រួមទាំង​ទឹកមាត់​របស់​អ្នកជំងឺ​ក៏​អាច​ឆ្លង​រោគ​ក្រ​ឡើ​ទែន​នេះ​ផង ដែរ គឺ​នៅពេលដែល​អ្នកជំងឺ​ក្អក ឬ​កណ្តាស ហើយ​ចំហាយ​ទឹកមាត់​ហើរ​ចូល​មាត់ ភ្នែក ច្រមុះ អ្នកផ្សេង​។ ម្យ៉ាងវិញទៀត​ការឆ្លង​រោគ​ក្រ​ឡើ​ទែន​នេះ​អាច​បណ្តាលមកពី​ការបែងចែក​ចំណីអាហារ និង​ទឹក​ហូប​ជាមួយ​អ្នកជំងឺ​ដែល​ពពួក​មេរោគ​តែងតែ​ស្ថិត​នៅជាប់​ជាមួយ ចំណីអាហារ និង​ទឹក​ហូប បន្ទាប់មក​ឆ្លង​ដល់​អ្នកដទៃ​ដែល​បាន​បរិភោគ​ចំណីអាហារ ឬ​ទឹក​ដែល​ទទួលបាន​ពី​អ្នកជំងឺ​ដែល​កើត​ជំងឺ​ក្រ​ឡើ​ទែន​៕

25-11-2015 (1)

 

Leave a Reply

(*) Required, Your email will not be published