ជន​ឫស្យា យក​សាសនា ធ្វើជា​មុខរបរ ត្រូវ​អាជ្ញាធរ​ឃាត់ខ្លួន​

, , Leave a comment

18-11-2015

​ខេត្តកណ្តាល : ជនសង្ស័យ​៥​នាក់ ដែល​បន្លំ​ខ្លួន​ជា​សង្ឃ​រួច​ដើរ​បិណ្ឌបាត ត្រូវបាន​កម្លាំង​នគរបាល​ខេត្តកណ្តាល ធ្វើការ​ឃាត់ខ្លួន​កាលពី​វេលា​ម៉ោង​១០​និង​១៥​នាទី​ព្រឹក​ថ្ងៃទី​១៧ ខែវិច្ឆិកា នៅ​ចំណុច​ភូមិ​ព្រែក​ហូរ​កើត សង្កាត់​ព្រែក​ហូរ ក្រុង​តាខ្មៅ ខេត្តកណ្តាល​។​

 

​ប្រភពពី​សមត្ថកិច្ច​នគ​របាល​បាន​ឲ្យ​សារព័ត៌​មានកំណើត​ថ្មី​ដឹងថា ជនសង្ស័យ​ទាំង​៥​នាក់​ដែល​ឃាត់ខ្លួន​នោះ​រួមមាន​១.​ឈ្មោះ លី ឆែ​ឡាក់ ភេទ​ប្រុស អាយុ​១៨​ឆ្នាំ ទីលំនៅ​ភូមិ​ស្ម ឃុំ​ត្រពាំង​ស្រែក ស្រុក​មេសាង ខេត្តព្រៃវែង​, ២.​ឈ្មោះ រី ស៊ឺ​ត ភេទ​ប្រុស អាយុ​៣១​ឆ្នាំ ទីលំនៅ​ភូមិ​ស្រះ​លើ ឃុំ​ពពែ​ល ស្រុក​ពញាក្រែក ខេត្ត​ត្បូងឃ្មុំ​, ៣.​ឈ្មោះ សម្បត្តិ ខេមរា ភេទ​ប្រុស អាយុ​២៧​ឆ្នាំ ទីលំនៅ​ភូមិ​ស្រះ​លើ ឃុំ​ពពែ​ល ស្រុក​ពញាក្រែក ខេត្ត​ត្បូងឃ្មុំ ,៤.​ឈ្មោះ ព្រាប ប្រុស​វី ភេទ​ប្រុស អាយុ​២៥​ឆ្នាំ ទីលំនៅ ភូមិ​ស្រះ​លើ ឃុំ​ពពែ​ល ស្រុក​ពញាក្រែក ខេត្ត​ត្បូងឃ្មុំ និង​៥.​ឈ្មោះ ឡុង សាន ភេទ​ប្រុស អាយុ​២៧​ឆ្នាំ ទីលំនៅ​ភូមិ​ស្រះ​លើ ឃុំ​ពពែ​ល ស្រុក​ពញាក្រែក ខេត្ត​ត្បូងឃ្មុំ​។ ក្រោយ​ឃាត់ខ្លួន​សមត្ថកិច្ច​បាន​ដកហូត​វត្ថុតាង​រួ​មាន បាត្រ​លោក​ចំនួន​៥ ឆ័​ត្រ​តូច​ចំនួន​៥ ស្បង់​ចីវរ​ចំនួន​៥​កំ​ប្លេ សំពត់​ងូត​ចំនួន​៥ ថង់យាម​ចំនួន​៥ សំបុត្រ​បុណ្យ​កឋិនទាន (​វត្ត​គី​រី​វង្ស​)​ចំនួន​១២​សន្លឹក ប្រាក់​ដុល្លា​ចំនួន​១០​ដុល្លា ប្រាក់រៀល​ចំនួន​១៨៧៧០០​រៀល​។​
​ប្រភព​ដដែល​បានបញ្ជាក់​ទៀតថា នៅវេលា​កើតហេតុ​ខាងលើ​មាន​លោកសង្ឃ​ចំនួន​៥​អង្គ ដើរ​បិណ្ឌបាត​តាម​ផ្ទះ​ប្រជាជន ដោយ​កំណត់​ឲ្យ​ប្រជាជន​ដាក់​បាត​ឲ្យ​ខ្លួន​ចំនួន​៤​ម៉ឺន​រៀល ដើម្បី​យកទៅ​ទិញ​ត្រៃ​យ៍ ធ្វើបុណ្យ​កឋិន​នៅ​វត្ត​ក្រពើ​ហា​។ ពេលនោះ​ប្រជាជន​មិនមាន​លទ្ធភាព​ដាក់​បាត្រ​ដែល​លោកសង្ឃ​ទាំង​៥​អង្គ នោះ​កំណត់​នោះទេ​។ ឃើញ​ដូច្នេះ​ក៏មាន​ការ​ងឿ​យ​ឆ្ងល់ បាន​រាយការណ៍​មក​អាជ្ញាធរ ក្នុង​សង្កាត់​ព្រែក​ហូរ ពេលនោះ​កម្លាំង​របស់​ប៉ុស្តិ៍ និង​មន្ត្រី​សង្ឃ​ក្នុង​សាលា​អនុគណ បាន​ចុះទៅ​ឃាត់ និង​និ​មិ​ន្ត​មក​សាលា​អនុគុណ ក្នុង​វត្ត​ក្រពើ​ហា ដើម្បី​ដោះស្រាយ​ជាមួយ​ព្រះ​អនុគុណ លុះដល់​ពេលដែល​មន្ត្រី​សង្ឃ ក្នុង​សាលា​អនុគុណ​សិក្សា​ទៅ​ឃើញថា លោក​ទាំង​៥​អង្គ​នោះ មិនមែនជា​លោកសង្ឃ​ពិតប្រាកដ​នោះទេ​។​

 

​ដូចនេះ​ព្រះ​ឃោស​ធម្ម ញ៉ែម សុភ​ក្ត្រ័ ជា​ព្រះ​អនុគុណ​ខេត្តកណ្តាល មន្ត្រី​សង្ឃ​ក្នុង​សាលា​គុណ និង​លោក​ប្រធានការិយាល័យ​ធម្មការ បាន​សម្រាច​បក​ស្បង់​ចីវរ​លោក​ទាំង​៥​អង្គ​នោះ ហើយ​ប្រគល់​ឲ្យ​សមត្ថកិច្ច យកទៅ​ចាត់ការ​តាម​នីតិវិធី​៕

 

 

Leave a Reply

(*) Required, Your email will not be published