គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​. ប​.) បានចាប់ផ្តើម​ធ្វើការ​ចុះ​ឈ្មោះ​បោះឆ្នោត​សាកល្បង តាមបែប​បច្ចេកវិទ្យា​ទំនើប​

, , Leave a comment

Screenshot 2015-11-02 09.30.11

​រាជធានី​ភ្នំពេញ : ចាប់ពី​ថ្ងៃទី​១ ខែវិច្ឆិកា ឆ្នាំ​២០១៥ គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) បានចាប់ផ្តើម​ធ្វើការ​ចុះ​ឈ្មោះ​បោះឆ្នោត​សាកល្បង​តាមបែប​បច្ចេកវិទ្យា​ទំនើប​ដោយ​ប្រើប្រាស់​កុំព្យូទ័រ ដែល​ការចុះឈ្មោះ​នេះ ចាប់ពី​ថ្ងៃទី​១ ដល់​ថ្ងៃទី​១៥ ខែវិច្ឆិកា ឆ្នាំ​២០១៥ នៅតាម​ភូមិ​ចំនួន​៤៣ ស្ថិតក្នុង​២៥ ឃុំ​សង្កាត់ ហើយ​បើតាម​នីតិវិធី​នេះ​ការចុះឈ្មោះ​ក្នុង​មួយ​រាជធានី ខេត្ត កំណត់​យកតែ​មួយ​ឃុំ ឬមួយ​សង្កាត់ ប៉ុណ្ណោះ​។​

 

​ទាក់ទង​នឹង​ការចុះឈ្មោះ​បោះឆ្នោត​សាកល្បង​តាមបែប​បច្ចេកវិទ្យា​ទំនើប​នេះ សារព័ត៌​មានកំណើត​ថ្មី មិនទាន់​អាច​ចុះ​ការបញ្ជាក់​បានទេ លើ​ដំណើការ​នេះ ប៉ុន្តែ​លោក ជា ប៉ូច អ្នកតំណាងរាស្ត្រ​គណបក្ស​សង្គ្រោះ​ជាតិ ដែល​កំពុង​តាមដាន​មើល​ដំណើរការ​ចុះឈ្មោះ​នៅ​ឃុំ​ត្រពាំង​ភ្លាំង ភូមិ​ត្រពាំង​ផ្តៅ ស្រុក​ឈូក ខេត្តកំពត បាន​និយាយថា ដំណើរការ​ចុះឈ្មោះ​សាកល្បង​នៅ​ថ្ងៃ​ដំបូង​នេះ បាន​ដំណើការ​ទៅដោយ​មិនមាន​បញ្ហា​អ្វី កើតឡើង​ទេ ប៉ុន្តែ​យ៉ាងណា​នេះ​គ្រាន់តែ​ជាការ​ចាប់ផ្តើម ហើយ​នៅ​ឃុំ​មួយ​ប៉ុណ្ណោះ​។​

 

​ចំណែក​លោក គួ​យ ប៊ុន​រឿន អនុប្រធាន គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) បាន​ថ្លែងប្រាប់​អ្នកសារព័ត៌មាន​ខណៈ​ចុះទៅពិនិត្យ​ដំណើរការ​ចុះឈ្មោះ​អ្នកបោះឆ្នោត​សាកល្បង​នៅ​សង្កាត់​ផ្សារ​ដើមថ្កូវ ខណ្ឌចំការមន រាជធានី​ភ្នំពេញ កាលពី​ព្រឹក​ថ្ងៃទី​១ ខែវិច្ឆិកា ឆ្នាំ​២០១៥ ថា ការ ចុះឈ្មោះ​អ្នកបោះឆ្នោត​សាកល្បង​នេះ មាន​ទាំង​កុំព្យូទ័រ និង​ថតរូប ព្រមទាំង​ស្នាម មេដៃ​អ្នកបោះឆ្នោត​ផង ហើយ​ការធ្វើ​បែប នេះ គ​.​ជ​.​ប មាន​គោលដៅ​ក្នុងការ​ទប់ស្កាត់​អ្នក​បន្លំ​ចុះឈ្មោះ​ច្រើនដង​ហើយ​យើង​ចង់​រៀបចំ​បញ្ជី​បោះឆ្នោត​មួយ​មាន​តម្លាភាព   និង​មាន​គុណភាព​ព្រមទាំង​មាន​សុវត្ថិភាព​។​

 

​ដោយឡែក​លោក ស៊ិ​ក ប៊ុន​ហុក ប្រធាន​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) ធ្លាប់បាន​បញ្ជាក់​នៅក្នុង​ពិធី​បិទ​បញ្ចប់​វគ្គ​បណ្តុះបណ្តាល​ស្តីពី​ការចុះឈ្មោះ បោះឆ្នោត​សាកល្បង​តាម​ប្រព័ន្ធ​កុំព្យូទ័រ​ឆ្នាំ​២០១៥​កាលពីពេល​ថ្មីៗ​នេះ​ថា គ​.​ជ​.​ប បាន​យក​គោលការណ៍​ចំនួន​៧​ចំណុច​ដើម្បី ធានា​ឲ្យ​មាន​ភាពត្រឹមត្រូវ តាម​គន្លង​ច្បាប់​និង​ភាព​អាច​ជឿ​ទុកចិត្តបាន​ពី​ភាគី​ពាក់ព័ន្ធ​។ លោក​បន្តថា ដើម្បី​ធានា​ការរៀបចំ​ការបោះឆ្នោត​ឲ្យ​បាន​ត្រឹមត្រូវ​គឺ​ត្រូវ​ធានា​ឲ្យ​មាន​ភាពត្រឹមត្រូវ​តាម​គន្លង​ច្បាប់ និង​ភាព​អាច​ជឿ​ទុកចិត្តបាន​ពី​គ្រប់ភាគី​។  គោលការណ៍​៧​ចំណុច​នោះ​រួមមាន ឯករាជ្យ ភាព ភាព​ឥត​លំអៀង សុចរិត​ភាព តម្លាភាព ប្រសិទ្ធភាព វិជ្ជា​ជីវភាព និង​ភាពជា​អ្នក បម្រើសេវា​។​

 

​លោក ស៊ិ​ក ប៊ុន​ហុក បាន​បញ្ជាក់ថា ច្បាប់បោះឆ្នោត​ជ្រើសតាំង​តំណាងរាស្ត្រ​បានធ្វើ​វិសោធនកម្ម​ជា​បន្តបន្ទាប់​ចំនួន​៧​លើក​រួចមកហើយ​។ ហើយ​នេះ​ជា​លើក​ទី​៨​ដែល​ច្បាប់បោះឆ្នោត​ស្ទើរតែ​កែប្រែ​ទាំង ស្រុង​ក្នុង​គោលបំណង​ឲ្យ​ការបោះឆ្នោត​កាន់តែ​ល្អ​ប្រសើរឡើង​ស្របតាម​សេចក្តី​បំណង​របស់​សាធារណជន​។​

 

​ចំណែក​លោក ហង្ស ពុទ្ធា មន្ត្រី​អ្នកនាំពាក្យ គ​.​ជ​.​ប បាន​និយាយថា ចំពោះ​ការចុះឈ្មោះ​សាកល្បង​ឆ្ពោះ​ឈានដល់​ការចុះឈ្មោះ​ជា​ផ្លូវការ​នៅ​ទូទាំងប្រទេស គ​.​ជ​.​ប បាន​ត្រៀម​រួចរាល់​ហើយ​ដែល​ក្នុងនោះ​មាន​ទីកន្លែង​ដែល​ត្រូវ​ទៅ​ចុះឈ្មោះ​សាកល្បង និង​ការបណ្តុះបណ្តាល ដល់​មន្ត្រី​នៃ​អគ្គលេខាធិការដ្ឋាន​គ្រប់​រាជធានី ខេត្ត និង​បណ្តា​គ្រប់​គ្រូ​បង្គោល និង​អង្គការ​ជាតិ និង​អន្តរជាតិ ដែលមាន​ការចូលរួម​ពី​បណ្តាញ​អ្នកសារព័ត៌មាន​ផងដែរ​។ លោក​បញ្ជាក់ថា ទី​១-​ការបណ្តុះបណ្តាល នីតិវីធី​នៃ​ការចុះឈ្មោះ ទី​២-​បច្ចេកវិទ្យា​កុំព្យូទ័រ សម្រាប់​ការចុះឈ្មោះ​បោះឆ្នោត ហើយ​នេះ​ពិតជា​មាន​សារៈសំខាន់​សម្រាប់​ការចុះឈ្មោះ​បោះឆ្នោត​ថ្មី ទៅតាម​អ្វីដែល បានគ្រោង​ទុក​។​

 

​គណៈកម្មាធិការ​ជាតិ​រៀបចំ​ការបោះឆ្នោត​(​គ​.​ជ​.​ប​)​ថ្មី បានកើត​ចេញ​ជា​រូបរាង​តាមរយៈ​កិច្ចព្រមព្រៀង ស្តីពី​ដំណោះស្រាយ នយោបាយ​រវាង​គណបក្ស​ទាំងពីរ​កាលពី​ខែកក្កដា ឆ្នាំ​២០១៤ ដោយ​ឯកភាពគ្នា​កែទម្រង់​ការបោះឆ្នោត​ដោយ​រៀបចំ​ស្ថាប័ន​បោះឆ្នោត​ជា​ស្ថាប័ន​មាន​ឯករាជ្យ​ពេញលេញ​។ ដោយឡែក​ថ្នាក់ដឹកនាំ និង​សមាជិក​គ​.​ជ​.​ប ថ្មី ចំនួន​៩​រូប​ត្រូវបាន​រដ្ឋសភា​បោះឆ្នោត​ផ្តល់​សេចក្តីទុកចិត្ត​កាលពី​ថ្ងៃ​ទី​៩ ខែមេសា ឆ្នាំ​២០១៥​។ អ្នក​ទាំង​៩​រូបនោះ​មកពី​សមាសភាព​ចម្រុះ ពោលគឺ​មាន ទាំង​ភាគី​គណបក្សនយោបាយ និង​សង្គម​ស៊ីវិល​៕

 

 

០១ វិច្ឆិកា ២០១៥ / 01 November 2015, 08:30 – Biometrics to ensure election integrity.គណៈកម្មាធិការជាតិរៀបចំការបោះឆ្នោត (គ.ជ. ប.) បានចាប់ផ្តើមធ្វើការចុះឈ្មោះបោះឆ្នោតសាកល្បង តាមបែបបច្ចេកវិទ្យាទំនើប ចាប់ពីថ្ងៃ ០១ ដល់ ១៥ វិច្ឆិកា ២០១៥ នៅតាមការិយាល័យ ឃុំ/សង្កាត់ ទូទាំង ២៥ រាជធានី៊/ខេត្ត ក្នុងប្រទេសកម្ពុជា។For 15 days, starting today until 15 November 2015, at a number of mock polling stations scattered all over the country, the National Election Committee (NEC) is testing a more credible voter registration process based on modern technologies (biometrics) with the objective of establishing a new and more secure voters’ list for the 2017 local elections and the 2018 national elections. The NEC is supported by Japan and the European Union in the accomplishment of this huge and challenging task.

Posted by Sam Rainsy on Saturday, 31 October 2015

 

Leave a Reply

(*) Required, Your email will not be published