រាជរដ្ឋាភិបាល​ចាត់តាំង​រៀបចំ​ព្រះ​រាជពិធី​បុណ្យខួប​លើក​ទី​១ ការ​គ្រង​ព្រះ​បរម​រាជ ស​ម្ប​តិ្ត ព្រះមហាក្សត្រ 

, , Leave a comment

​រាជធានី​ភ្នំពេញ : ប្រមុខ​រាជរដ្ឋាភិបាល​កម្ពុជា បានចេញ​បញ្ជា​ឲ្យ​រៀបចំ ព្រះរាជ​ពិធីបុណ្យ​ខួប​លើក​ទី​១១ នៃ​ការ​គ្រង ព្រះ​បរម​រាជ​ស​ម្ប​តិ្ត​របស់​ព្រះករុណា​ព្រះបាទ សម្តេចព្រះ​បរមនាថនរោត្តម​សីហមុនី នៅ​ថ្ងៃ ព្រហស្បតិ៍ ទី ២៩ ខែ តុលា ឆ្នាំ ២០១៥ ស្អែក​។ នេះ​បើ​យោងតាម​ទីភ្នាក់ងារសារព័ត៌មាន​កម្ពុជា​(AKP)​។​

 

​ព្រះករុណា ព្រះបាទ សម្តេចព្រះ​បរមនាថ នរោត្តម សីហមុនី ត្រូវបាន​ក្រុមប្រឹក្សារាជសម្បត្តិ​បោះឆ្នោត​ជ្រើសរើស ជា​ឯកច្ឆន្ទ​នា​ថ្ងៃ ព្រហស្បតិ៍ ១ កើត ខែ អស្សុជ ឆ្នាំ វក ឆស័ក ព​.​ស ២៥៤៨ ត្រូវ​នឹង​ថ្ងៃទី ១៤ ខែ តុលា ឆ្នាំ ២០០៤ ជា​ព្រះមហាក្សត្រ នៃ​ព្រះរាជាណាចក្រ​កម្ពុជា​។​

 

​ដើម្បី​សម្តែង​នូវ​កតញ្ញូតាធម៌ និង​ថ្វាយ​ព្រះរាជ​សព្ទសាធុការពរ បវរ​មហាប្រសើរ​ចំពោះ ព្រះករុណា​ជា​អម្ចាស់​ជីវិត លើ​ត្បូង​ជាទីគោរព​សក្ការៈ​ដ៏​ខ្ពង់ខ្ពស់​បំផុត ដែល​ទ្រង់​ប្រកបដោយ ព្រះ​បញ្ញាញាណ និង​ព្រះរាជហឫទ័យ​សន្តោស ដ៏​ថ្លៃថ្លា​គណៈកម្មាធិការ​ជាតិ​រៀបចំ​បុណ្យជាតិ​-​អន្តរជាតិ ណែនាំ​នូវ​ចំណុច​មួយចំនួន​ដូចជា ៖

 

១-​ក្រសួងព្រះបរមរាជវាំង ត្រូវ​ចាត់តាំង​រៀបចំ​ព្រះ​រាជពិធី​បុណ្យខួប​លើក​ទី​១១ នៃ​ទិវា​គ្រង ព្រះ​បរម​រាជសម្បត្តិ​របស់ ព្រះមហាក្សត្រ នៅក្នុង​ព្រះបរមរាជវាំង តាម​ព្រះរាជ​ប្បវេណី និង ប្រពៃណី​សាសនា តាម​ការ​សព្វព្រះរាជហឫទ័យ​របស់ ព្រះករុណា​ជា​អម្ចាស់​ជីវិត​លើ ត្បូង ជាទី​សក្ការៈ​ដ៏​ខ្ពង់ខ្ពស់​បំផុត​។​

 

២-​គ្រប់​ក្រសួង រដ្ឋលេខាធិការដ្ឋាន និង​ស្ថាប័ន ត្រូវ​ដាក់តាំង ព្រះ​បរម​ឆាយាល័ក្ខណ៍ ព្រះករុណា​ជា​អ​ម្ចាស់ជីវិតលើត្បូង ព្រះមហាក្សត្រ នៃ​ព្រះរាជាណាចក្រ​កម្ពុជា ដោយមាន តុបតែង​លម្អ​ភ្លើងពណ៌ ពាក្យស្លោក​ថ្វាយព្រះពរ និង​សារលិខិត​ថ្វាយព្រះពរ ព្រមទាំង​ចង    ទង់ជាតិ បដា​ពាក្យស្លោក​ថ្វាយព្រះពរ នៅតាម​ក្រសួង រដ្ឋលេខាធិការដ្ឋាន ស្ថាប័ន​របស់ខ្លួន​។​

 

៣-​រាជធានី និង​គ្រប់​ខេត្ត ត្រូវ​រៀបចំ​តាំង​ព្រះ​បរម ឆាយាល័ក្ខណ៍ ព្រះករុណា​ជា​អម្ចាស់​ជីវិត លើ​ត្បូង ដោយ​តុបតែង​លម្អ​ភ្លើងពណ៌  ចង​ទង់ជាតិ បដា​ពាក្យស្លោក​មាន​សារលិខិត​ថ្វាយព្រះពរ និង​ណែនាំ​ម្ចាស់​រោងចក្រ សហគ្រាស និង​ប្រជារាស្ត្រ​ឲ្យ​ចង​ទង់ជាតិ បដា ពាក្យស្លោក ឲ្យ​បាន គ្រប់​អង្គភាព និង​គ្រប់​គេហដ្ឋាន​។​

 

​ត្រូវ​ចាត់តាំង​រៀបចំ​ព្រះរាជ​ពិធីបុណ្យ​នេះ​ឲ្យ​បាន​សម​ស្របតាម​លទ្ធភាព​ជាក់ស្តែង​ក្នុង​ក្របខ័ណ្ឌ រាជធានី និង​ខេត្ត ក្រុង ខណ្ឌ ស្រុក ដោយមាន​វត្តមាន​ព្រះសង្ឃ ថ្នាក់ដឹកនាំ មន្ត្រីរាជការ អ្នក មុខ​អ្នកការ ប្រជាពលរដ្ឋ​ចូលរួម​ឲ្យ​បាន​ច្រើន​កុះករ ព្រមទាំង​មានកម្ម​វិធី​ចុះសួរសុខទុក្ខ​អ្នកជំងឺ តាម​មន្ទីរពេទ្យ មណ្ឌល​ជនពិការ ចាស់ជរា កុមារកំព្រា​ផង​។​

 

៤-​ក្រសួង​ព័ត៌មាន ត្រូវ​ណែនាំ​ចាត់​ឲ្យ​បណ្តាញ​វិទ្យុទូរទស្សន៍​ជាតិ និង​ឯកជន តាមដាន​យក ព័ត៌មាន ធ្វើ​ការផលិត​ផ្សព្វផ្សាយ​ទូលំទូលាយ​នូវ​ព្រះរាជ​សកម្មភាព និង​ស្នា​ព្រះហស្ត ព្រះករុណា​ជា​អ​ម្ចាស់ជីវិតលើត្បូង ជាទីគោរព​សក្ការៈ​ដ៏​ខ្ពង់ខ្ពស់​បំផុត​។​

 

៥-​ក្រសួង​វប្បធម៌ និង​វិចិត្រសិល្បៈ ត្រូវធ្វើ​ការណែនាំ​ដល់​មន្ទីរ​វប្បធម៌​និង​វិចិត្រសិល្បៈ រាជធានី និង​ខេត្ត ចាត់តាំង​ក្រុម​តន្ត្រី​សិល្បៈ បុរាណ សម័យ សម្តែង​ជូន​ប្រជារាស្ត្រ​ទស្សនា​កម្សាន្ត សប្បាយ​នៅតាម​ទីសាធារណៈ ដើម្បី​ចូលរួម​អបអរ សាទរ​ក្នុង​ទិវា​ជា​ប្រវត្តិសាស្ត្រ នេះ នៅ​ថ្ងៃទី ២៩ ខែតុលា ឆ្នាំ​២០១៥​។​

 

៦-​ក្រសួងមហាផ្ទៃ និង​ក្រសួងការពារជាតិ ត្រូវ​ណែនាំ​ដល់​អង្គភាព​ក្រោម​ឱវាទ ឲ្យ​សហការ ការពារ​រក្សា​សន្តិសុខ របៀបរៀបរយ​សណ្តាប់​ធ្នាប់​សង្គម ចរាចរ បម្រើការ​រៀបចំ​ព្រះរាជ​ពិធី បុណ្យ​គ្រង​ព្រះ​បរម​រាជសម្បត្តិ របស់ ព្រះមហាក្សត្រ ឲ្យ​ធានាបាន​សុវត្ថិភាព និង​ភាពសប្បាយ រីករាយ​។ ចាត់តាំង​ឲ្យ​មាន​ការអុជ​កាំជ្រួច​អបអរសាទរ នៅ​ថ្ងៃទី​២៩ ខែតុលា ឆ្នាំ​២០១៥ វេលា​ម៉ោង ១៩: ០០​យប់​។​

 

៧-​គណៈកម្មាធិការ​ជាតិ​រៀបចំ​បុណ្យជាតិ​-​អន្តរជាតិ ត្រូវមាន​ផែនការ​បែងចែក​តាម​ក្រ​សួង រដ្ឋលេខាធិការដ្ឋាន ស្ថាប័ន អំពាវនាវ​សប្បុរសជន  អង្គការក្រៅរដ្ឋាភិបាល អង្គការ​មនុស្សធម៌ ក្រុមហ៊ុន​ឯកជន ជួយឧបត្ថម្ភ សម្ភារ ថវិកា គ្រឿងឧបភោគ បរិភោគ​ផ្សេងៗ ចុះសួរសុខទុក្ខ ដល់​អ្នកមាន​ជំងឺ​កំពុង​សម្រាក​ព្យាបាល​នៅតាម​មន្ទីរពេទ្យ មណ្ឌល​ជនពិការ និង​មណ្ឌល កុមារកំព្រា ចាស់ជរា ដើម្បី​សម្តែង​មនោសញ្ចេតនា​អាណិត​ស្រឡាញ់ រាប់អាន​លើកទឹកចិត្ត និង​ជួយ​គ្នា​ទៅវិញទៅមក​៕

12079594_1657043544564775_1351275198539107688_n

 

Leave a Reply

(*) Required, Your email will not be published